清爽抗皺產品推介

Sep 4 2014

好多人都會以為肌膚出現皺紋係因為年齡增長，
而正常人幾多年歲先開始用抗皺產品呢？
其實肌膚偏乾嘅話可能25歲左右就會開始出現乾紋，
而油性或者中性肌膚可能30歲先開始出現肌膚衰老問題。
所以幾時先開始用抗皺產品應該視乎膚質,
並非單靠年齡數字去決定嘅!
事實上, 抗皺產品應該係皮膚出現明顯老化情況之前就開始用，
因為肌膚一旦出現細紋或者皺紋先開始使用抗皺產品，
就已經太遲。
縱使現時醫學昌明，大家可以靠醫學美容嘅技術去皺去紋，
但醫學美容嘅價錢同風險比起護膚品高得多。
所以，由剛剛察覺到皺紋問題時就應該開始使用產品去減輕情況，

比起問題嚴重時才利用醫學方法去解決更好。
唔少人會以為抗皺產品質地會好笠，
但接下來我地介紹到嘅產品當中，
唔少都係質地清爽，適合油性皮膚朋友使用嘅！

隨著年齡增長, 肌膚入面嘅鎖水分子濃度會減低,
鎖水分子濃度減低會令肌膚出現缺水,
皮膚經常處於缺水狀態會令肌膚加速老化,
出現細紋, 皮膚粗糙等問題。
以下會先為大家介紹兩款保濕為主，
質地清爽，比較適合中性至油性肌膚使用嘅抗皺產品。
KIEHL’S Hydro-Plumping Re-Texturizing Serum Concentrate

Kiehl’s 蘊含植物甘油同紫蘇葉精華,
當中植物甘油源自棕櫚, 油菜籽同椰子,
成份天然, 同肌膚高度親和,
容易將水分引入肌膚, 增強肌膚彈性。
而紫蘇葉精華就可以防止肌膚內透明質酸嘅含量降低,
令肌膚缺水位置更能鎖水。

1. 質地似凝膠質地
2. 推開時感覺質地好滑好嫩
3. 完全搽勻後會感覺質地變得水了
4. 搽完之後好快就會被皮膚吸收，皮膚感覺清爽水潤
味道方面係清淡嘅植物味。
初初推開時感覺似凝膠狀,
慢慢推開就會感覺質地由凝膠變成水狀,
皮膚吸收得好快, 而且毫無油膩感覺。
感覺非常保濕。
質地非常清爽, 適合油性缺水肌膚。

HK$470/ 50ml
之後介紹就係另一款質地同樣清爽嘅抗皺產品!
ORLANE B21 ExtraordinaireYouth Reset

ORLANE B21 當中蘊含小麥胚芽蛋白,
大豆纖維萃取物同玻尿酸等等,，
可以全面激活, 緊緻同補濕肌膚。
當中更有一種尊貴成份 –淡鳶尾花幹細胞,
淡鳶尾花幹細胞入面有21種氨基酸,
可以啟動細胞核心, 活化細胞的結構同提供能量,
延長肌膚細胞壽命,增加纖維組織母細胞與製造膠原複合物,
令肌膚自我修復能力增加,減少皺紋, 膚色變得透亮緊緻!

1. 凝膠狀質地
2. 推開時質地柔滑
3. 搽完之後肌膚嫩滑清爽
香味方面係清新嘅花香味，
質地凝膠狀，推開時感覺柔滑滋潤，
搽後皮膚吸收非常快，滋潤不油膩。

接住就會為大家介紹一款質地適合乾性或者中性嘅朋友使用。
CAUDALIE Anti-Wrinkle Defense Serum

Caudalie Polyphenol C15 高效氧化系列
Anti-WrinkleDefense Serum,
當中含 Phlyphenols專利葡萄籽多酚, 維他命C,
透明質酸, 橄欖角鯊烯等等，
有抗氧化, 抗皺, 深層保濕及滋潤肌膚嘅作用。

1. 乳狀質地
2. 推開時會感覺質地好稀, 好水
3. 只需要少少份量就可以搽到好大範圍
4. 搽完之後皮膚吸收得好快
香味方面是清香嘅花香味為主,
質地柔滑, 推開時感覺較水，唔杰。
搽完很快就被肌膚完全吸收，
用後肌膚感覺非常滋潤，
肌膚摸落唔笠，感覺嫩滑。
Caudalie 嘅皇牌成份係葡萄籽, 作用係高效抗氧化，

