朋友少了絕不是你變差了

人際關係不是一種非黑即白的關係，也很多時候沒有道理可言，有過的感情也相當脆弱。

大家總有試過遇上這樣的人吧—
曾經要好的朋友，曾經義字當頭，兩脅插刀曾經話過會撐你嘅朋友， 曾經好傾得埋嘅朋友…..
好耐冇見之後/轉咗工之後/或者無情情會突然之間變被疏離……
同佢say hi佢會擰轉面，
主動走近佢又會彈開。
佢唔再撐你了，甚至會打擊你了。

你心裡面有一千萬個問號，
不斷反省係咪自己講錯嘢呢？

係咪自己做錯嘢呢？
發生緊咩事呀？
但從來都冇人話畀你聽發生過啲乜嘢，
又或者其實真係咩事都無。
即使你三番四次去試下示好，
三番四次去試下重建呢一份關係，
但係都不果。

然後慢慢地你會發覺佢其實係唔想再同你再friend….
或者只係純粹唔想再同你friend…
你無得揀的，亦沒有say，
佢說了算….

你個心好傷心，永遠都在一個謎入面。

然後，
你開始發現原來自己不是孤單的。
你開始發現原來那是個無限loop….

每一個佢覺得有價值嘅人，當下成為佢朋友嘅人其實佢都會有一個好有義氣嘅形象，好友善嘅態度，

但係久而久之佢哋就成為你另一個翻版…..

站在旁觀者的立場，
也基本有口德的關係，
只能夠喺心底裡面深表同情，
然後你慢慢看清，原來個問題未必出於你嘅身上。
雖然心裡面有出過一絲憤怒，
好想同呢個世界拆穿呢個假面具，
但係又調番轉頭諗，
無必要成為是非精，無謂因為一個人而損害自己嘅人格。
何況當局者迷，自己不也是曾幾何時當他是知心友，
不也是幫佢擋刀擋槍嗎？
那時誰說他不是，我又可曾會相信？

常常都說人愈大了朋友會愈少。
原來那是真的，
但絕不是你變差了，
而是你變成了一個習慣用時間去看清一個人的人，

有些人只是不再值得留在你的餘生而已。

Fb:maysumofficial
Website:www.wahahafactory.com