收納的藝術

網誌

我相信愛靚嘅女人,除了衣服鞋襪,手袋化妝品多,作為一個愛煮食的主婦,厨房食物、雜物及用具都一定多。

香港大多數人都住斗室蝸居,點樣可以於有限的空間將雜物收納的整齊有序,其實是門得高深的學問。

因為我臨盤在即,除了一大堆BB用品及衣物外,我的厨房就是重災區。今次想分享一下我如何收納好即將坐月要準備的一大堆藥材海味。

手執住陪月給我的坐月食療清單,需要買的藥材一大堆。之前我只用保鮮袋,或大小不一的食物盒/樽/罐來放,左攝右攝,混亂兼成日唔知放咗去邊,每次都好難搵。

 

先分類 後統一

終於近日,我的起心肝,將新買回來的藥材及原有的一併分類,之後再量度一下我雪櫃準備放入盒子的那層格的空間有多大。出發去找合適統一的食物盒。選購小貼士,選矩形的盒子比圓柱的瓶子更能用盡空間。

 

逛完12蚊店冇收鑊,最後我在日本城找到又平又啱size的食物盒了。呢款盒有不同size,除咗透明可一目了然所盛的食物外,最愛佢頂部是半開蓋的設計,好易拎。價錢由$12起。

 

不是國貨,寫明日本製,耐熱120度,耐冷-20度。

 

我就揀咗1.7L容量的高窄身盒。$13.9/個

 

洗乾淨啲盒,將藥材及海味都分類好後,入盒了。一目了然,好整齊呀。

 

將需要放入雪櫃的藥材逐一擺放好,一層剛好可放十個,等我落街買多幾個先。

 

我之前到台灣出trip在誠品買咗呢本教人收納的書,其實日本都有好多呢類書,而我呢本作者為一位台灣室內女設計師。雖然有點離地,因她舉例的房子及空間都很大,對比香港,我們一般庶民都沒有這樣大的家呀!但取其理論及概念亦有可取之處。

 

書中就有提到厨房的收納法,我就係見到佢用晒統一而可密舖平面的食物盒來收納食材,確實整齊又花費無幾。

你可能也喜歡

Recommended