Bio-Oil

秋冬護膚有一支油就夠!Bio-Oil的10個用法!

網誌

我嘅皮膚一向好乾好乾,未到秋天就已出現龜裂,朋友話原來「大肚必用」嘅Bio-Oil滋潤度比起潤膚霜更好,佢唔單止係用來對令妊娠紋,仲有好多用途,全家護膚有佢就「一支搞掂晒」,夠滋夠方便,仲經濟實惠添!

大肚必用!空姐界護膚寶物!

認識Bio-Oil是因為身邊嘅空姐朋友,說Bio-Oil非常好用,滋潤又多用途,仲可以去妊娠紋,但當時香港未有得賣,所以每次飛到南非工作都會大手入貨!如果我喺十幾年前就識得「佢」,個肚皮就唔會「出事」搞到成肚紋!雖然成肚紋已成定局,但我就勤力塗Bio-Oil,近年已有慢慢減淡跡象,真係幾work!

極致配方 溫和滋潤

既然用得喺大肚婆身上,Bio-Oil所採用嘅成分絕對溫和,除咗採用突破性成分PurCellin Oil™,仲添加可為缺水肌膚補充養分嘅維他命A同E,加上由金盞菊、薰衣草、迷迭香、洋甘菊提取嘅豐富植物萃取物,滋潤又保濕,仲可以提升皮膚彈性,促進肌膚再生。

一油10用!全家大細護膚靠晒佢!

Bio-Oil絕對唔係用來對令妊娠紋咁簡單,佢仲有10幾個用途,而我就會用佢嚟當作以下用法:

1.面部按摩油

有唔少朋友都覺得護膚油好笠,但一支「好油」就絕對唔會帶來黏膩感。我就會用Bio-Oil嚟當作按摩油,臨瞓前用來按一按,既可以促進血液循環,記住動作要由內向外、由下而上,更有瘦面、緊致、去斑同修護功效呢!

2. 去疤除痕

Bio-Oil可以改善疤痕外觀,當然唔係一搽就無疤,但只要耐心使用,經德國proDERM研究所一項臨床測試證實,92%用家都話疤痕情況有改善呀!囡囡因為被蚊叮,成腳都係疤,現在密密用,真的有部分疤痕明顯減淡呢!

3. 去妊娠紋

肚紋係唔少媽咪嘅煩惱,我天生皮膚較乾,生第一個小朋友就因為不識護理,致肚皮上有極多顏色深而長嘅妊娠紋,多年來都未有改善。陀第二個小朋友時,朋友就送來Bio-Oil,說可以減低陀BB時出現妊娠紋嘅可能性,當時我密密搽,發現無再增添一條妊娠紋,本身嘅妊娠紋亦有明顯減淡跡象,效果極佳!

4. 指甲邊緣油

雙手經常接觸水,指甲邊位會積聚好多死皮、乾皮,嚴重會出現「倒刺」,所以我會喺按摩面部時,「順便」用Bio-Oil滋潤一下指甲邊緣,方便又夠潤,仲可以買少一支指甲邊緣油,慳番幾十蚊,精明呀!

5.唇部磨砂

作為「至抵精明眼」,當然要善用Bio-Oil嘅多用途特性。每星期我都會用

一至兩茶匙黃糖,加適量Bio-Oil(加到能同黃糖混合而磨砂膏狀便可),搽喺嘴唇,再輕輕按摩,就可以去除唇部死皮,再用水一沖,雙唇仲feel到好滋潤呀!

6.粉底打底霜

一到轉季就要換粉底,其實想用開嘅清爽粉底變得滋潤,只要以Bio-Oil 1 : 粉底液3嘅分量混合,可以將乾紋填補,粉底就會好貼好潤呀!亦可以喺搽粉底前先搽一層薄薄嘅Bio-Oil,都可以得到同樣潤澤效果。

7.浸浴油

如果想身體皮膚更smooth更幼滑,可以來個Bio-Oil浸浴,將適量嘅Bio-Oil加入暖水中,既紓緩又滋潤,用完再搽多層Bio-Oil,就連極乾皮膚都可以得到改善。

8. 身體按摩油

Body Massage係個親子嘅好活動,用Bio-Oil作按摩油,可以滋潤皮膚之餘,仲有暢通淋巴、紓緩同放鬆功效,你睇我嘅極乾乾紋,用後即刻潤番晒,啲紋即時被護膚油「填補」了。

9.面膜

想不到Bio-Oil仲可以用來做面膜!只要加入適量嘅麥片、蜜糖,敷15分鐘就可以軟化皮膚,同時可滋潤修護,更能美白去斑添!

10. 手膜

空姐們朋友就介紹我用Bio-Oil來做hand mask,佢哋會厚敷Bio-Oil,再套上手膜手套(喺飛機到有時會用膠手套)當作手膜,20分鐘後按摩一下雙手,等護膚油更能滲透入皮膚,就乾紋、皺紋乜都無晒,全面改善乾燥雙手。

有甚麼好用面膜推介?

在琳瑯滿目的面膜中,選擇成分安全的面膜非常重要,即睇:8大保濕面膜推薦消委會19款安全面膜清單。除了紙面膜,深層清潔泥膜推薦有效幫面部皮膚深層清潔,可去除肌底的污垢、黑頭、粉刺等。如果想用成份天然的面膜,不妨跟女星們學習自製天然面膜教學

正確的敷面膜方法是?

保濕面膜愈敷愈乾?可以試試懶人「三日濕敷法」。另外不少女生都抱著不想浪費保濕面膜中的精華液的心態,以為敷得愈久肌膚就能吸收愈多水份,這樣就正中保濕陷阱,想確保面膜用到盡就要學10大敷面膜步驟回本攻略

你可能也喜歡

Recommended