明亮肌膚不可缺少的面膜

Sep 19 2014

作為一個貪靚嘅女生，
日常護理要做足之外，
定期都要做下清潔mask，保濕mask架，
可以幫皮膚深層清潔，改善皮膚狀態，
咁皮膚先可以keep住靚靚架！
今次我地會介紹唔同function嘅清洗型面膜比大家，
睇下邊款啱你啦！

悶熱天氣加上空氣污染，搞到油光滿面，
塞住晒啲毛孔，其實毛孔都需要透下氣架，
以下幾款深層清潔同控油嘅mask就幫到大家喇。

Clinique Oil-control Cleansing Mask
天然提煉嘅泥土面膜，可治療同預防暗瘡，
改善油光滿面嘅情況，
配方溫和，不含油脂，
不含香料，通過過敏性測試，
亦唔會令皮膚乾燥。
質地好滑身，好易搽得平均，
用後感覺好爽身。

Clear Improvement 活性炭深層清潔面膜$260/100ml
主要成份有卵燐脂、活性炭及白泥，
卵燐脂有助淨化肌膚，
活性炭好似磁石咁吸走堵塞毛孔嘅雜質污垢，
毛孔乾淨咗，就唔會咁容易有暗瘡、酒米、黑頭啦。
白泥可深入毛孔吸走污染物、排出毒素，
令肌膚清潔得更徹底。
日常用作深層清潔，清潔毛孔，
之後再用其他護膚品都會更加吸收架。
質地幾水，敷之前用暖毛巾敷一敷面，
等毛孔稍為擴張，之後再搽mask，效果就更好啦。

Out of Trouble去油暗瘡面膜$260/100ml
含有多種大自然嘅護膚成份，
包括氧化鋅、硫磺同水楊酸，
有助清除皮膚油脂同油光，改善粗糙皮膚，
亦可及時制止初起嘅暗瘡。
白色泥土狀質地較杰身，
尤其適合油性及暗瘡皮膚。

Belif 嘅產品不含礦物油、合成香料、人造色素、
合成防腐劑及對動物有害嘅成分。
鍾意天然嘅朋友就啱啦。

Belif 冰河能量彈力再生活力面膜 $345/50g
地球上少於3%，人類未曾接觸過嘅土壤“Peat Land”
底部沉積咗80多種未受污染嘅草本植物，
結合天然純淨嘅冰河水，
經過數千年發酵形成嘅Herb Peat Water裡面，
含有泥炭萃取物Peat extract，內含高達28.5%對皮膚非常有益嘅腐植酸。
除咗有泥炭萃取物及多種天然活化成分之外，
面膜更特別採用以人手採集嘅天然泥炭，
避免成分受金屬同污濁空氣所污染，
確保功效不受影響。

黏土狀質地內含有機酸及 H8 Class Peat，
活性成分比一般 Peat Extract 豐富，

包括礦物質、腐植酸及富里酸，
有助去取死皮，排毒，調整肌膚角質更生，
有助抗衰老，改善皮膚粗糙問題，令肌膚回復彈性。
取適當份量厚敷喺面，等10分鐘，
先用溫水清洗，再用凍水洗一次，
就可以有助收細毛孔喇。

長期睡眠不足容易令肌膚疲倦，
產生膚色暗啞、缺水等問題。
呢個時候就需要補充水分、
幫肌膚充電嘅mask喇！

GinZing 醒神活力亮采面膜 $260/100ml
主要成份有萃取自咖啡豆嘅咖啡因、青瓜及茯苓萃取物，
咖啡因能減退皮膚紅腫及灼熱感，
同時刺激肌膚血液循環，促進細胞新陳代謝，
排走積聚嘅毒素，有效抗氧化，改善暗淡枯黃肌膚。
茯苓萃取物有助快速消炎及舒緩泛紅肌膚，
青瓜幫助保濕及預防肌膚敏感，
呢款面膜可以幫你迅速補水，
對抗肌膚炎症，回復光澤肌膚。
加上橙、檸檬、玫瑰同青瓜四款純天然植物精華油，
味道清新醒神，
透明啫喱質地，感覺仲好冰涼添，
尤其適合工作忙碌嘅朋友，
用嚟舒緩敏感泛紅或日曬之後嘅肌膚都好好架。

Natura Bissé 鑽石亮肌透白光采面膜 $880/100ml
含多種強效活性美容成分，
如萃取自小麥及樺樹嘅天然蔗糖及蘆薈,
石榴萃取精華裡面嘅鞣花酸成份強效抗氧化，
有效修護肌膚，能收細毛孔，補充水分，
幫助去除枯黃暗啞膚色，淡化色斑，
均勻膚色，撫平紋理，
令肌膚更柔軟透白。
同時有鎮靜、舒緩及喚醒肌膚功效。
質地好滑，仲有陣淡淡嘅草本味，
敷mask嘅時候就更加relax啦。