老師唔易做

網誌

廣告

這幾日的新聞都是圍繞會考這個題目,回想起十多年前自己的會考成績(26分),也十分引以為傲,在原校升讀中六之外,後來更搶先被香港中文大學收了成為暫取生,不用經歷A-Level的考試。不過時移勢易,今時唔同往日,現在的學生面臨更多的競爭,人人都要往補習社進補,跟幾個剛畢業出來工作的年輕人談過,知道補習已經成為香港教育的特色之一,人補我又補不想執輸,學校老師見個個出去補習,更加無心教學,教得唔好,學生自然要自救,更為著重補習……,如此的惡性循環下,令補習事業於近年非常蓬勃。
有好些人不明白為何補習緊要過學校的學習,我看過某些討論區學生的見解:認為那些補習天王,懂得香港考試制度的規則,教曉學生答題技巧和最重要的marking scheme,補完的確可以拿好成績。至此我終於明白徵結在於那份marking scheme,答到重點有分,沒有重點零分,那些會考高考閱卷員便是跟著這個標準俾分,由於要統一準則,所以沒有酌情只有對錯,沒有前文後理不緊要,只要答得中重點,就有分,情況跟以下這個故事類似:話說朋友的姨甥女剛升了小學,為了考試苦不堪言,其中通識課中提到:「香港共有24個郊野公園,例如:金山郊野公園、馬鞍山郊野公園、西貢郊野公園和大潭郊野公園等等。」於是小朋友就不斷順次序地背念這四個郊野公園的名字,因為題目是會這樣問的:「香港共有24個郊野公園,例如:__郊野公園、馬鞍山郊野公園、___郊野公園和___郊野公園等等。」如果你無端端答了大嶼山,便會得到一個大交叉,但是大嶼山郊野公園也是24個之1呀,朋友大惑不解,他妹妹無奈地說:「千萬不要質疑,這就是香港的教育制度。」

老公也當了好幾年會考和高考的閱卷員,記得有一次他回來氣沖沖的,一問之下,他連珠爆發:「今日開會傾marking scheme,佢地(其他閱卷員)剩係諗自己易唔易改,成條數,答唔到個答案就1分都冇,但係好多學生一開始時條式係啱o架,只係過程之中計錯咗,咁就零分,佢地冇諗吓就算係1分都好緊要,係影響梗一個後生仔既前途o架。」看,這份marking scheme多重要。

大家一定覺得我這個shopping精,為何突然關心香港的教肓制度起來,本人在此先申報利益:這個post擺明是公器私用的了,因為我人生中最重要的男人之一--我老公,將會投身於補習事業,當然要為他賣賣廣告。


這是掛於旺角的大型廣告牌,右一就是我老公--Vincent Kong。
他在名牌預科恆生商學書院教了數學11年,在他教導下考獲A級的學生無數,我未受過他的教導,我不知道他的教學方法有多靈活有多實用,唯一我肯定的是:他是用「心」來教,就算晚上有學生打電話來問數,他都會耐心地教導,不是當打份工的老師。
不過我也不會說他只為教育,不重錢財如此清高,他也要吃飯呀,更何況有我這個「洗錢怪」老婆,自然希望可以比以前賺多一些吧,坦白說,不是為錢,為何要放棄名校講師的職位,不過,我跟他都覺得用心教跟賺錢是可以並存的,不代表凡是收錢就是功利不上心,用心花時間就要蝕俾你。

這些是老公於恆生商學書院任教時獲得的「最傑出老師獎」和「最佳教學獎」獎狀,每年老公回來告訴我,他又有幾多幾多學生攞A,我每次都會諗:如果一個A加$1000人工就好了。

我跟老公性格南轅北轍,他不願認同我的奢侈,我也無法明白他的慳儉,不過他工作的態度是唯一令我對他肅然起敬的,無論之前個晚幾夜瞓,都可以每朝晨咁早起身返學,平日教書仲未夠,課餘更兼任籃球教練,剛於上星期擔任教練的球隊羸了Nike League籃球賽,今日便以香港代表隊身份飛了去北京參加Nike League全國籃球比賽。而我EQ低,不曉教人,所以教仔一職都係留俾佢。
請多多支持吧:
Vincent Kong (Maths , Maths & Statistics F.4 to F.7)
尚品教育
(於油麻地、灣仔、太子、元朗和葵興都有校舍)

查詢電話:2264 8366/2578 8553
website: www.champagne.edu.hk

你可能也喜歡

There are 20 comments

Add yours
  1. SoSo

    恭喜恭喜…..希望妳老公可以成為星級補習天王, 幫下一些好似我咁讀書唔叻既人….亦希望妳老公搵多d$$比妳這shopping天王買多d試多d….之後介紹多點好野比大家….但千奇唔好只介紹d貴野wow…有時都要照顧一下我地呢d未有老公養既貪靚人wow….^^

  2. Angela Cheng

    “他不願認同我的奢侈,我也無法明白他的慳儉” me too ….. i dont understand…. n u study literature and him, maths…. it’s reallly 南轅北轍 but 文武双全

  3. Michelle阿比

    我覺得兩公婆”南轅北轍”可以互補. 我都成日買野, 我老公就慳儉. 但就如我老公所說, 如果兩個都係shopping精用多多錢, 誰來存錢?

  4. RED

    他不願認同我的奢侈,我也無法明白他的慳儉————–好一噱浪漫愛情喜劇情節

  5. michellelau

    Hi SoSo,
    yeah, 我都希望佢可以教到人之餘都搵到錢啦, 不過, 要佢買野比我就好有難度啦, 我都係乖乖地繼續返工, 自己賺自己買啦. 其實, 我都有買平野架, 有時買到D又平又正既野, 真係好開心架.

  6. michellelau

    Angela & Michelle阿比,
    係呀, 有時我都諗:如果身邊果個同我一樣就慘啦, 所以一凹一凸先係perfect match.

  7. michellelau

    RED,
    究竟你係邊度覺得會有浪漫呢? 當我同佢講: 你不如送件Moncler俾我啦? 然後佢不停話: 又買? 唔好買啦, 地球暖化都冇咩機會著……唔好買啦. 然後我死心不息再同佢講: 不如你送半件Moncler俾我啦? 半件啫. 佢都係不停話: 唔好買啦, 地球暖化冇咩機會著……唔好買啦………., 又點會浪漫呢?

  8. michellelau

    Hi Vivian,
    我仲成日同老公講:我既讀者唔會係讀梗書既年齡層!!!哈哈,原來真係有喎,咁希望你可以幫我老公宣傳下啦!!Thanks

  9. michellelau

    winnie,
    你都好好人好厚道呀, 竟然話我老公靚仔, 我真係唔覺囉. 而且佢只係補習界既新丁, 絕對不是天王

  10. Lamlam

    原來你先生是數學老師。請問你先生有冇時間及興趣補小學生?小三及小六。希望能大大提升數學成績。或日後上了中學才補。
    請回[email protected]

  11. Kelly

    哈哈, 無意中發現江SIR太太的BLOG。我們一早都知道江SIR的太太好靚, 原來仲係美容編輯! 🙂 祝新年快樂, 合家平安!


Post a new comment