化妝心路GPS

Sep 2 2014

之前我地既同事Jellia就分享過佢學化妝嘅經歷，
今次我地都搵咗幾位以前喺出面學過化妝、
宜家喺workshop度學緊既同學仔分享下佢地嘅睇法。

對化妝有興趣但又未踏出第一步既你，
可以參考下我地workshop同學仔既建議。
而學過化妝但又想繼續進修既你，
都可以睇下workshop同學仔既心聲，可能會inspire到你架！

呢位同學仔叫Vivienne，宜家就讀緊新娘化妝班。
Vivienne已經係兩囡之母黎架，以前都有學過化妝，
雖然都好耐好耐之前，但都可以比大家做一個參考。

Vivienne話第一次揀學校既時候，係因為睇到廣告而認識果間化妝學校，
又有位曾經學過化妝既朋友話覺得OK，而且當年市面上化妝學校選擇唔多，
所以佢就揀左去果度學化妝喇！

Vivienne話佢本身都好鍾意化妝，
但佢當年又無再繼續去學落去，所以我地都深入問過Vivienne。
佢就話無再學既原因係覺得學唔到野，
而且唔鍾意果度既教學方法同賺錢至上既態度。
其實當時既佢已經好渴望可以做化妝師，但好可惜最後都無轉行，

除左因為當時入行困難同收入唔穩定，家人支持度亦都一般，
所以就打消左做化妝師既念頭。

事至今日，Vivienne雖然已經結左婚同生左bb，
但無減佢對化妝既熱愛。
但係作為全職媽媽要照顧兩個小朋友，
再要兼顧自己學化妝，Vivienne坦言確實非常辛苦。
「好在要上堂既日子有媽媽幫手照顧小朋友，先可以有時間上堂。」
而平時要練習就要趁小朋友午睡、
甚至半夜先可以拎個公仔出黎練習，
佢話雖然有時真係好攰好想休息，但都要自己堅持落去，
因為唔想疏於練習而做得唔好。

至於同學仔平時要練妝，Vivienne又會點做呢？
佢話都係要趁屋企人有時間幫佢睇住小朋友，先可以約朋友上workshop練。

不過始終作為一個全職媽媽，佢都話好難經常放低小朋友走咗去，
所以有時候喺同家人食飯或聚會上，
佢一趁有空檔就會即席邀請身邊人做Model，
就算係好短時間，只夠畫條眉聽甚至打個底。
而Vivienne既朋友都好好，會直接上佢屋企做練妝Model，
咁佢就可以一邊練習一邊照顧小朋友喇。
Vivienne話總之一有機會就盡量練習，希望可以練多啲做好啲！

咁辛苦都堅持要繼續學化妝，
佢話最大原因都係因為太鍾意化妝！
Vivienne雖然生完大女之後停學左一後時間、又有細女要照顧，
但佢都決定要重新投入學化妝同練習。
佢最開心感欣係有媽媽同老公支持，先可以用盡自己時間去學返化妝。

而當初令佢想再學化妝既契機，
原來係佢當時結婚搵新娘化妝認識到Janice。
「覺得佢化既妝實在好靚，好想跟佢學化妝。」
Vivienne話果時知道Janice籌備緊開workshop，
所以到佢自己ready好可以學化妝既時候，
workshop就成為左佢既不二之選。

Vivienne喺workshop度都學左一段時間，
問到佢覺得自己心態上有咩轉變，
佢諗都無諗就話喺度學化妝令佢更加愛上化妝！
佢解釋因為Janice用心指導，好詳細講解，學多好多野。
「淨係遮瑕已經係第二個世界。」
Vivienne話出面學既時候，導師往往都係就咁講完一輪就叫佢地化，

亦都唔會好似Janice咁逐小逐小咁教返佢地化得唔好既地方。

除左喺課堂上，Vivienne話最難得係可以跟Janice出outjob，
因為出outjob可以話係一個正式既實習，將學到既野發揮出黎。
有時仲要應付突發事情，令到佢更加明白自己有咩不足之處。

佢認為要搵一間適合自己既學校，
除左要考慮價錢，最重要都係教學方法同導師既態度，
同埋親身經歷過，佢認為廣告未必可信，反而口碑更重要。

佢補充話之前果間化妝學校教學唔認真，
就算遇到有唔明白既地方，都唔能夠解答，只係著重要學生買產品。
佢好記得當時個廣告聲稱唔會強迫學生買野，學校又有提供，

但事實係啲product只供堂上用，甚至考試都唔會提供任何化妝品。
如果唔買就唔比考試，化妝掃亦一定要買佢地出品既掃，
否則又唔可以去outjob實習等等。

所以Vivienne話無論係for個人抑或係專業，最重要係教果位導師，
「一個導師細唔細心，自己學到既野都會好唔同。」
佢仲成日推薦朋友黎workshop學化妝，
除咗Janice好仔細去教好多唔同化妝技巧之外，
呢度仲有齊化妝品比同學仔隨時上黎練妝，
對於初初學化妝又未知點去買化妝品既學生黎講，
變相係減輕左負擔，可以學得更開心。

Vivienne堅持學化妝，都係希望自己第時都可以出去接job，

做到一個出色既化妝師，將自己鍾意既興趣變成事業，
所以佢最後話幾辛苦都會堅持落去！

呢位係岩岩喺Advance班考試拎到第一既同學仔－Joanne，恭喜晒！
Joanne雖然完成咗Advance班，但其實佢已經上緊新娘化妝班喇。

好多同學仔都係為左貪靚而去學化妝，
Joanne都唔例外，初時都只係想幫自己化，
到之後有興趣，就正式去學埋幫人化妝，
佢宜家都係一位全職化妝師黎架！

佢覺得學左化妝之後令到佢好有滿足感，
「一個本身平平無其既人，經過一番打扮，
都可以變得好靚，佢又會好開心。」
除左客人因為咁而好開心，
Joanne見到佢地開心就自然有滿足感。

Joanne未黎workshop學化妝之前，

都喺兩間唔同既化妝學校學過，
學完就轉做化妝師，主要係做新娘化妝工作，
有時都會嘗試到影樓工作，大約做左4年！
但佢覺得自己既能力始終未合格，對自己無咩信心。
例如佢覺得喺底妝、遮瑕、平衡同時間控制方面都有好多不足，
因為想自己可以做得更好，所以就再報讀化妝課程進修。

「Workshop既課程內容係教授時下最流行同會常用到既化妝技巧、
提供好多唔同品牌化妝同護膚品供我地實習時使用。」
Joanne亦好開心可以試到好多唔同品牌嘅化妝品，
試到覺得好用就會買黎出job用添。

至於講到Workshop同其他學校有咩唔同，

佢就話出面教既妝容好機械式無變化，
唔會因應唔同面型輪廓去化一個適合既妝容。
而且有時導師會好隨心改變課程內容，
令到同學好混亂同好難學習。

當黎左workshop學化妝之後，
Joanne話自己化妝style都有所改變，
而家佢就會著重自然嘅底妝，輪廓感同突出客人臉部長處，
而唔再係機械式咁copy A,B,C妝去化啦。

而佢覺得自己最大進步同埋學得最多既野亦都係粉底同遮瑕。
佢話有好多野之前係忽略咗，同埋技巧上亦都學到好多。
「Janice成日叫我輕力啲輕力啲，原來個效果出到黎真係好唔同。」