戒口的滿足 唔運動也可keep住fit
一向做好多運動, 然後胡亂吃很多好味又無益的東西, 打邊爐甜品高脂內臟隨意倒落肚, 因為我知道, 無論什麼膽固醇脂肪, 只要做吓運動都可以消化掉。我亦不能想像自己沒有運動的日子係會點。
幾星期前行山拗柴, 左腳變豬蹄，連步行都要有點困難。不能運動令我腦袋好似實哂咁，我最擔心還是冇得運動只入冇出身型定必發脹, 這點，處長比我更擔心怕我變成航空武艦龍躉再現出街影衰自以為「有型有款」既佢。
除了體形，最擔心還是要戒口，睇醫生第一天，醫師遞上一張戒口紙叫我記住，我都未睇完張紙, 佢就一輪咀再講, 除咗這張紙上的食物, 仲有咩嘢咩嘢係唔食得(pizza, mc donald 燒嘢食…..下刪十幾樣)
最初幾天無得運動真係好唔習慣，平時每天運動, 一上床幾分鐘便睡著, 但沒運動總是呆頭呆腦咁, 等好耐都沒有疲倦的感覺；幸好, 最初還想像自己會勁食勁食, 又好恨食啲平時成日食但戒口唔食得的東西，可能是腦袋已傳遞訊息，所以出奇地這幾星期雖然好多嘢唔食得，就如最近好愛吃的半熟蛋，即使看著別人吃，我也沒有好恨吃的感覺，反而最初兩星期都是吃一些很健康而清淡的東西, 又覺得好好吃。
而可能因為沒有運動，亦沒有肚餓的感覺，吃的份量因而減少，所以不單沒有發胖，反而清減了一點，感覺身體輕盈了。
問每天都在跌打館工作的醫師太太, 原來她說, 戒口紙上的東西, 他們從來不吃，唔怪得知, 他們六十幾七十, 體格都這麼健康。
戒口後愛吃的食物
芫茜魚片豆腐湯
在戒口期間，愛上的食物包括這個芫茜魚片豆腐湯 (如唔需戒口可加皮蛋)，因為初期了跌打藥, 除了腳痛, 連牙都痛, 因為太燥熱迫哂啲虛火出嚟。 這湯水下火正氣，十分利尿, 感覺把身體的毒素都排出, 豆腐又有益，首星期吃了幾日，感覺很好。
清補涼亦是其中一個最愛，都係清熱又滋潤，不過最好不要加龍眼肉，因為都係有點燥, 可加一點無花果。醫師說他們一年四季都會飲這個糖水, 最好自己執材料, 材籵會較買一包現成清補涼材料靚得多。
熱檸水
出街食飯叫餐飲，以前只會叫凍奶茶呀茶走呀這些, 由小到大我真係從未試過點熱檸水，但近期卻會點熱檸水, 仲要唔加糖, 自己也估唔到自己可以咁健康。不過, 近幾個月, 其實每朝飲檸檬水加海鹽 (不過我一向只會加細半茶匙, 有時會加點蜜糖), 最近睇more, 原來話宋慧橋都用這個方法修身, 份量係更多, 半個檸檬加二至三匙海鹽, 混合1公斤清水，早上空肚飲用, 我試過, 真係……肚瀉，絶對係有排毒作用, 不過勸大家最好在假期才試，以免返工時係咪去洗手間就唔方便了。
雖說很多東西唔食得, 但其實很多好味的東西都係食得既, 近期的最愛推介:
