最浪漫的賞月地點
中秋除了是一家團圓的日子，更是一個浪漫節日，找個靜靜的地方跟最愛賞月便最好不過，可惜香港每逢中秋，由燒烤場、餐廳酒吧至樓下公園，總是人山人海。
因為近年喜歡行山，便想到晚上登山，必靜無疑吧。
登山賞用活動由去年開始，去年由東涌起步，先沿棧道登上昂平大佛，黃昏前出發，到棧道時剛好睇到日落，因為勁好天，在山腰上已見到好大個月亮照住海面(可惜只係睇到影唔到)。到山頂當然一個人都無，可以慢慢看著月光食月餅。
今年呢! 天氣不好，仲諗住登山活動可能要取消，以免在山頂食水浸月餅兼什麼都看不到。幸好六點幾出發又開始好天，今年近近地登獅子山頭，因為由獅子山郊野公園出發的梯級較跣腳，要出動行山杖, 落山時仲要好似呀婆咁左手扶欄右手揸扙慢慢行。
越行個天就越清，不過仍未見月光，因為摸黑又很久沒有行，臨到頂時諗住走short cut，點知手腳並用行咗一小段，卻攀了出山崖，又要沿路落番去，一上到獅子頭，抬頭就見到月光從啲雲閃咗出來，不過不夠一分鐘，又閃番入雲內，除了月亮，在獅頭看夜景真的很美。
落山食飯後回到屋企樓下，碰上街坊跟太太，他表示昨天同太太慶祝，我以為他說慶中秋，原來他們昨晚是22年結婚紀念，是22年以來第一次結婚紀念是中秋正日，我當時真係唔好意思講我哋都係呢幾日結婚紀念日，不過我哋就只係六年，唔知幾時我們都可以遇上中秋正日係結婚紀念日呢! 如果係的話，咁便可以上一個自己最喜歡的山慶祝，夠特別呢!