其實平時大家係抗氧化步驟方面做得唔好，
會好容易出現肌膚老化情況。
所以大家如果想減慢肌膚老化情況，
不妨從抗氧化方面入手！
HK$450/ 30ml

之後介紹嘅係一款比較潤身，
適合乾性肌膚，化妝容易出現’cake’粉，
肌膚需要滋潤嘅朋友使用。

Covermark Cell Advanced Serum WX

內含靈芝, 人參, 當歸, 薏苡仁, 桑堪根,
日本椎茸菇及蘆薈 7種珍貴漢方精華，
另外, 當中嘅粗糠柴精華, 合成氨基酸,
大豆蛋白精華等等可以提升肌膚彈性及緊緻度,
至於核桃種子精華同熊果素精華就可以抑制黑色素,
改善肌膚暗黃問題。

1.乳狀質地
2. 容易推開, 質地唔杰
3.搽後感覺滋潤
質地比前幾款所介紹為滋潤，
乳狀質地，推開時感覺柔滑，
搽後感覺滋潤，適合肌膚需要極度滋潤嘅朋友。
使用後化妝有助避免「唔貼面, 唔上粉」嘅情況，
令妝容更持久。
HK$1,300/ 40ml

相信除咗皺紋問題，仲有一個問題令唔少女士感到困擾！
就係面部隨環境因素而失去分明嘅 V 形五官輪廓。
以下介紹嘅產品就係針對呢方面嘅問題。
主要想收緊肌膚提升輪廓嘅朋友可以睇下以下介紹嘅產品喇!
Loreal Revitalift V-shaper Essence

LorealRevitalift V-shaper Essence 特有嘅
Pro-Tensium 3D 塑顏技術,
結合當中3種強效緊緻成分,發揮提升, 拉緊, 收緊作用。
另外, 當中嘅 Caffeine 係一種可以提高肌膚微循環嘅咖啡因成分,

其實咖啡因係大部份去水腫嘅Serum入面都會用到，
因為咖啡因有效即時去除水腫及緊緻肌膚嘅作用。
但如果想做到瘦面效果就要長期 Keep住搽先會有瘦面效果。
而 Escin 就係一種有效收緊肌膚嘅植物提取物,
呢兩種成分可以減少臉部浮腫。
另外, 大家平時仲可以有幾個方法去水腫嘅,
方法有以下幾個:

1. 用手指從額頭向上按摩以提升上半臉嘅肌膚。

2: 利用手指從面部中央, 臉頰同咀嚼肌上打圈按摩,
按摩至臉部兩側。可改善臉部浮腫問題。

3. 利用指節由下巴位沿頸部向下輕輕按摩, 有助排水。

1.乳狀質地
2.推開後變得水狀, 質地好水, 唔杰
3. 搽完之後肌膚唔會太笠身
味道是花香味,
開始時質地比較乳狀, 推開後變得水狀,
推開後質地會感覺清涼,
初初搽完感覺質地滋潤, 但肌膚吸收後就變得清爽。
HK$229/ 30ml

講到眼紋, 其實眼紋係面部最難搞嘅地方!
而眼紋嘅出現, 大家可能誤解咗年齡係最直接嘅原因。
唔知大家有無留意到, 平時眼大嘅朋友係比較快有眼紋,
相反眼細嘅朋友係無咁快有眼紋問題呢?
所以眼紋嘅出現同年齡並無直接關係架!
而平時大家都有好多唔同種類嘅眼霜選擇，
有緊緻眼部肌膚功效嘅眼霜質地都會比較潤身,

適合肌膚較乾嘅朋友。
如果眼紋問題不太嚴重嘅問題可以選擇Gel狀同 lotion型嘅產品。
以下我地就會為大家介紹兩款好爽身嘅眼霜!
如果怕起油脂粒嘅朋友可以睇下喇!
StriVectin Advanced Retinol Eye Treatment

StriVectin 嘅專利配方成分「NIA-114」屬於油溶性維他命C,
當中有多重抗老功效, 例如促進肌膚細胞代謝,
減退肌膚色素代謝及提升作用等等。
有效減淡眼部紋理, 黑眼圈及浮腫問題。

1. 乳霜質地
2. 推開時質地非常柔滑
3. 搽後感覺滋潤, 唔笠。
質地柔滑,搽後效果感覺滋潤，
香味方面是清淡花香味。
搽後肌膚唔油膩，待肌膚吸收後感覺清爽。
HK$880/ 15ml
CLARINS Defining Eye Lift

CLARINS Defining Eye Lift入面嘅植物緊膚成分,
可以提升眼部肌膚。
當中嘅亮肌複合素, 海岸松萃取精華同銀杏萃取精華
可以刺激血液循環，消減眼周浮腫。
海百合萃取精華就可以減淡黑眼圈。
另外, 海藻糖可以滋潤、平滑同紓緩肌膚。