流行新娘妝容及髮型

網誌


相信好多準新娘都會係結婚前,
不斷上網搵下啲參考圖為佢哋結婚當日做好準備,
身為化妝師嘅我哋就更加要留意啦!
所以今日就同大家分享下今季流行嘅新娘妝容、髮型同頭飾啦~

今季無論化妝同髮型都係流行自然,
濃妝OUT,髮型太誇張嘅都OUT!

相信好多新娘子好多時都唔知自己鍾意咩妝,
只係知道自己唔要濃妝,
但又唔想太淡,唔想影相出嚟好似無化妝咁。

呢類型嘅妝容就啱晒啦~
每part都做到剛剛好,比人感覺又舒服又自然。

妝容方面當然都有流行嘅一字眉啦,
好多新娘子嚟試妝時都特別要求,
我哋除咗會按照新娘子喜好外,
另外一方面都會按照佢面型而化。

至於唇妝方面,
今季好多新娘子都好鐘意鮮色嘅唇妝。

除咗鮮色唇妝之外,當然都唔少得咬唇妝啦~

髮型方面:唔好以為,新娘子一定鍾意set行晒成個頭,
其實好多都鍾意微曲嘅呢類髮型。

好多新娘都鍾意呢類簡潔嘅style,
加上一個小皇冠嘅頭飾就已經好靚啦!

當然呢類簡單嘅髮髻加入鬢辮嘅元素都大受一眾新娘子歡迎㗎!

自然嘅微曲線條髮型都係新娘們大熱之選,
好多新娘子都鍾意呢類髮型嘅立體感㗎!

除咗以上一啲髮型之外,
有啲新娘子都必問:
「如果我額頭比較高/闊應該襯咩髮型呢?」
如果額頭比闊高/闊千其唔好揀all back頭!
咁樣只會自暴其短,
可以試下留返啲瀏海,

又或者放返啲瀏海落嚟嘅髮型,
另外亦都有一個問題好多新娘子都問:
「如果我包包面應該襯咩髮型呢?」
其實呢個髮型都一樣適合包包面㗎!

又或者類似呢種嘅髮型都合襯
留返小小髮鬢位都可以修飾到面形㗎!

除咗以上嘅化妝同髮型之外,
當然仲有一樣嘢係不能缺小 ﹣「頭飾」,
頭飾有一種畫龍點睛嘅效果。

想玩復古FEEL嘅新娘都可以試下咁配襯,
一樣好靚呀!

呢啲皇冠款式一樣好易carry到㗎!

至於髮髻係好襯簡單款式嘅頭飾㗎!

呢類簡單嘅頭飾真係好百搭㗎!

當然都有部份新娘子喜歡Lace啲嘅頭飾。

如果喜歡lace頭飾嘅話,
配襯簡潔嘅髮型就最perfect啦~

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

(圖片來源:互聯網)

(版權所有,未經同意不得轉載。)

你可能也喜歡

Recommended