化妝師血淚史2﹣催催催催命客

網誌

廣告

上回講到自己EQ幾高,其實你估天生架咩,haa一定係有經歷先會變成咁。

初入行時,有一次……也是唯一一次按不住火罵客…..
事緣係咁既…..

當時有幸同一位當時著名的攝影師合作影廣告,那一個廣告,我要幫4個model化妝+ 整頭(2老+1女+1男)兩個鐘內要完成4個的化妝整頭連影相,即係我平均只可以15分鐘內完成一個妝+頭(因起碼要留一個鐘以上影相)…..你知道壓力是多麼的大, 速度是多麼的快……
而且廣告化妝需要的是仔細,過左機,任何化得唔好既瑕疵位都好顯眼! 基本上又要快又要趕既大廣告……是化妝師的極限能力挑戰

當時用左好似20分鐘完成2老的妝+頭…..本來一切都好順利…..

可是一化到個男生就“CAKE”住了…… 男生是爛面的…….

皮膚差不是問題呀,我本身都不好呀~ 但是MODEL喔, 影廣告呀~!又話好趕既…..阿客呀………..是玩我嗎?!裝修都要時間啦,而家唔止裝修呀,重建呀大佬……點解唔簡個皮膚好一點的MODEL 呢?!心裡真是十萬個為什麼……
當差不多化左男model約5分鐘之後,客開始催了…….由於阿客個SOFA正正在化妝間的門隔離, 基本上全程佢地都係見到我是無停過手,膀胱要爆了都未有時間去…..

但5分鐘我先叫上完個粉底, 好多暗瘡都未遮….阿客又催了…..

我又唔想係個MODEL 面前講“係呀因為佢爛面,所以要長D時間遮”因為作為過來人我知道會好傷人心的…..

我本來只是沉住氣說“ 唔好意思,要多少少時間……..好快”
可是…….阿客由第六分鍾開始,每分鐘內可以催3,4次!!!我講左好幾次“ 好快好快好快…..等等”

去到好似接近8分鐘…..阿客催聲已經去到瘋狂既地方~

好大聲好惡地問我“到底幾時攪掂?”

我不禁望下錶…..(其實咁嚴峻既皮膚我不過用左就來10分鐘O者….)

於是……我的情緒在佢的惡聲下爆了…….我用了平生的勇氣好粗聲粗氣地,好大聲喝左一句“得啦!”

………然後出面一片沉默…….

阿客黑晒面地坐番低………我就知我今次PK 了……

 

我知道賴野了,於是扮NICE 地後補一句“整埋個頭就OK了,唔好意思”

都無補於事…..然後我聽到阿客同攝影師講 “以後唔好搵呢D 妹妹來化妝呀下…….”

我真係好想喊……我好嬲自己點解忍左咁耐,都唔忍到埋佢呢?

 

後來化完個男仔……我再用光速處理埋個女model…….只是都沒有人在乎了

然後……..咁多年之後,個攝影師真的無再搵我了……

這是我第一次也是最後一次罵客

也許有些人會覺得是客有問題在先, 只是如果我夠成熟的話,我不應用”態度“去處理這件事……我不想比藉口自己, 我要進步就必須承認自己的問題。

態度真的影響際遇…..唔識做人唔緊要,但態度不能差在這一行也是事實。

這一行(邊一行都係架啦)有很多有才華的人,沒有話無邊個是不能的,任憑你平時做野再好, 態度再NICE,只要有一次差,未必再有機會比你留係度….呢個是我學懂的教訓!

BTW…..其實呢一行成日都有個現象……就是有D 客永遠都話無BUDGET……

如果又要快又要好, 搵多個髮型師咪得啦…….只是又說無budget呀麻…….OK,化妝師包辦晒都OK,比多少少時間啦…..但又關budget事,因為攝影師同MODEL 都要計鐘…..錢少時間唔夠,就一定影響質素……但重點又要求高質……苦了的就是前線的所有人……

BUDGET其實也是一份尊重

辛苦都算,比人催都算,但到找數時,又忽然拍慢板,卻又無得催返佢轉頭………..其實大家都係做野,都想做好件事啫…….

原來比想像中難

化妝師的辛酸,真的很多很多……..

但感恩一路上還是有不少美好的回憶平衡番個心理~

 

maysum’s profile:

藝術家/雕刻家/插畫師也是亞洲首位唇膏雕刻藝術家,唇膏雕刻作品由2012年至今仍一直在亞洲巡迴展出,更在2014年被美國傳媒HudsonMOD Mag 選為TOP 100最受注目人物及事件.
同時亦為跨媒體的創作品牌wahahafactory.com的創作總監以及誇媒體創作人 ,主要工作包括有makeup, illustration, art direction,藝術創作等 。在創作和化妝方面的才華及成就均得到世界各地傳媒的認同和欣賞,如日本<妝苑>,國際著名的blogger -style bubble,<Vogue>等均有訪問及報導她的創作同時予以高度的評價。 著作有〈石硤尾的街〉,關於藝術設計及創意彩妝的〈Let Art Bloom-from art to makeupñ,美容天書<愛美肌>

你可能也喜歡