開班以黎遇到唔少上黎學化妝既同學仔都會問到：
就算過左青春期都好易生暗瘡，或者有敏感性暗瘡，究竟可以點樣根治？
其實呢一類暗瘡真係令人好煩惱，好難醫好，亦有可能愈來愈嚴重。
見過有啲學生選擇完全唔搽野，又或者搽啲勁消炎既野，咁樣又係咪好呢？
有可能整到好乾、甩皮，塊面好油，但底層又好乾，
到底應該點樣處理呢類暗瘡？究竟成因點起？
我自己其實都有呢個問題，有時唔夠訓、壓力大等等
都會易啲出暗瘡，所以呢個問題我自己都好關注，
之前咨詢左幫我做treatment既陳立明醫生，
詳細問左一啲關於呢方面既問題，今次就想同大家分享一下。

了解成因：

主要由於皮脂腺分泌旺盛／毛囊口角化／
落妝唔夠乾淨／有塵埃等原因，令毛孔被阻塞，
毛孔塞左令油份無法排出，就好大機會形成暗瘡。
其實每個人本身都會有座瘡丙酸幹菌，而呢種菌非常活躍喺油份當中，
當油份過多，座瘡丙酸幹菌令油脂腺發炎，就會形成發炎性暗瘡。
而無發炎既暗瘡，就係常見既粉刺、白頭、黑頭。

成人暗瘡同年青人暗瘡有咩分別？

一般年青人喺發育階段荷爾蒙分泌過多，
令油脂腺活躍，分泌過多油份，所以容易出現暗瘡。
但成人因素未必一樣，佢地多數因為角化比較嚴重，
或者用唔岩化妝品護膚品，令毛孔被阻塞，
而比較嚴重既可能係由於荷爾蒙分泌問題，
尤以女性為主，呢一點可以由女性經期狀況睇到。
如果暗瘡問題突然嚴重起黎都有好多可能性，
例如身體差、轉天氣、唔夠訓、壓力大、換左化妝品等等，
好多人話夜訓都有影響，其實係正確既，
醫生解釋腎上線素增加都有影響，會令油脂分泌多左，
同埋食太過油膩食物、奶類製品（如朱古力）都有影響。

邊啲成分有影響？

醫生亦指出唔少市面化妝品都有礦物油成分，
而礦物油大多都會令皮膚變差，生暗瘡，
市面聲稱唔落妝都得既化妝品，都一定要落妝，
否則同樣都會阻塞毛孔，令油脂腺發炎。
除左化妝品，好多補濕產品都有礦物油成分，建議應該盡量避免。

另外，酒精對皮膚都唔好，但市面好多toner都有，
因為可以做到爽身、清涼效果，
蒸發得快就會好乾，尤其對濕疹、有暗瘡皮膚會更差。
如果年青人多油就無問題，可以清左啲油，
但成人無咩油就唔建議用，會刺激令皮膚起粒粒，
所以揀選時記得要留意返，應該揀返alcohol-free既產品。

如何處理暗瘡？

一般年青人暗瘡如果唔太嚴重可以自行處理，
搽返一啲消炎成分既產品，或者由醫生處方消炎藥，
主要控制油脂分泌，去除油份中既菌。
嚴重既話可能要食抗生素，或搽含有Ａ酸、水楊酸等既產品。
成人暗瘡可以做輕微果酸、水楊酸既peel treatment，

主要去除角化、污物等，疏通毛孔，減少發炎症狀。
如果太嚴重就要睇醫生，食抗生素或做其他treatment。
仲有一種就係濕疹+暗瘡，呢一種係最難處理，
因為要做到唔可以太乾或太油，要兩邊平衡，
主要靠食藥同搽藥膏，唔可以做peel，
治療時間會比較長，食藥都一般兩三個月，
醫生建議要堅持到幾個月後有成效再試其他方法，
因為轉黎轉去會令細菌有抗藥性，之後治療就會更難架喇！

個人分享

其實我成個人真係勁重油份，
唔只面部、頭髮等等都係好易出油，
就算好似宜家呢個年紀，面部都經常出暗粒，
之前我都試過好多唔同方法想減少暗瘡，

例如係醫生有提及到既食Ａ酸藥丸，
啲皮膚食完之後真係前所未有咁好！
從未覺得自己皮膚咁靚～
Ａ酸可以吸走油脂，果排真係好清爽，暗粒都小左好多，
不過宜家我已經無再食，原因係呢類藥物副作用大，好傷肝臟，
而且要定期驗血，長期食既話對身體健康唔好，
另外Ａ酸會影響胎兒發展，如果準備懷孕或孕婦都唔可以服用，
所以我寧願試其他方法，唔再食藥，
其實Ａ酸真係要到好嚴重先食，要醫生處方，
唔係個個都食得，所以大家千其唔好亂試。

