窺探美記生活 公開底妝秘技

網誌

這是我的生活寫照全公開~

有一點想了解美記生活,也有一點點八卦的你們
密切留意哦~
前一晚我特別麻煩了我的另一半為我紀錄翌日的生活寫照~
所以08:30am他便準時起床..洗面刷牙、準備相機並開始為我拍攝
(身為幸福少婦的我,其實每天都是由另一半叫醒起床,然後一齊換衫,準備同步出門工作的)
08:45am

仍然抱頭大睡的我,頭髮亂得很,肌膚也暗啞得很
(我們的睡房由兩間細房打通而成,窗戶很多,但猛烈的陽光沒有令我的肌膚提升點點光澤感=_=)

瞓醒的第一剎那
相信大家都不會立即彈起身!和我一樣,左轉轉右轉轉~揉揉眼..
然後講一大堆想懶床的說話…..hahaha..
09:00am
其實懷孕後~我的護膚程序減少了很多
晚間沐浴之後~我多數不會塗抹任何護膚產品
(傳聞話..愈少的護膚步驟,肌膚愈保養得宜..唔知係咪真呢?)
只在肌膚特別乾燥或污穢時,我才會在沐浴期間同步敷一點面膜或塗抹一點美肌油修護一下

所以早上我只會用清水潔面,然後直接進入護膚環節
到底我既護膚步驟係點既呢?

09:05am
潔面後~我習慣立即護膚上妝,盡量在肌膚水潤的情況下上妝

可以令妝感貼服一點

這是我的護膚專櫃!日常用到的保濕精華、美顏油、防曬及刮痧棒等護膚產品
全部都收納在這透明的櫃子中~方便拿出來使用。

準備護膚~

我的肌膚本是缺水缺油的一群!
容易因為水分流失而出現皮膚泛紅、敏感及乾燥脫皮的情況… ….
所以護膚步驟做得好~我的肌膚先可以一整日keep住最好的狀態!!!

必需做到「水油平衡」

Step 1:
選擇保濕精華..我必定要揀質地夠水潤、易滲透、易吸收的
最重要係..用後不會於肌膚表面留下任何殘留物質..否則一上妝便會出現擦膠碎痕跡
我會唧出2泵分量的Chanel Hydra Beauty Micro Serum保濕精華液及保濕眼霜塗抹全面
令全面保持超級水潤的狀態

近看肌膚非常水漾有光澤!!!!令肌膚好似吸滿水分那樣,非常飽滿才可

Step 2:
由於我是缺油又缺水的膚質,所以塗抹保濕精華後
我會立即on top抹一層美顏油~立即為肌膚鎖住水分
肌膚表面充滿油潤感時,可以順便利用刮痧棒按摩肌膚
幫忙導入之餘,更可以做到緊致纖顏的效果!
(刮痧瘦面之前教過~大家可以重溫一下
神級刮痧瘦面秘技♡全公開)

Step 3:
防曬方面,近日我改用了Adjuvant的天然保濕防曬底霜
淡粉紅的色調可以均勻膚色,抹走暗沉晦氣
只要每日完成以上護膚三步驟,就可以令肌膚吸飽水分及油分~
令肌膚不再出現任何問題症狀
皮膚底子好,上妝自然無問題啦!!
完成護膚步驟後,就可以開始上妝喇

上妝喇~


這是我的化妝小櫃 (其中一部分)
我最常用到、最喜愛及近期正在試用的化妝品通通都會放在這裡!

當然少不了一個專門放置化妝掃的櫃子
率先要用到的…. …..便是Chanel細頭遮瑕掃

由於我需要上妝的範圍不算多,而且個人講究細微修飾
所以細頭的纖維遮瑕掃,可以一take過幫我遮黑眼圈、泛紅膚色及最近才開始爆發的小黑斑><

上妝範圍

缺水又缺油的膚質,額頭位置容易出油
兩邊面頰容易乾燥脫皮,若果肌膚沒有太大瑕疵需要修飾
可以重點在倒三角形內的位置上妝

借助遮瑕掃~重點將ILIA Vivid Concealer塗抹在倒三角形內的範圍就可以~
除非當日要上鏡拍攝~否則我都唔會全面搽上粉底的

搽完粉底之後~我會用Prinshell Loose Powder重點輕印眼蓋位置定妝~
至於面部搽咗粉底既位置就可以避免印上碎粉,令底妝keep住長時間有光澤!

