祟光感謝周年慶 平掃貴牌護膚品攻略
一年兩次的崇光感謝周年慶，上半年度定於5月13日至29日舉行，是掃平貨的好時機，電器家品厨具，我家斗室地方有限，買唔到咁多，亦不是跑樓梯買煲一族，我反而主攻女人最花費的消耗品──護膚品！
經濟實惠品牌平時買都得，要慳得多又想趁機試貴嘢，當然主攻貴價品牌啦！這季鎖定目標買兩三套，夠用足半年，到下次周年慶再掃平貨，等如全年都可以慳到盡，可以最抵價錢享用最尊貴產品。
今次我推介個人心水，值得投資的貴牌，睇吓有咩超筍套裝必搶，大家可參考一下先入貨。
最強基本護理──Cle de Peau Beaute
想皮膚問題真正得到改善，基本護理絕對唔慳得，人人追捧CDP的La Crème，當然值得試，但佢嘅基本護理，如潔膚泡沫、淨膚水及乳液都超正！潤而不膩，好啱暗啞缺水皮膚用，今次就有一套慳咗成千七蚊有多的選擇，仲可以試埋佢嘅La Serum及眼霜㖭。
（只限銅鑼灣店）
查詢：崇光百貨新翼地下 2831 8487
名媛最愛──Valmont
一向都是Valmont的粉絲，尤其用過佢哋嘅王牌Renewing Pack之後，簡直欲擺不能，急救殘肌最佳之選。所以入手呢個品牌的推介，我必選有Renewing Pack的套裝！
（只限銅鑼灣店）
查詢：崇光百貨 2831 3983
鑽石級享受──Chantecaille
雖然Chantecaille嘅玫瑰水好出名，我亦用完一支又一支，不過平時買都不過幾百蚊有交易，到咗感謝周年慶呢啲掃平貨日子，我當然釘實佢哋最尊貴嘅鑽石級系列啦，平時單買呢個系列嘅面膜加乳液已四千大元！今次呢個set，平一大截之餘，仲有我都大愛嘅頸霜及眼霜㖭，屬強效抗衰老之選。
查詢：尖沙咀崇光百貨LG/F 3911 1652
極潤之選–Guerlain
識揀Guerlain嘅，都一定會揀御庭蘭花極緻面霜，質感不油膩，但卻富極潤及鎖水效果，用後明顯feel到皮膚又滑又緊緻，不過慎入，因為用過之後你就知返唔到轉頭喇。所以我推介主攻有這面霜套裝。
（只限銅鑼灣店至22日）
查詢：銅鑼灣崇光百貨 2831 4655
