私房 大埔 一日遊懶人包
踏入秋天,天色常藍又清爽,當時不能浪費好天氣躲在家中做宅女!九月尾又有中秋連假,就算留在香港也可以好多地方去!在讀大學時係人都想去Study Trip,當時未見過世面當然是想坐飛機去歐洲,點知被老師當頭捧喝一句:「香港咁多地方你去過晒喇咩?」的確,香港很多地方,香港人也沒去過。
而以下,是我家大埔的私房推介。知道很多人在秋天喜歡到大尾督BBQ、踩單車,奉送以下短住幾年的真心分享。
第一站: 12NN 綠匯學苑
由前舊大埔警署活化而成的綠匯學苑,位於運頭角小山丘上。在這裡幾年也不知道它的存在,因為位置都幾隱秘。其實走到人來人往的大街也只是1分鐘步程。
估不到原來舊大埔警署,曾經也是抗日總部。這裡也保留不少的警署遺蹟,不過叫大家12點來到,是因為這裡活化成「綠匯學苑」之後,附設貨應素食的「慧食堂」。
素食?飽唔飽?係咪好寡?
NO!真的意想不到!除了「慧食堂」清幽的「文青」環境,這裡的素食令我喜歡吃肉的另一半也讚好味,起初他也怕不夠飽,唔好食之類。不過我曾經跟一位素食者談過,她說:「其實肉類如果沒經過調味,是沒那麼好味的,而最濃烈的味道,往往來自植物。」的確,之後發現:蒸豬肉的好「味」來源是來自:梅子的酸、豆豉的香,炆牛尾最好味是來自: 紅酒的酸、香草的辛、洋蔥的甜⋯⋯
況且,一星期來一餐全素清清腸胃也包你有益!(而且好食!)
「慧食堂」的點餐方法如下:
12nn-2pm Lunch Time $40 /任選四款
2pm-4pm Tea Time $40 /任選三款
因為我們來到已是2: 30 pm 所以吃到都是下午茶,其實食物一樣不過只能挑三款。為食又貪心的我們挑盡了Menu 上的,除了一些已賣光光的。
花生、芝麻、綠豆發芽而成的沙律,街市買到的芽菜一般都是加了化學添加劑才會這麼粗大,這樣以芝麻發芽的芽菜你又食過未?想知點整也可以問「慧食堂」的店用,他們超樂意分享!
這個Chia Seed Pudding $30,不太甜而且Chia Seed 有滑大腸的功能,不少荷星都食用的健康食物。
我們二人每人叫了兩個下午茶餐,一人$80。可能有人覺得食素HK$80唔平,不過當你種過菜知道有機的收成幾少,你就覺得呢個價錢都合理。
Next Page> 食飽記住去睇埋呢度!
由前舊大埔警署活化而成的綠匯學苑有兩個值得參觀的部分:一是警察工作及大埔歷史的部分,二時Shopping 的小店。
歷史我在此不多說了大家去到慢慢睇,不過作為一個博物館,本人覺得它做到頗有心思的。
在本應陰冷的警察館牆上,加上可愛的手繪,是直接畫在牆上的。
綠匯學苑
地址:大埔 運頭角里 11 號
電話:2996 2800
前往方法: 由大埔墟火車站步行前往約10分鐘,另綠匯學苑 門口有約10個泊車錶位。
Next Page> 玩到2點大家可以選擇A・買大埔名物;B・去最港最大的公園Hea!
2PM Option A 大埔街市 買手信
大埔街市歇我搬到這裡的其中一個原因,真係不輸九龍城街市。當然街市都有 Citysuper’ 級數的西人菜蔬(而價錢平一半!),以及不得了的海鮮檔不在話下,不過大家周末一心入來梳肝我當然不是介紹你來買菜(當然你也可以的!)。以下三檔,全集中在二樓,是我的推介:
01 梁九記芝士蛋糕
十分招積的梁九記,凍肉好平!所以周末不時四、五點閂門,有時關門時間很難捉摸。不過我不是介紹你買凍肉,而是主店的對面有間小小的雜貨店,有家庭裝的麻醬(火鍋用)、業務用的日本烏冬⋯⋯ 最搶手的貨品,是一盒大約 HK$100( 忘了Exactly幾錢)的芝士蛋糕,一盒20件,可雪在冰箱,吃的時候拿出來放室溫一會便可!它可是Groupbuyer 2014-15年度,經典美食的最後五強呢!
大家可以自己尋寶。近日我愛上了呢支 Kavalan 出的黑麥汁,老闆說因為飽肚,台灣人晚上飲當宵夜,可以減肥。入口超強的蜜牙糖味!大家知道 Kavalan 這個品牌有幾勁嗎?佢嘅威士忌曾經贏咗蘇格蘭同日本,成為全球最佳威士忌!呢支嘢 20蚊,抵飲!
03燒烤樂園 BBQ食物
如果你入大補的原因係想去大尾督BBQ,建議你去街市二樓的「燒烤樂園」買肉類。
食過咁多間覺得佢最好味(但也貴一點點)。因為醃料幾好味,不會有食完口乾,我有味精敏感,吃完味精會面麻,這間吃過多次都無事,有時還會見到醃料中有絲絲蘿蔔絲、洋蔥絲。
推介有: 鴨舌、牛肋條(超推介)、雞扒、羊架
Next Page> 唔想Shopping 想放空,去呢個公園!
2PM OptionB 大埔海濱公園
大埔海濱公園,是我的大樂園,這裡是康樂及文化事務署轄下最大的公園!不要以為一大片草地一定要去Hyde Park(當然人家地方真的大很多⋯⋯),大埔臨海的海濱公園,有不少專業玩家放風箏!有個回歸塔可以行上去睇下好山好水。另外也有可以放船仔的大水池,以及D玫瑰香過香水的玫瑰園。因為有打理得很好的花圃,我們經常戲稱這裡是大埔富良野⋯⋯開玩笑的啦~~ 不過公園很大很好Hea卻是真的。
公園內也有單車出租。
Next Page> 如果大埔只能介紹一間食肆⋯⋯
6PM盧爸爸私房菜 食蟹!
大埔好吃的東西不少,如大埔街市內的東記豬扒麵、華輝茶餐廳的得獎蘋果批、貴但係又真係好幾正的一樂鵝脾,阿婆豆花我就麻麻,其實後面小街的大明里22號龍騰閣地下豆腐花更正⋯⋯不過如果要我推介一間非食不可的給區外朋話,一定是盧爸爸私房菜。
店主盧爸爸本是三行工,太愛吃一家人做「蜆勁村盧爸爸私房菜」,個女好乖,成日在店內幫手,又有禮貌。說回食,盧爸爸自己入手海鮮,$500 有膏、肉蟹兩食的薑蔥炒蟹、百多元的辣酒煮花螺、混入鮑魚同煮的惹味雞(一定要人多吃,否則有點太油膩),以及超乾身好好食的盧爸爸炒飯(必須要食!)。同阿媽慶生都係幫襯佢,五個人食都係一千蚊。
記得訂枱,星期五、六及日好爆場!
蜆勁村盧爸爸私房菜
地址: 大埔翠怡街3號翠怡花園C座地下9A1號舖
電站:6828 0332