學生分享天地－成師之路
之前分享過兩位大師姐嘅成師之路，
好多朋友都會問點樣可以成為成功嘅化妝師啊？
究竟係咪上左堂就可以出黎做野嫁啦？
係咪上左堂包有Job嫁？
其實做到化妝師真係好容易，但做一個成功嘅化妝師無想像中咁簡單！
勤力，唔怕辛苦，很付出，對我黎講係主要成功嘅原因，
而且多啲留意身邊嘅事物，邊做邊學都好重要嫁！
今次就訪問左完成新娘班嘅同學仔Elanie Leung，
等佢分享下佢嘅成師之路啦～
Elanie本身係做緊文職，
佢想成為化妝師嘅原因係因為當年結婚化妝師幫佢完成妝容後變得更靚，
而身邊朋友仔學完化妝又比之前靚左，
令佢覺得化妝好神奇，對化妝好感興趣！
而佢㨂化妝學校最主要係睇Workshop嘅Portfolio，
睇下造型妝容嘅風格係咪自己鐘意又襟睇，
最後㨂左我地Workshop嘅原因都係我地宗旨簡㓗就是美！
希望學完之後都可以做到唔同令人舒服嘅造型妝容～
當䦕始左學化妝之後，少不免有啲Outjob機會，
先發現上堂同做野好唔同，
上堂化妝嘅model都係自己嘅朋友，
係報讀我地嘅課程之前 Elanie 都報讀過其他化妝學校，
但由於之前化妝學校提供嘅練妝時間唔多，
一直都無綀妝，
覺得自己嘅化妝技巧有待改善，
所以都再揾其他學校再進修下！
一直都有留意開Janice嘅Blog，
都有好多同學分享過即使係出面學過都返黎昵到進修，
而且上堂教授嘅化妝技巧好仔細，仲有充足嘅練妝時間俾同學仔練習，
所以佢就揀左呢到上堂！
之前都試過去其他嘅化妝學校做model，
有一次就真係好難忘！
話說有一次我幫個朋友做考試model，
事前準備當然會卸妝帶圍裙夾頭髮～
係做皮膚分析嘅時候都有同佢地嘅導師傾下計，
但當佢知道我都係學化妝嘅時候竟然好緊張咁話:
“我地化妝學校唔可以俾其他化妝學校嘅人黎…”
就請左我離開，我就係落哂妝嘅情況俾人請走左，
當下就覺得好奇怪，
咁大間化妝學校竟然會怕人學哂佢啲技巧，
呢個真係一個好難忘嘅經歷！
另外都有一件都好難忘嘅事就係某間化妝學校只要求學生帶靚女做考試model，
同Workshop剛剛相反，
Janice經常要求同學帶唔同嘅model黎上堂，
唔一定要靚先可以做model，
因為人總有優點缺點，
學化妝最重識修飾缺點突顯優點～咁先知學到野！
都有啲野想同而加學緊同學完化妝嘅朋友仔講，
keep住綀化妝真係好重要，因為可以接觸多啲唔同嘅人，
每個人嘅膚質，要求都唔同，
將來客人都有機會有呢啲要求，我地都會輕易完成！
又或者可以同其他化妝學校嘅同學互相練習，都係一個非常好嘅經驗，
可以參考下其他人嘅step同自己有咩唔同，從而再學習～
以前未學化妝嘅時候都唔覺得化妝師好專門，
因為自己識化妝唔明點解跟果一日就可以收幾千蚊，
但學完先發現化妝唔難，
但面對唔同人要將人地嘅優點突出，缺點修飾化得靚就好難！
所以而家真係覺得化妝師係好専業嘅職業～
成功嘅化妝師除左手妝要靚，態度都好重要，
出面都唔少化妝師俾人嘅感覺好串，
但其實你nice啲俾客人嘅感覺你會take care佢嘅會比較重要，
畢竟服務性行業同學仔都可以注意下！
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
