想著我的小確幸 迎接2015

這兩天聽到許仕人一干人等的世紀貪污案, 一個貪字落得如此下場, 其實我真的唔明白其實呢啲人已咁有錢, 為何仲要不停咁追求更多的錢, 我唔知到亦都未感受過富豪的生活係咪真係好開心, 可能我冇大志呢世都唔會明白!
人大了其實對物質的需求也小了, 已提不起興趣買啲唔等駛的東西, 展望2015年, 我也希望唔好買咁多不切實際的東西, 以前經常很羨慕點解別人既屋止可以冇咩雜物, 剛搬了落樓下, 狠狠地掉了很多舊東西, 回到家中覺得好舒服, 剛睇到雜誌和早前看一本日文翻譯書, 經常提到「小確幸」這個詞語, 即係確切而微小的幸福, 當有時很火起時想想自己其實有很多「小確幸」時侯, 即使不是生活十分富裕, 其實總算活得開心

回想我的小確幸也算不少呢!

包括:

• 老公送別時回首見到他都回首同我講bye bye
• 同老公爭吃甜品
• 瑜伽後出一身汗覺得個肚腩細咗
• 好肚餓時吃頭幾口食物和運動後飲凍朱古力
• 回到家中坐在沙化上網和睇雜誌 (我期待之後跑步後好攰攤在沙化上睡覺)
• 早上等侯老公放工回家衝出問口開門畀佢
• 一家人齊齊整整吃晚飯
• 包包面姪兒一見到我好開心咁撲過來
• 行到上山見到好靚的風景, 然後可以瘋狂衝落山
• 心中想著的人原來一直關注自己
• 暖爐壞咗, 仍可用風筒吹暖張被然後捐入被窩中

你們的小確幸又是什麼?祝大家常常記起自己的小確幸!

聖誕大快樂!
開心迎接2015!