Close-up of pregnant woman meditating while sitting in lotus position

孕婦瑜伽導師專訪 (中): 有咩動作唔做得

網誌

成日見到啲人做瑜伽好勁, 可以倒立, 金雞獨立,仲有其他高難度動作, 而孕婦瑜伽就通常只係見到啲孕婦跪拜地上,到底動作上是否真的有大分別?

最近請教好友兼孕婦瑜伽導師Cecilia Lam有關孕婦瑜伽要注意的事項,各位準媽媽,不妨活學活用。

問題三: 有咩動作唔做得?

懷孕其間, 孕婦媽媽的胎盤和卵巢會產生鬆弛素 (Relaxin), 這激素對分娩有重要作用, 它放鬆骨盤中的韌帶,軟化和擴大子宮頸。但同時亦會導致身體其他部分,包括肌肉、韌帶或關節周圍的結締組織較未懷孕前柔軟, 但千萬不要過度拉扯,這有機會令肌肉、肌腱或韌帶拉傷, 影響日常活動。

另外,亦不建議懷孕媽媽操練強度核心肌肉 (Core Muscles) 的運動,以及過度向前,向後, 扭動,或跳躍的動作, 反而手部平衡, 甚至倒立都可以做!當然, 該孕婦媽媽需要一向有做瑜伽底子,並要留意轉變了的重心和平衡。

至於上次提及37周後避免做的寬盆式姿勢 (Hip Opening Pose), 反而建議於陣痛時重新再做, 有助加速子宮頸張開, 對順產有幫助。

問題四: 拉埋老公一齊做更好?

睇電視會見到窩心老公陪老婆產檢,聽產前講座, 甚至上孕婦瑜伽, 令好多準媽媽都以為二人同行先有最理想強身效果。

Ceci 笑住表示, 準爸爸陪做瑜伽,可以多了解媽媽的身體狀況, 亦令準媽媽有安全,放鬆的感覺, 增加心靈上的支持, 加強準爸爸媽媽之間的溝通, 但對於實質體格上的效果, 自己做定有人陪, 其實分別不大。

下次Ceci 會介紹幾種可以喺屋企自己做的簡單瑜伽動作, 唔好錯過。

註: 如正在準備或已懷孕,請於進行任何瑜伽練習前諮詢您的瑜伽導師或醫生。

孕婦瑜伽導師專訪 (上): 幾時做最好? http://bit.ly/2j5wWXz

https://www.facebook.com/AnnieLeeDiet/

你可能也喜歡

Recommended