女人終身職業－－脫毛 part I

好多人都話，「減肥」同埋「keep fit」係每個女人既終身職業（我係呢個事業上好失敗）！但係其實，我覺得仲有另外一樣野，係每個女人都應該做既。

就係「脫毛」。

有D女人比較幸運，天生比較少毛髮，所以無呢個煩惱，我有朋友連underarm都無毛的，好西利。但亦有朋友全身都多毛，頭髮固之然多，手臂、手背、面、背、腳都好多，多到就算本身皮膚白，睇落都好似有層灰灰地咁，真係應該搞搞佢。

我估我就屬於中間啦，雖然勁多頭髮，但身體其他位都唔算多毛，underarm就正常啦（我估），手手腳腳呢，就真係自己拎黎衰，因為細細個本身係無嘜毛，少到其實唔使理，但見身邊朋友又話剃又話用拔毛機，我又蚊衫尾去試下。剃左一次手之後，心諗「正喎咁滑既」，點知生番出黎就長左，粗左，之後又想再剃，幾次之後我就叫自己唔好再搞佢，愈搞愈衰。腳既情況都係一樣，小腿以前都係無嘜，有次試用拔毛機（好x痛），之後就keep住多同密左，可惡！好彩大腿無搞過，所以係好細好幼到見唔到咁滯。手既情況其實OK，但小腿呢個情況，令我一到夏天就感覺尷尬，每剃一次又覺得下次生番會更長更粗，唔剃又覺得礙眼，就算朋友們都話其實唔覺眼，但自己就係過唔到自己果關。

個幾月前同beauty組靚女同事Suifi（係呀我又讚你靚呀:)）講起，我話一直想去dermes脫毛，佢就話香港醫學抗衰老中心（HK Medi AAC）近來有部新機，同dermes果部機同一間廠出，有激光無痛脫毛，仲話平一大截，我雖然有D擔心，但因為真係一直覺得dermes有D貴，唔太捨得，於是今次就膽粗粗去試了。聽PR講話無痛脫毛，咁我就打算試下脫一個好私人的位置－－bikini位。

初時真係好驚，咁private既位置喎，係咪真係唔痛架？結果，又真係OK，幫我打激光的Mio很好人，因為要蓋住我對眼，所以佢會細心將每個步驟講明，話我知做緊D咩先開始。打激光時，其實唔係完全無痛無感覺，大概就好似比橡筋彈一下咁，一下，就即刻完。過程之中，我同Mio講：「其實都唔係完全唔痛啊」，Mio話：「係會有少少感覺的，尤其始終係敏感部位，你會感覺大D。而且你諗下，激光係打入皮膚以下既位置喎！」無錯，咁私密的位置無啦啦比人用橡筋彈，感覺都麻麻地良好，不過，Mio又話，佢地部機出激光果個位係同冷凍一齊出，所以即時做到冷凍效果，已經大大減低痛楚。

我自問唔係特別怕痛，但都絕對唔係特別頂得住痛。但打完呢個激光（仲要係以咁敏感既部位試過）之後，我就決定join埋全腿脫毛，下次去HK Medi AAC打bikini位的時候，就可以一齊打埋full leg了。其實，以前我無諗過打full leg，因為dermes的full leg索價好似係四萬，我真的沒有那麼闊綽。而HK Medi AAC就有分兩個價錢，一個正常價，一個便宜的，只可以預約non-peak hour（星期一至五12點-5點）時段去脫毛，我和另一位美麗的beauty同事Francesca就一起揀了non-peak hour，好抵好抵！抵到你唔信!

價錢方面…暫時無price list在手。不過唔緊要，我會後補。如果有興趣的讀者，可以睇埋我下次的post，講埋打full leg的感覺，同埋bikini位的效果，之後先再決定，始終激光唔係人人能接受，所以我會以我遷身經歷同大家分享，好好壞壞，如實稟報！:)

鑑於脫毛呢個topic有少少敏感，而且bikini位仲係好敏感，所以如果大家有任何問題，可以send email比我，我會盡力解答 🙂

my email: [email protected]

香港醫學抗衰老中心 HK Medi AAC　九龍尖沙咀加連威老道60號哈佛諾基科學研究中心1F　2723 4999