Before

After
大家睇下~上咗底妝之後既皮膚幾咁光澤剔透~而且膚色亦均勻咗好多tim..

Tips:
如果肌膚瑕疵較多的、唔鍾意用粉底液或者想底妝既遮瑕效果好啲….可以塗抹保濕精華後,
直接用粉撲輕輕力印上氣墊粉底,個妝同樣可以keep住有水潤光澤,而且持久度滿分!


淡妝當然唔少得要畫返條眉啦~

由於底妝講求自然貼服~所以我改用Chanel Stick狀既橙色胭脂
重點於面頰位置上色,效果自然,而且顏色亦非常顯著
最重要係效果比較水潤剔透,沒有粉感!
準備好睇我化完妝後既效果未呢?

10:15am

快速Set頭

今晚要出去玩~就在等待另一半放狗的空檔
把握時間set個微鬈短髮吧~ (聽聞現在韓國很hit又短又鬈的髮型)

個妝雖然好淡~但單係肌膚表面泛起的自然光澤,已經令成個人變得好精神
由呢一刻開始,我地就留意下個妝係咪真係可以hold足全日都咁水潤持久啦!
10:30am
平日我們會預大約一個鐘的時間裝身打扮出門口~
但今天因為拍攝關係,遲了一點
所以很趕急地準備坐火車出發開工!
(我的另一半習慣為我紀錄每天的懷孕成長過程,在等候期間我們把握時間)
日光照射下,可見上妝後的肌膚紅粉飛揚..而且非常乾淨貼服^^

一齊睇下幾個鐘後我個妝係咪真係可以hold足全日啦

04:30pm
今天是埋稿的日子,回到公司便要面對數分大稿~

剛好今期的Fitness、測試及扮靚神器全部由我包辦
幸好埋頭苦幹下
妝容沒有出現溶化及脫妝情況
(美容記者每天的工作都不一樣,有時需要拍攝、拍片、試產品、出event…今天就要大家一齊埋稿的日子)
想了解其他日子我地既工作狀況..下次再分享啦..hehehe

因為我是一個完全不愛補妝的人!所以肌膚必須要夠水夠潤、底妝打得好
這兩個步驟對我來說很重要
肌膚只要是缺水又或是缺油
我的肌膚至中午過後便會出現乾燥脫皮及泛紅起粒粒等敏感情況

為了証明妝效持久度,我特別麻煩另一半為我攝下這張After~
肌膚與剛上妝後沒有太大差異吧!!!
(是沒有補塗唇膏,唇色無哂囉… …..)
收工喇!!!
8:00pm
今晚要與友人聚會
所以工作後馬上會合大家食晚飯、吹吹水

今晚落大雨~無帶遮既我淋濕了一點~
但到了
11:00pm
拍攝合照時,我的肌膚依然未有出現溶妝、浮妝及暗啞等情況
12:30am

終於返到屋企啦!

即使好close up咁影相做証~
皮膚都仲算見得下人~
經過12個鐘之後,皮膚一樣好似飲飽水咁水潤富光澤!
個底妝仲keep住好持久tim…
想知道我既護膚秘訣係邊!?

here we go ….

(這是今早另一半見我使用時,職業病上身~
覺得自然光線照射透明泡泡狀的精華質感變得很美,所以拍攝下來的。)
不少女生都會遇到上妝時出現擦膠碎、出現浮妝及難以塗抹均勻粉底的情況吧!
原因是肌膚沒有足夠的水分或者沒有用到適合的保濕精華
和我一樣特別喜歡使用純保濕產品的女生~
在揀選保濕精華時,緊記質地一定要夠水潤 (最好是啫喱狀或水狀的)
這樣先可提升吸收及滲透效果
令肌膚底層快速吸飽水分
其次選用適合自己的粉底,借助保濕精華的水分提升整體水潤度
大大提升妝感的貼服效果!!
Chanel Hydra Beauty Micro Serum $790

當中蘊含穩定性極高的山茶花油成分,營養高,更可提升滲透效果
令肌膚快速注入水分,一秒補水!一秒潤妝!

你可能也喜歡