學生分享天地﹣美麗變「髮」

Mar 8 2015

化妝呢行真係好得意，
無一定既標準，
好多人學完幾堂化妝就話自己係化妝師，
同樣係化妝師，
做得叻既可以搵好多錢，亦有朋友做到中途會轉行，
除左係際遇問題，
其實大部份都係講自己技術同態度問題。
上堂做得唔好會有人話，
但出到去做野做得唔好就無人會話你，
只會下次唔再搵你。
好多同學岩岩學完都好心急想自己出去接job,
但究竟真正出去接job同平時上堂有咩分別呢？
今日就有大師組Frances同大家分享啦～

好多同學除左化妝有好多疑難之外，
對於髮型更加係有十萬個為什麼。
大師姐Frances係我地最早期畢業既學生之一，
而家佢除左係位經驗豐富既化妝師之外，
更加成為左workshop既髮型班導師啦！

Frances就覺得workshop提倡既hair style都係比較fashion同trendy,
而家好多髮型都話係台式，英式，韓式，
不過我地就無話特定教咩式既頭，
反而我地會集合各種唔同既元素去創造出歷久常新既髮型。

而近年都係流行自然清新妝容，
Frances都鐘意用同一感覺既髮型配襯番，
而台式髮式感覺就比較跨張，
並唔係咁適合每位新娘子，
不過佢亦好欣賞台式髮型既某啲技巧，
所以亦會將當中既技巧融入髮型設計，
希望創造到自然高貴
又配合到新娘氣質既髮型～

Frances話之前學髮型班既時候都係用公仔頭，
有時對於頭髮既唔同粗幼、厚薄同長度，

要set唔同髮型既處理都未必咁熟悉，
佢好多謝Janice成日比機會佢一齊出outjob做assistant ,
等佢可以儲多啲經驗，
仲會提點番佢遇到唔同既問題應該點處理，
再會比指示佢下步要點做，
而Janice亦會比好大既自由度佢去design唔同既髮型，
從而令到佢信心都大增左好多！

到而家自己出黎接job，經驗愈黎愈豐富，
遇到好多髮型既疑難都可以自己解決，
真係好有滿足感！

講到assistant ，Frances而家自己出job都會有assistant幫下手，
令佢體會到team work真係好重要！
每當遇到問題既時候，
大家都要即時唸應該點解決，同時又要令客人覺得滿意，
之後都會做番事後檢討，
令下次可以做得更加好。
做assistant唔好以為無乜用，
其實每次出job都係學緊野，
就算係撞左板，下次就要留意番唔好再犯。
都係上左寶貴既一課。

出job遇過咩難忘事？

「試過有次唸住幫新娘用栗米夾夾鬆髮根，
點知栗米夾有損毀令新娘全屋跳制停電，
所以個栗米夾就唔可以再用啦…….
不過新娘個頭又薄又扁，點做好呢……?
好再有帶風筒可以吹鬆髮根，加埋削髮技巧就ok la ！」
所以話帶齊工具係非常重要架！
雖然學一種技巧就可能做到某種效果，
不過學多幾種唔同既技巧就可以係唔同既情況應用啦！

而Frances認為做hair job最難既地方係
當客人心目中有個想整既髮型但又唔識點表達比你知，
就最麻煩啦！
至於點解決呢？
Frances 就建議大家可以準備定reference save係電話
可以比客人選擇番鐘意既style，
另外，可以多啲問客人問題，從而了解佢既喜好，
就算係簡單捲曲頭髮，
都可以先捲一、兩束比客人睇下個捲度鐘唔鍾意，
如果你捲曬成個頭先知人地唔鐘意既話就浪費時間
又攪到人地唔開心啦！

由學生變成髮型班導師…

Frances而家已經成為左我地髮型班既導師啦！
佢都讚同學上堂好認真，功課都做得好好呀～

當中亦有好多唔同感受，
佢話而家除左啲髮型自己要做得到之外，
亦要識表達比同學聽應該點做，
所以準備既野仲比自己做學生既時候多，
以前學緊時都睇好多靚頭既reference，睇下點可以整得咁靚，
但係而家就反而會睇唔靚既髮型，唸下點解會做到咁樣，
等自己了解多啲既時候，
就可以提同學仔如果用左錯誤既手法就會整得唔好啦。

Frances：「回想起自己做學生既時候都好保守，
岩岩畢業果陣都唔敢咁快接job，因為驚自己經驗唔夠做得唔好。
我都經過長時間練習先敢幫朋友免費做party／姊妹妝，
到朋友都覺得我做得好好時，之後先敢接收錢既job。」

我地都聽過好多同學反映過自己接job既時候
model同客人都未必係好滿意，
Frances就建議同學唔好咁心急接job，
首先要多練習，亦唔好怕蝕底做下多啲assistant既工作，
吸收多啲實戰經驗，
有信心先出黎接job就更加好啦！
作為一個化妝師，口碑係好重要，
如果有單job做得唔好既話，
而家資訊科技咁發達，一傳十，十傳百，
到時想接job就好困難架啦！