巴爾幹半島自駕遊Day1

網誌

廣告

南歐旁的地中海有三大半島,在意大利對岸的就是巴爾幹半島,那裡共有十一個國家,如:塞爾維亞、黑山、保加利亞、羅馬尼亞,和比為人熟悉的斯洛文尼亞、克羅地亞和希臘等。由於今次的行程只有七天,所以不能太貪心,只暢遊了斯洛文尼亞和克羅地亞兩國,但如果時間許可,我下次定要前往周邊國家,因為巴爾幹半島歷經了幾個帝國的洗禮,在不同文化融合與衝擊中,各自發展出很獨特的文化,加上有極美麗的自然景觀與優美建築,真的非常值得慢慢發掘。
由香港前往克羅地亞並無直接航班,必須在其他歐洲城市轉機,我今次坐德國的Lufthansa,去德國的慕尼黑轉機,由慕尼黑機場坐地鐵出市中心只需約40分鐘,等轉機期間仲可以順便出境食個早餐、行吓街呢!

我們去到慕尼黑的時候是清晨六點,因為只有五個小時左右嘅時間,我決定去市中心Marienplatz附近嘆番個早餐、影吓相。我哋揀咗一間瑪麗恩廣場嘅餐廳食早餐,嗰度嘅咖啡係可以免費refill,我連喝兩杯,正好用來驅走濃濃睡意。

 

 

 

之後我哋就喺附近嘅食品廣場逛逛,之後再去德國嘅百貨公司C & A,買咗好多BB用品同埋BB衫,因為正值特價,好多BB衫只售約港幣幾十蚊,而且仲買到款式功能兼備的BB冬天大褸,一睇BB衫,就快樂不知時日過,好快又要返機場轉機去克羅地亞了!

從慕尼黑去克羅地亞首都Zagreb,只需大約一小時航程,Zagreb機場好細,一出咗閘之後,我們就即刻去兌克羅地亞幣Kuna、去租車公司攞車,而如果想買電話SIM卡,機場內有一間郵政局可以買到。
克羅地亞有好多古城但同時亦有好多美麗的自然風光,如果好似我咁放棄最南部的景點,其實全程租車自駕遊是很好的選擇,因為車程短,沿途又可欣賞風景。 由於今次只有七日,行程只集中在Zagreb附近嘅城市,第一日去咗Zagreb之後,就去鄰國斯洛文尼亞嘅首都Ljubljana,第三日就去咗Bled,之後繼續留係斯洛文尼亞嘅Piran,第五日返返去克羅地亞的Rovinj & Pula,第六日去十六湖國家公園,然後再由薩格勒布經德國Frankfurt返香港。

歐洲人多用棍波車,如果租棍波車係超平的!但我們還是租自動波,因為歐洲車係左軚車,自動波對我們對說還是比較安全,不過價錢就會貴一點,而且一定要於香港網上租車時講明要自動波,否則分分鐘無貨租俾你,我們就曾經試過在紐西蘭被逼用棍波車,因為自動波車全被人Reserved。

另外,去外國自駕遊當然要持有有效的國際駕駛執照,如果要過境去斯洛文尼亞,就一定要在出境後買一張過境貼紙,貼在擋風玻璃上,否則會被罰款的。

Zagreb機場去市中心大約只需要半小時車程,市中心分成上、下城區,我哋住嘅酒店位於上城區,附近有好多歷史建築、教堂和中央火車站。

由於已經坐咗好多個鐘頭飛機,我們晚上已不想到處走,於是就喺酒店附近搵餐廳,但行了幾條街都找不到一間像樣的,所有餐廳都只提供飲品又或者是酒吧。其實那時正是晚餐時間,但所有食客只點了一杯飲品或者咖啡,和朋友吹水,我真的很好奇,他們不餓的嗎?找了很久,終於決定放棄fine dinning,去食Zagreb最特色嘅餡餅好了,天氣預報說,連續幾天都會落雨,令人心情有點低落!

上城區和下城區其實相距不遠,步行的話大概30分鐘左右,Zagreb嘅景點好集中,但我們都決定好好休息,明天才來個city walk。因為一早決定,這趟旅程是要hea遊的~

你可能也喜歡