化妝師大揭秘Part 2!

網誌

上星期同大家分享咗一些化妝師鮮為人知的事情,同埋一些給新手化妝師的Do’s & Don’ ts tips,大家反應都好熱烈,所以今日再為分享更多溫馨小tips,無論你係即將投身化妝師行列、定有興趣成為化妝師,都不妨參考一下!

1.口碑

化妝師絕對是一個word of mouth的行業,通常是一個朋友介紹一個,所以要建立良好的口碑,每次工作準時、快靚正、友善helpful的態度,自然慢慢能儲到一班客源。

而雜誌拍攝通常愛用固定的班底,包括化妝師、hair stylist、編輯同攝影師,如果夾得好的話,生意自然長做長有啦!

2. 全面

可能有不少化妝學生只專注新娘化妝技巧,但其實其他行業如廣告、傳媒、fashion show,亦很需要專業的化妝師,所以如果化妝學生能多學不同的化妝技巧,還有hair styling,出路同工作機會自然增加啦!

3.速度

之前提過很多時化妝尤其是雜誌拍攝時時間好tight,通常只有1小時化妝,所以化妝師除了要練習技巧,更多時要練習速度!如果需要轉換造型,可能更只得到15分鐘轉妝!正所謂時間就係金錢嘛!

4.應付不同的化妝對象

大家可能覺化模特兒是最容易的工作,又要說一句,少年,你太年輕了!其實好多外國模特兒,由於唔適應香港天氣,所以皮膚膚質很差,更惡劣是一些外國模特兒唔鍾意洗頭,又唔上粉又有頭油,真係令人頭痛。

5.工具整潔

之前提過化妝師要準備充足的化妝品,如果唔係予人不專業的感覺!另一化妝師必須留意係化妝工具的整潔,每次使用後必須清潔,這亦是專業的表現。曾試過有化妝師拎出一個黑ma ma的粉樸,嚇得模特兒大叫No!

6.衣著

雖然說每個人都應有自己的風格,但化妝師尤其出outdoor工作,最好都係以簡約舒服為主,方便工作。好像要上山或樹林的戶外地方,最好穿長身闊褲同薄身長袖衫,如果你穿熱褲,餓了成年的蚊蟲就可以開大餐了!

你可能也喜歡

Recommended