巴黎倫敦瘋買之旅
你地前排都見我facebook post個鞋櫃,
都知我係好鍾意買鞋既人。
喺Paris同London見到好多靚鞋,
真係忍唔到手唔買。
呢對Chanel平底鞋係我返工之選,
我都幾鍾意著平底鞋,夠方便,
不過好多時平底鞋著得耐對腳都會好攰,
腳趾公關節又會痛。
而呢對鞋好岩我腳型,著左成日都唔會攰,
個人認為真係好好著。
我自己本身都有4-5對Chanel平底鞋,
都著左差唔多5年,
今次揀左呢對顏色易襯,又大方得體。
呢對係Chanel短boot,
呢個length真係第一次買,
不過發覺都好易襯,
黑色比較causal,襯咩都無問題。
之後就係Manolo Blahnik,
呢個brand真係從來都無諗過自己會買,亦無諗過要試,
因為以前覺得好老套,宜家唔知係咪年齡增長左,睇野又唔同左,
見到個friend著左佢地既平底鞋覺得都幾好睇。
今次去到英國間專門店,本來都只係想試下平底鞋,
點知最後買左幾對high heels,仲要係好少買既sharp色!
因為我一向都鍾意買黑色同classic款,
今次見到咁多唔同顏色,又咁岩店鋪無咩人,
我就差唔多試晒咁多隻色。
第一次買呢個brand,
一試上腳就發覺腳型靚到不得了,靚到係一定要買!
終於明白點解以前睇Sex & The City,
Sarah Jessica Parker話一定要Manolo,
經過今次真係改觀,呢個brand真係有佢既價值,
不過價錢就唔好問喇~
我一開始係試左黃色先,一直以為黃色會顯得膚色好黃,
點知係仲白淨左,膚色仲靚啲,
所以呢對係我第一對決定要買既。
跟住就買左呢對寶石綠色,
我自己好鍾意寶石綠色,袋呀裙呀都有,順理成章就買埋呢對喇!
寶石綠色比黃色果對高啲,出event或者function著都得。
另外,買完兩對high heels,我都想搵返對平底,
sales就話有對新返,係特別啲既色,拎出黎比我試,
原來係apple green,我初時好唔願試,因為怕難襯好怪,
點知試落又好ok,真係估唔到!
最後我竟然喺Manolo買左三對鞋。
之前我喺連卡佛買左Robert Clergerie既銀色同白色鞋,
覺得著得好舒服,我又鍾意佢偏窄既鞋款。
今次知道原來法國OUTLET都有,就即刻走去朝聖,
仲一口氣買左三隻色!
退埋稅都係每對2千幾蚊,平過香港一半有多,
而且OUTLET都有好多顏色揀,
唔係得啲舊款同無人買既色。
之前一直都好想要一對類似呢對咁,
不過就搵唔到一對岩心水,
去到Lafayette地下賣鞋既地方,
就比我搵到呢對!
雖然係雜牌,但quality都ok,
黑色絨面,加上蝴蝶結,著上腳真係好靚,
而且價錢都唔係好貴,所以就買左喇!
而呢對係喺英國OUTLET間YSL買,
高得黎前面有platform,
所以著起黎都唔會好辛苦,
我諗用黎出event就very good,
結果又比藉口自己買左!
之後就係SergioRossi呢對,
大家都知我好鍾意玫瑰金色,
所以一見到呢對就買左喇,而且都唔係太貴。
最後有COSMOPARIS紫藍色呢對,
周圍都好多專門店,
今次又係第一次買呢隻色,
個鞋型好好,都係千幾蚊左右。
我諗大家終於知道點解我個櫃會咁多鞋,
今次真係買到停唔到,
分享完啲鞋,就分享以下呢幾個袋啦。
同埋我鍾意佢D&G個logo唔明顯,啲花花做得好靚,
襯衫好OK,用黎做evening bag都好好。
好彩無買咋!
因為之後去左英國OUTLET有半價!
大約一萬蚊左右,
佢啲皮質好好,由內到外都係,
所以就揀左呢個款呢隻色。
最後係Chanel既evening bag,
我去到就問sales有無特別啲既款,
佢一拎呢個出黎我就好鍾意,
啲珠片好閃,黑色又夠grand,
都好易襯到唔同既衫。
呢個袋內裡好夠大,仲配有長帶側揹,
我去睇fashion show果日都係揹住呢個架。
價錢方面大約2萬5左右,
因為平時classic bag都要3萬幾蚊,
相比之下,其實都算可以接受,
所以又買左佢返黎喇!
仲有,呢三對Chanel耳環都係今次去shopping買。
我本身都有買佢地既耳環,
去旅行又入手左三對,貪佢易襯又夠trendy。
我喺Paris同London都係去Bicester Village Outlet,
佢地有shuttle bus接送,如果你地想去既話就可以book定先,
雖然火車都可以去到,不過都幾轉折同麻煩,
所以建議大家搭shuttle bus會比較好。
同埋,記得要去info centre問下有咩優惠,
除左有discount,仲會有得儲分(eg.AsianMiles)等等架。
呢次旅程真係收獲豐富,
下次就同大家分享去韓國個trip既精華啦!
如欲取得更多第一手美容及扮靚資訊
可瀏覽Girls Talk Main Blog:
Girlstalk Blog
或 Like我們的Facebook專頁:
Janice Lam Makeup Workshop Facebook
(版權所有,未經同意不得轉載。)