跑後喝到瘦

每次跑步後, 都總是很口渴 以前會飲好多好多水, 但水沒味道, 總是口淡淡唔夠滿足, 我又不喜歡飲汽水, 幸好由小到大都唔喜歡, 否則定必肥死!

一向跑步後喜歡吃生果, 一來解渴, 二來可以補充糖份! 最近喜歡跑步後, 飲一些冰凍的甜酒, 之前喜愛moscato, 把它雪至冰凍, 一來解渴, 二來肚子空空高速灌落肚, 在身心俱疲之下即刻上腦, high high哋天花亂天墜, 然後蓋頭便睡至天光。

其實認識的很多跑手都喜歡喝酒, 記得以前練跑後晚飯, 跑友們的啤酒樽總是排滿一個窗台都唔夠位, 大家飲到high high地高談闊論十分暢快。

除了moscato, 我還喜愛果汁溝vodka, 橙汁檸檬汁蘋果汁都是不錯選擇, 果汁可以補充維他命c! 較唔克制之時, 就喜愛baileys +espresso+雪糕放肆一下!

最近媽咪和家姐就喜愛自己釀製梅酒, 跑後最喜歡把梅酒加soda water, 同樣美味又解渴, 家姐更叮囑我千奇要食埋啲梅, 因為可以調理腸胃, 促進血液循環又暖胃, 並消除疲勞。

想瘦身, 跑前吃點東西, 跑後當然要忍忍口, 很想很想吃點東西, 吃個西柚以及喝點甜酒, 第二天早上, 腸胃必清, 可以大肚腩說再見, 萬試萬靈!