秋冬轉季必備精華素

Nov 4 2015

貪靚嘅女士化妝櫃點都會有一兩支精華液係度！
而加秋涼嘅天氣皮膚有機會唔適應導致乾燥甩皮，
當大家感覺到面霜唔夠潤，就要選擇精華素啦！
大家又知唔知精華液有咩用處呢?
精華喚言而之護膚成分比普通面霜濃縮，
但質地水潤，皮膚容易吸收，
而且仲可以重點針對皮膚需要而選擇合適嘅精華~
近期我地都收到一系列精華素，
而加等我地逐一介紹啦！

Clarins 極活齡精萃 ($1250/30ml)

Clarins早前都出左V sharp嘅護膚系列，
出名lifting同firming功效明顯，
如果大家覺得皮膚乾之餘仲開始有鬆弛現象，
就可以試下呢支華，
呢支精萃加入三款全新植物萃取，
包括那葉，薔薇同車前草，
可以針對修復荷爾蒙影響嘅問題，
減淡黑色素問題，
仲可以修護肌膚嘅老化問題，緊緻提升輪廓線條！
另外仲有透明質酸複合物可以保濕鎖水添！

呢支精華淡淡粉紅色帶花香味，
質地Gel狀偏水，
一推開就好水，好快俾皮膚吸收哂，
一啲都唔粘嫁！

適合中性偏乾人士

Dermacept by Dr.Zein Obagi Derma Power Serum

除左Clarins果支外，
Dermacept by Dr.Zein Obagi呢支好啱出現鬆弛問題嘅你使用，
之前由楊采妮代言嘅美白serum都好見效！
佢嘅護膚理念係喚醒肌膚本身嘅自身能力，
全新嘅活膚精華可以促進肌膚自我產生透明質酸，
彈性蛋白同膠原蛋白，
主要令真皮層提升自我保濕力，
有效保濕之餘仲可以提升肌膚緊緻度同減淡細紋！
啱哂輕熟女使用！

呢支精華無咩味，
一泵出黎已經係水狀，
所以推開已經好爽，
重採用左獨特探知乾燥部位膠囊技術同維命他A誘導體，
所以強效保濕嫁！
啱哂怕笠嘅朋友仔！

éPure Cryo Cellular Jelly Essence ($298/30ml)

大家唔好以為中女先要用精華，
其實後生女都要嫁！
如果大家轉季感覺到皮膚好乾，
上粉又cake粉，就可以試下呢隻補水serum！
主要成分有超低溫技術萃取之1000 倍高濃度橄欖胚芽精華、
有機鼠尾草萃尿 (Xeradin)同玻尿酸，
再加入左多種珍貴天然成分，
肌膚可以迅速吸收並且形成滋潤薄膜，
另皮膚底層緊鎖水分！

質地呈jelly狀，
不過一推閞就好水，
完全無粘粘嘅感覺，
仲無人工嘅香料味，
啱哂缺水皮膚人士使用！令皮膚飲飽水！

Helena Rubinstein Force C注光抗氧精華($1380/50ml)

皮膚會因為化得妝多又或者天氣問題變得暗啞，
唔知大家有點無試過上粉過左半日皮膚就又啞又黃，
呢啲就係氧化問題，
如果有呢啲問題建議用返抗氧化嘅精華！
Force C結合左三種不同維他命C，
包括純維他命C能高效抗氧，
Cmap能穩定純維他命C及持續發放抗氧力量，
Cg能穩定純維他命C及高效保濕，發揮活性功效，
使用係修護精華同面霜之間，
有效提升產品嘅吸收力同效果！
有效緊緻皮膚同另膚色更亮澤均勻！

呢支精華味道係帶橙嘅生果味，
感覺好fresh！
質地係油水，精華推開後仲有一層薄膜，
補水之餘仲好滋潤！

Kate SomervilleAge Arrest 凝肌緊緻精華 ($870/30ml)

女士開始踏入輕熟女年紀就要開始注意幼紋問題，
如果唔係就好易變皺紋嫁啦！
Kate Somerville呢支精華主要抗皺，淡化細紋，緊緻肌膚，
同改善肌膚暗啞失色嘅情況，
產品加入左革命性的TELO-5™抗衰老科技，
全面對抗衰老現象！
另外仲有四胜肽，可以促進膠原蛋白及彈力蛋白再生，
海洋小白菊萃取可以即時減淡肌膚上的細紋及表情紋，延緩初老徵狀，
發酵褐海帶萃取有效減退細紋同時補水，
植物性胺基酸就具有高效抗氧化同抗污染功效，
海鞭珊瑚、海藻原液有效滋潤及紓緩肌膚，防止水份流失！
適合敏感肌膚使用！

精華帶草本味，
質地lotion狀，感覺好rich，
推䦕左好似有層薄膜，
仲有啲涼涼地添！