想要完美肌？由了解膚質開始～
慢慢步入春夏了～每到轉季時節，濕疹底既我都會好辛苦，皮膚開始痕痕癢癢，我就知道轉季了！ =[
咁大家都知護膚品都要轉季啦～其實除佐季節變化之外，自己既膚質都會隨住年紀/ 生活習慣等等而變化嫁！所以呢，就算你而家係油性皮膚，可能你做好控油同保濕程序一段時間之後，皮膚會自然變返做中性都未定嫁！與其盲目去聽人地既護膚心得，參考人地既護膚步驟同產品，不如真真正正了解自己既膚質同優缺點，先可以針對自己既肌膚而作出相應既改善呢！
當然，我地呢啲愛美人士，日日都會留意住自己皮膚既變化，但除此之外，用專業既儀器進行皮膚分析都好重要呢！咁先可以準確咁知道自己既皮膚問題，而且呢D儀器通常內置佐好多數據，都可以知道自己既皮膚大約係咩分數呢
呢個test 我自己就覺得算係好詳細既～因為佢除佐會直接用機測皮膚外，仲會先問一d 個人習慣呀～例如平日用開咩skincare steps 呀，最關注咩問題，覺得自己皮膚有咩煩惱等等….
之後呢～就係落妝喇 XD 有D 品牌既skin test 唔需要落妝既，不過我都係覺得落佐應該準確d 掛 XDD 同埋其實都只係落面頰一邊就OK 喇～(最後BA仲會細心地幫手補返妝)
跟住最緊張既環節就黎喇～就係結果 XD
其實當日我既皮膚狀況係唔好既～岩岩早兩日先發小敏感黎…所以呢～最低分就係角質層！點解呢？因為開始復原，脫皮中，自然表面唔夠平滑，好多死皮仔！果然係好準確呀….
比較開心既係水分算OK啦～因為我是狂保濕的妹妹，但BA都提返我，反而我油脂唔夠，啫係補油唔夠呢！原來我太著重保濕，忘記佐滋潤，都係一個問題呢 =[
最後，TOTAL 都有+2 既Grading～我自己算係好滿意嫁喇！始終一向都有敏感同濕疹既皮膚問題，起跑線的確係差少少，所以已經好滿意了！XDD
最後呢～其實我最中意就係佢會有埋makeup 既建議，佢會測完皮膚膚色之後，建議返你應該用邊隻base同粉底顏色～呢一part 就真係唔係間間skin test 都有呢！ (當然suggest 返skincare 就係基本，都有的)
然後BA就幫我用適合既skincare 同makeup 補返少少妝喇～當然啦～岩我既就係sensitive系列喇 XD
其實IPSA既產品一向都係我既SAFE List之上 XDD 何謂我的Safe List? 就是敏感肌ma～總有些品牌會容易敏感，而有d知道佢成分比較溫和既～就會係我既Safe List 品牌之選喇 XDD
同埋我好中意IPSA既Skincare routine 算係比較簡單～我用既只係洗面、lotion同Metabolizer～配合化妝棉同溫柔既按摩手法～皮膚已經會soft好多～真係好唔錯呢！ =]
由即日起至8月31日，以$2400 購買5次Facial Treatment (即每次$480，原價$600)，每次可換回$480 IPSA產品，等於免費做facial XD
當日我都有試佐個facial～勁舒服呀！同埋訓果張係Osim按摩椅黎嫁！舒服到訓著佐！有需要既朋友真係要趁呢個機會入貨呀！
— — — — — — — –
IPSA 屯門專門店
地址﹕屯門市廣場1期1樓1016-1018舖