（呢款就係我之前食過既Ａ酸藥丸）
宜家我就試緊做peeling去改善皮膚狀態，一個月一次，

療程叫modified jessners peel，專門針對暗瘡性皮膚、發炎性暗瘡等，
有效控制油脂分泌、預防黑頭粉刺形成、撫平皺紋細紋、均衡皮膚色素。
做緊treatment既時候塊面會發熱、亦有少少「乸乸地」，
每一次都係由醫生處理，而唔係去普通美容院，
因為呢款peeling濃度比較高，
醫生會做左詳細皮膚分析先去做，比美容院安全。

做完之後醫生會幫我搽返防曬同補濕唔刺激皮膚既產品，
做完有少少紅，4個鐘內唔可以掂水同曬太陽，
同埋唔建議化妝，因為會阻塞毛孔，
大慨過2-3日就開始甩皮，每次會甩2-3日，之後皮膚就會變好，

好多人話做peeling會整薄面部皮膚，但我做完唔覺薄左，
可能係因為我自己面油真係太勁，皮又厚。
不過peeling唔適合濕疹同敏感皮膚，
所以大家有興趣想做既話最好都係先諮詢醫生意見再決定。
其賽除左我呢隻peeling，仲有好多唔同既treatment，
詳情可向百匯皮膚中心 查詢，電話：2526 8088。

合適產品介紹

以下我地介紹既產品都係岩油性同暗瘡性皮膚使用，
大家可以根據自己既需要揀番合適既產品啦～

Derml F / Facial Hydrating Cream 全效臉部保濕乳

呢一款cream由皮膚科醫生研製，不含香料，
可以長時間為面部肌膚提供養份，保濕、抗皺，
乾燥或受損部位都可以用，做完treatment用呢類產品就最岩。

DORISSIDERM
(左起) A.Spot Cream，Dedo Acne Clear，Anti Blemish Repair Cream
另外呢個系列係針對暗瘡而設，
分別可以消除大範圍同發炎、比較嚴重既紅腫暗瘡，
具抗氧化、清炎、抑制油脂分泌功效，
新出既repair cream更可以抑制細菌滋生，修復受損肌膚，
有暗瘡性皮膚既朋友可以先諮詢醫生意見睇下自己岩唔岩用喇。

(左）Wish Formula 酵素去痘茶樹油 240/16g
成份含有發酵原液，AHA，BHA，茶樹精油等。
呢支含有既發酵原液可以幫助舒緩同加強肌膚抗菌效果，
而水楊酸可以幫助分解角質細胞，
亦可以去除毛孔污垢同油脂。
我自己都幾鐘意用Wish Formula既B5 gel，
因為補水得黎唔會太笠。
而呢支茶樹油個味都可以接受到，
唔會好濃烈同刺鼻～

雖然佢叫茶樹油，不過質地都比較水劑，
推開左就會變得爽身，唔會痴笠笠。
潔面後，將1﹣2滴於痘痘同粉刺位，
每日要使用兩次。
適合痘痘，粉刺皮膚重點護理。
（右）醇素去痘茶樹乳霜 $260/12g
成份含有發酵原液，AHA，BHA，杜鵑花酸，茶樹精油等。

Cream狀質地，不過推開都變得好爽，
有少少涼涼地既感覺，
好快就吸收曬。
呢支一樣有抗菌、分解角質細胞、
同去除毛孔污垢同油脂效果。
呢款係專比油性肌用，
早晚搽係痘痘及粉刺部位就得啦。
售賣點：各大萬寧有售

(左）Green Tea Purifying Mask ＄390/50ml
主要成分有綠茶、綠礦泥，杜松子，綠茶葉萃取、
天竺葵花油、柑橘籽萃取等
呢個mask係全天然及有機成分製造，
佢可以幫助潔淨肌膚，去除肌膚雜質同老化角質，
亦可以幫助吸走多餘油脂架！
洗完面後，可以係面上塗抹薄薄一層，

敷約15分鐘後就可以過水，
建議每週使用1-2次皮膚就更加乾淨啦～
（右）SOS Spot Gel ＄290/15ml
蘊含杜松子、薰衣草、茶樹精油、
手柑精油、杜松子精油同柑橘籽萃取等成分。

Gel 狀質地，有清新既草本味道，
搽上去都有涼涼地既感覺，
佢可以重點去除暗瘡，平衡油脂分泌同抗菌消炎，
早晚重點塗抹於暗瘡位置就可以啦。
售賣點：新界屯門鄉事會路83號V City MTR層M-V1號舖

如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)