各類潔面產品測試
##embed-label-0##
點解都好容易出黑頭粉刺，
甚至係爆暗粒？
護膚既第一步就絕對係要清潔好皮膚啦！
如果落妝都落唔乾淨就真係用幾多好既護膚品都無用～
市面上有各種既潔面產品，
包括有常見既卸妝油、卸妝水，潔面gel，
仲有近年好流行用既Balm狀卸妝產品，
今日我地就挑選左幾款產品測試下潔淨度同用後感啦！
市面上有咁多種卸妝產品應該邊款岩自己呢？
如果平時都會化fully makeup
上得較厚妝的話，我地都建議用番卸妝油，
因為清潔力較高，不過就記得一定要加水乳化先落得乾淨架！
而平時化慣淡妝，只係搽下防曬，
薄粉底既話一般用番卸妝水都可以落乾淨，
不過要注意如果搽既防曬/粉底標明有防水功效既話，
就要用番卸妝油啦！
而敏感肌既朋友揀卸妝油都要留意有無礦物油成份，
因為礦物油不易被皮膚洗淨，
好容易會導致block毛孔既情況，
一般揀番用卸妝水同cleaning milk會較溫和！
雖然頭先提到卸妝油清潔力好高，
不過對於頑強既眼妝都建議先用水油狀既eye makeup remover先落乾淨，
因為落既速度會快啲，減少對眼皮既拉扯，
而且眼部專用既產品一般都會好溫和，唔怕會拿眼添！
今日要會用眼線液，唇膏同眼影做個大測試，
睇下每款既清潔度去到邊啦～
Trilogy make－up be Gone cleansing balm $298/80ml
近年好流行用呢種Balm狀既卸妝產品，
呢個cleansing balm含有滋潤舒緩皮膚既成份，
包括芒果籽油、純正椰子油、玫瑰果油等，
除左可以卸除彩妝外，仲可以幫皮膚消炎同修護添～
用法：取出1/2茶匙份量，於乾爽既臉上打圈，
再用濕布擦去彩妝同cleansing balm便可，
不需另外過水。
佢既潔淨能力唔錯，
摔左3-4下就彩妝就開始溶，
不過眼線就唔太落到，
塗開之後既質地都似係油狀，
落完好方便用濕毛巾抹乾淨就得，
用完佢唔會覺得好油，但仲有少少滋潤感，
冬天用就唔錯啦！
潔淨力：★★★☆☆
Biore既卸妝產品都係好多學生們既最愛，
因為勝在價錢平，質素又唔錯～
佢既卸妝產品都有幾種唔同系列，
今日就揀到佢地卸妝水同卸妝凝露試下啦！
Biore深層高效美肌卸妝水 ＄69.9/300ml
含有金縷梅萃取、白茶萃取、膠原蛋白，
可以令皮膚更加緊緻，亮白，透滑～
不含油分、香料、酒精、亦通過皮膚科測試同粉刺測試，
適合幼嫩肌膚使用。
呢款係水狀質地，用法都係倒落化妝棉然後抹，
大約泵左兩下份量， 大約8成彩妝都落到，
用後感覺較清爽，但都唔會太繃緊～
潔淨力：★★★★☆
Biore 高效水漾卸妝凝露 ＄94.9/230ml
入面含有40﹪保濕美容精華液，卸妝同時有護膚效果，
特有迅速潔淨卸妝技術，水漾配方更容易清洗，
呢款係gel狀質地，有微微花果香，
頑強既眼線只能落到一半，
不過洗完既感覺好水潤，
唔會覺得好笠同油既感覺。
潔淨力：★★★☆☆
GUERLAIN 純淨美肌親膚卸妝水 ＄470/200 ml
集卸妝水、潔膚液同爽膚水於一身，
可以溫和潔淨肌膚，吸收微塵雜質，
仲有爽膚既功效。
屬於水狀質地，有淡淡好舒服既花香，
份量都係泵左兩下，抹一下已經抹走8成，
連好難落既eyeliner都差唔多落曬！
以卸妝水黎講效果都算好驚喜～
抹完之後， 塊面超滑好水潤，
效果真係好似用完爽膚水咁正呀！
潔淨力：★★★★☆
L‘OCCITANE 蠟菊卸妝油 ＄235／200ml
蘊含珍貴既蠟菊精華油，透過物理潔淨作用，
徹底去除積聚係表面既雜質，有抗衰老效能添！
呢款都洗得好乾淨，eyeliner仲差少少先落到，
洗完皮膚覺得好舒服，唔會太繃緊，
算係比較薄質地既油分，唔會太杰，
乳化得好好，
油皮膚都唔洗驚會block毛孔～
潔淨力：★★★★☆
FANCLMCO 納米卸粧液 ＄208／120ml
新一代納米速淨配方, 含有超微細納米速淨因子同白池花籽油，
可以迅速去除彩妝，清除毛孔中既油脂，不含礦物油。
屬於較厚身既gel狀質地，以天然無添加為賣點，
所以開封三個月就要用完架啦！
乳化得好快，不過eyeliner都係落到一半左右，
不過其他部份都落得幾乾淨！
洗完既感覺都係較為清爽，但就無咩滋潤感覺。
潔淨力：★★★☆☆
Bare Minerals Mineralixirs facial cleansing oil $260/177ml
bareMinerals最近推出左礦物玫瑰籽油活膚系列，
當中包括左呢支卸妝油，
入面既成份加入左玫瑰果籽油和葡萄籽油等植物成分，
有助促進細胞更新及新陳代謝，
同時深層滋潤及紓緩肌膚，改善細紋。
含有維他命A﹠E， 茉莉花萃取物，橄欖葉萃取物，
可以去除過厚角質層、改善暗啞膚色，提升吸收力。
佢都係支daily cleanser, 屬於gel狀，
洗完覺得毛孔乾淨左好多，
膚色會均勻左，
用後感覺較清爽，連男仕都岩用架～
潔淨力：★★★★☆
