春夏多色水感底霜
又會揀咩功效既底霜呢？
BB Cream、CC cream其實都可以當作底霜用，
但就有唔同功效，BB cream(Blemish Balm)主要遮瑕；
CC cream(Colour correcting)主要調色，
呢兩類products都會有多種顏色提供選擇，
一般分為彩色類(粉/紫/綠)同粉底色類，
今次我地揀選左幾款多色底霜試用同介紹，
大家都可以睇到唔同色出黎有咩唔效果架！
innisfree / Essential CC Cushion SPF34 PA+++ 15g $168
富含40%以上的鮮榨綠茶原液，蘊含豐富礦物質，有助恢復細胞的水油平衡，
氣墊底霜含綠茶籽油成份，能增加天然保濕因子(NMF)，在肌膚表面形式保濕膜。
同時加入Anti-Dust Complex防微塵複合物，有助預防肌膚老化，
而綠茶葉提取物中的兒茶素，則有殺菌作用，能快速紓緩肌膚問題。
我之前都已經好想試呢款CC cushion，聽講會好水潤貼薄，
今次我就試左#薄荷色，因為最近面部有唔少紅印同瑕疵，
我用附送既粉樸按壓左幾下，沾粉量唔多，但唔會索左啲水分，
上面感覺水感爽身，好易推開，唔會搽到一撻撻，
不過唔少女仔都驚呢類有色base會太白，
呢一款其實唔會太誇張，推勻後可以同膚色融合，
薄薄地一層已經見到膚色均勻左，紅印位置淺色左，
不過其他瑕疵（黑眼圈、雀斑）就仍然係度，
如果瑕疵比較多既朋友之後就要上返遮瑕同粉底喇！
呢款好水，又唔黏稠，適合中性至油性皮膚使用。
運用Blemish Veil Formula，透過光線折射令調色效果達至更完美。
利用升級微細柔軟粉粒，質感更幼滑，持久貼薄，高效遮蓋及修飾瑕疵，
運用升級補濕技術，有效減低水份由肌膚表面蒸發流失，
肌膚水嫩幼滑，充滿活力彈性。
Laneige呢款之前我都有用過，今次升級版唔知效果又係點呢？
韓國女仔一般都比較白淨，我就同一般香港女仔既膚色一樣有啲偏黃，
所以今次試一試#light purple，睇下佢既去黃功效如何。
佢既質地比innifree厚身少少，但水感十足，而且有淡淡香氣，
innisfree既紫色就比較白，呢款就比較自然，
上面後薄薄地一層已經有亮白效果，影相明顯無咁黃，
佢既粉粒比之前更幼滑、貼薄，
遮瑕度亦比之前更好，遮到4-5成，
如果係想有少少遮瑕+水感去黃，呢一款就最岩啦～
(相中為sample size 18ml)
Fluid Sheer 能調節膚色、增添光芒，
度身營造底妝的必備妝物，提供12款多功能多效果的「色彩光芒」色調，
突顯及雕塑俏臉輪廓，為膚色增添暖意，營造健康光芒。
今次我地介紹既係12色中其中3隻色，
分別係#8 pink，#5 orange，#4 yellow，可以做到唔同妝感效果。
呢一款Fluid Sheer真係好好好閃，係一款令身既底霜，
用黎打造珠光感肌膚就最岩喇，
我今次就試左#8 粉紅色，因為想睇下個閃亮度，
佢既質地係非常水感細滑，閃粉粒更係幼細到同液體合二為一，
上面感覺比innisfree更水，容易推開、推勻，
粉色令膚色更顯白同有白裡透紅效果，
陽光底下會見到皮膚面閃令令，好似識發光咁，
乾性皮膚搽全面就可以遮蓋甩皮、乾紋，效果唔錯！
另外亦可以有兩個上面方法，
可以局部搽返T-zone位、面頰或下巴，
呢個方法就好似highlight咁，有效突出輪廓。
ANNA SUI / Protective BB Cream SPF50 PA++++ 25g $240
含肌密粉粒，不規則粒子打造柔化效果，修飾毛孔及瑕疵，
特別加入吸油粉末及吸油啫喱，讓妝效全日保持清爽。
高度防曬配方，抵抗強烈紫外線，防曬、底霜、粉底、護膚一TAKE過。
01 Light：適合肌膚較白人士
02 Medium：適合肌膚較深人士
呢一枝BB Cream係Anna Sui最新出既產品，
一唧出黎已經聞到好香既玫瑰花味～即刻加左分！
我試左比較岩我膚色既#01 Light，
佢既質地唔厚，水感滋潤，好易推勻，貼薄度唔錯，
上面後已經見到佢既遮瑕度非常好，已經可以遮到7-8成瑕疵，
而且潤澤得黎唔會痴笠笠，適合乾性肌膚使用，
佢仲有埋防曬功能，直接當做粉底都絕對無問題，心水推介！
如果瑕疵比較多，想有更好既無瑕效果，
就可以on top加two way cake代替濕粉，或者局部加返concealer，
然後薄薄上返一層碎粉就出得街啦～
M.A.C / LIGHTFUL Tinted Cream SPF30 PA+++ 40ml $375
有調飾功效，減少臉部瑕疵，即時及持續提升肌膚的自然亮采。
蘊含Lightful Radiance Booster及維他命C，可修飾整體膚色，
收細毛孔外觀，淡化色斑及色素沉澱，
SPF30更可保護肌膚抵禦紫外線侵襲。
顏色分別有Light、Light Plus、Extra Light及Medium。
我自己屬乾性皮膚，MAC呢一款就比較清爽，
佢既質地比較厚，可以遮到大部分毛孔，
如果面頰好似我咁有甩皮情況，就會略嫌乾左啲，
不過夏天產品以清爽為主，唔會痴笠笠，
又可以keep得耐啲，
中性至油性肌膚就最岩用喇。
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
