尖沙嘴好吃點－錦丼鮪専門店

可能是星期六，所以下午３時半都幾乎坐滿了人，剛好就兩個位剩，不用等，咁lucky自然心情愉快。整間店子以日本築地市場為主題，牆上有些小木箱，又有不同的店名，有的更有個店舖電話，幾得意。不過一坐低waiter就說「海八丼」售罄，雖然沒有了我最想試的，不過看了看餐牌，也有三文魚子海膽丼飯set，八折後$133，另外一個手打烏冬$20和錦丼刺身$118。
以我這Queen-size的胃來說，份量足夠，不過三文魚子可以再多D，嘻嘻　$133

被分走了三份之一的手打烏冬，好味　$20

份量較少不過質素搭夠，錦丼刺身　$118
手打烏冬最先上台，一食就經已話「好味！」，口感煙韌，質地滑嚕嚕，我最怕個湯勁濃，呢個就剛剛好。之後的三文魚子海膽丼飯，三文魚子與一般壽司上面那些當然不同，又大粒又鮮甜，我發覺自己真係好鍾意食三文魚子…不過忘了試下海膽就撈埋一起，所以無試真海膽的味道，不過撈埋之後就好好味，應該係無問題的。另外錦丼刺身份量少了點，於我這大食之人來說有點不夠喉。我平時不是非常喜歡吃帶子，不過遇上肥美鮮甜的就會好鍾意食，今次這件其實幾好味，不過二人份量的錦丼刺身每樣只得兩片，食完好味都無得再食。

整體質素是不錯的，雖然以刺身來說，比銅鑼灣世貿的「桐燒」稍遜，不過桐燒的晚飯時段沒有set lunch就會好貴，而錦丼應該是全日用同一menu的，兩人大約$300-$400就吃得飽飽了，感覺上晚餐比較抵食！所以，下次去TST又有好野食！

錦丼鮪専門店
尖沙嘴iSquare廣場7樓702號舖
2628 0802