belly

孕婦必需知道的美容宜忌 (上)

網誌

我懷有第二胎已快6個月了,今次年紀大咗,比第一胎吃力,但有過第一胎的經驗,心情卻輕鬆多了。

 

真湊巧,身邊有不少朋友同我一樣陀住猴BB,更有不少是第一次做媽媽的,萬事都特別小心。我經常被問到有關孕媽媽都很關心的美容問題,我明白,因為一般健康院甚至你的婦科醫生都唔會有你咁好氣,同你講唔可以用乜護膚品呀?唔可以做咩療程呀?成曰好攰,可唔可以去按摩呀?乜都唔得,咁點解唔得先?……上網咁多資訊又唔知有邊啲真係信得過,但得我講同樣唔夠說服力,我突然想起以前我有咩皮膚問題都搵的醫生朋友,今次就等我一次過煩佢,代各位準媽媽問晒大家都想知的問題啦!陀住BB當然都要keep住靚,最緊要媽媽及BB都安全,就靚得安心啦。

 

Q: 有什麼成份的護膚品不適合孕婦使用呢?

 

A: 含有藥性成分的產品,要小心選擇或詢問醫生。另要避免使用含有維他命A酸、類固醇或重金屬等成分(如鉛)的產品,因這些成分有極微造成畸胎的風險。而含有人工防腐劑羥基苯甲酸酯 (paraben) 的護膚品亦要避免,因有研究指羥基苯甲酸酯可傷害男性胎兒生殖系統。

 

所以如果真係唔清楚自己用緊的護膚品有冇以上成分,不妨打去品牌的客戶熱線問過明白啦,又或依家大多品牌都有facebook,不妨留個言或pm,一定好快有專人回覆你!

最近來自瑞士,以優質溫和的嬰兒護膚產品起家的Swiss Kiss,推出咗專為媽媽而設的臉部護膚系列,由懷孕期及母乳餵哺期間都可安全使用的產品,採用99%天然成分,兼絕不含人工防腐劑羥基苯甲酸酯、人造色素、礦物油及甲醛等有害成分。我有用過佢哋的BB line,仔仔都好鍾意佢哋王牌的尿布疹膏及潤膚霜,今次推出mama line我都有信心用呀!

左起:Caring Eye Milk $348、Floral Aqua $328、Gentle Cleansing Foam $398、24H Moisturizer $498

除咗面部產品,孕媽媽唔好忘記body care,如預防妊娠紋、胸部下垂、紓緩水腫腳等,我由上胎至現在一直是Clarins bodycare的粉絲,以下4件產品是心水推介呀!

左起:Bust Beauty Extra-Lift Gel $540、 Energizing Emulsion Soothes Tired Legs $280、 Stretch Mark Control $540 、Tonic Body Treatment Oil $530

Q: 孕婦可以染髮及電髮嗎?

A: 懷孕時期染燙髮雖然不是百分百安全,目前倒也沒有發現明確造成胎兒畸形或是影響的證據,但是這些藥劑畢竟還是有毒性的,若必需要染燙頭髮最好懷孕三個月以後才進行,因為懷孕三個月前胎兒正值器官發育期,最容易造成畸形,同時應盡量減少染髮的次數,建議染髮或燙髮時只處理頭髮中、尾段的部份,減少頭皮吸收化學劑的風險或引起皮膚過敏,以免累積的藥物影響胎兒健康。 還要注意的是一般染較深的顏色,多半可以不用脫色劑,不過若是漂染淺色,如黃色、金色的話,多會用到脫色劑,而雙氧水是常用到的脫色劑。學者曾經在細胞實驗上測試,染髮劑在使用雙氧水後引起細胞變異的可能性,結果發現有加上雙氧水處理的染髮劑比較有致畸胎性,只是這些研究仍是理論性的階段,未來還需要更深入的探討,但不少的動物實驗中,在藥量增加的狀況下,還是造成了胎兒的問題。 如果以前沒有染過髮的人,最好不要在懷孕期間嘗試,以免造成皮膚過敏,在治療時徒增困擾。

 

我天生勁多白髮的,雖然醫生話三個月後如果是染深色,又確定沒有用脫色劑,避開頭皮的話都可以染,但為咗BB,我都係忍足十個月,做住白髮顛婆先。

Q: 孕婦可以塗甲油嗎?

 

A:一般的指甲油多含化學溶劑,有些不良商品甚至含有醋酸丁酯、甲醛樹脂、異丙醇等有毒成分,頻繁使用的話,很可能在體內累積而產生作用,而在塗甲油的過程以及日常生活中,都有可能經由鼻子吸入、皮膚接觸到這些化學成分,對身體造成傷害,孕婦不宜使用。

雖然醫生唔建議塗甲油,但其實坊間都有不少專為孕婦而設的甲油,如Sparitual,她們的甲油系列堅守4FREE原則: 冇鄰苯二甲酸酯, 甲苯, 甲醛及甲醛樹脂,同時確保不含致癌物質,連孕婦都用得。 $230,我間唔中要去飲之類,都會塗甲油,不過真係玩一兩曰就抹咗佢,唔會長時間連續搽,各位準媽媽自行決定喇。

Q. 家用的美容儀器,如導入機,洗面機等,是否都不適合孕婦使用?

A. 電流的護理方式都應減掉,因為即使電流很小也會流遍全身,可能對胎兒造成影響。

確實,我陀兩胎,到目前為止,我都停用了什麼導入器,家用脫毛機等,安全起見,忍啦!

今次分享住咁多先,下一篇繼續……各準媽媽留意喇!

 

 

 

 

 

 

 

**資料由任俊彥醫生提供**

(以上文章屬個人分享,如任有疑問,可直接向個人家庭醫生或婦科醫生查詢。)

查詢:

Clarins中環畢打街1-3號A中建大廈210鋪 2810 9938

Swiss Kiss www.SwissKissLab.com3568 6827

Sparitual 中環置地廣場Harvey Nichols A Beauty Bar 2111 9398

你可能也喜歡