買齊材料,我共煮了青咖喱雞、肉碎生菜包及粉絲蝦煲,都似模似樣㗎!

泰雜貨 心水店

網誌

廣告

上周末,為朋友煮了一頓泰式晚餐,我不是什麼大厨高手,家常便飯還是會弄的。不想在朋友面前失禮,又想有點驚喜,我選擇煮簡單泰國菜,因為只要買齊材料,跟足食譜,十居其九成功,香料夠多,定必惹味,只是好味、勁好味或是超好味的分別。

然而要買齊食譜上列明的眾多瑣碎香料、配菜及醬料都幾頭痕,往往行足幾個街市都未必買得齊,如去City’super,即使買齊,但價錢計起來貴過岀街食,當然唔建議就範。

今次跟大家分享的師奶情報,就是我常去的泰雜貨心水店,位於九龍城,有小泰國之稱的城南道,買齊泰國乾濕雜貨,平靚正兼新鮮,現在就帶大家去我常到的心水店逛逛啦。

第一間必去的叫Lemon Shop,門口擺放著各式各樣的濕貨,常見的泰國蔬果香草,如九層塔、鮮香芧、泰國茄子、檸檬葉及秋葵等都有,再行入去便是乾貨區,各種泰式醬料、飲品、零食、即食粉麵,甚至護膚品及藥品都有。可謂最齊全的一間。

查詢:Lemon Shop

九龍城城南道43號地下 2383 4878

在Lemon Shop隔幾間鋪,有間叫A Cap Coconut Oil的椰子專門店,想得出的椰子產品,如椰子油、椰汁、椰漿、椰奶、椰子粉…..都應有盡有。

查詢:A Cap Coconut Oil

九龍城城南道39號地下 2382 6393

最後一間叫同心泰國雜貨店,推介原因係傳說中熱搶的藍大象咖喱醬,成條街得佢有得賣,唔使再捱代購貴貨或托朋友在泰國買喇。

查詢:同心泰國雜貨批發

九龍城城南道21號地下 2718 8359

你可能也喜歡