出Trip記之韓國瘋食
今日就介紹下食嫁啦！
我地班同事除左買野瘋狂外，
食方面一啲都唔弱，
短短4日3夜都食唔少，
當中有好食都有啲麻麻地，
今次就等小編做個總括啦！
我地一落機嘅第一餐梗係即刻食韓野啦～
Janice就介紹左一間每次遊韓必食嘅炒飯韓物～
平之餘泡菜仲好好食～
呢間嘅前菜係任添(當然唔可以浪費啦)
有一次Janice同朋友食又係好誇張，
攞到侍應走埋黎話要食得哂～
當然最後都食得哂啦～
前菜選擇都幾多，
而泡菜係我地同事食過今個Trip最好食嘅一間～推介！
(我地偏好比較濃味嘅野食)
我地6個人叫左兩個餐～
佢一個餐可以3個人食，
份量偏大，都係大約200hkd，
分別order左熱溶芝士辣雞同辣炒海鮮，
其實兩個都可以加炒飯！
上圖中嘅炒雞配料非常多，
我地一致認為佢入面嘅年糕超正～
因為入面有芝士流心，超好味！
辣度適中，
而且一路有專人幫你炒熱食物，
炸炸聲聽到都覺得十分惹味！
唯一美中不足嘅係芝士辣雞嘅鐡盤太大，
芝士邊好容易凝固～
要閞返爐先可以溶返！
不過都同樣好味～
下次到韓都一定要再食～
呢一間餐廳係我地無意中發現嘗試，
雖然位於大街，
不過要落地庫(一般餐廳都係上一層)，
但好多年青人落去食，應該唔錯
入到餐廳格局有啲似快餐店格局，
野食選擇唔算好多，
不過價錢好平，最貴大約6000won，
一坐底烤肉嘅香味已經令我地流口水，
佢會配拌飯，水冷麵，辣冷麵等，
我地分別叫哂咁多款happy share～
就咁睇就好似好厚皮，
個皮一啲都唔”un”仲好juicy
價錢只係大約20hkd
*我地仲發現明洞都有分店，下次朋友見到都可以一試啦！
基本成條街都係食蟹～
但大部分人都識～
黎到韓國梗係唔少得食醬油蟹啦～
雖然Janice本身唔食蟹，
但有飯局係果度所以幫我地book左隔離房，
等我地都可以一齊試下！
餐廳選擇唔多，大部分都係蟹～
基本上呢一餐係全蟹宴～
我地班海鮮控大嘆正呀！
樣樣都鮮甜又好味！
小編就㨂幾款講啦～
佢嘅配菜味道都唔錯，
可惜只可以添食一次
主菜就梗係有醬油蟹啦，
生蟹唔係係人都啱，
但如果唔試真係對自己唔住呀～
醬油蟹睇落好似大閘蟹咁好多膏，
但一啲都唔膩，仲好鮮甜嫁！
睇相都見到非常多膏，
生蟹質感好似食緊甜蝦刺身咁，
味道非常之鮮甜，
小編們表示食多兩隻都ok！
(大約120-130hkd一隻)
另外呢個蟹湯真係不得不提，
辣豆腐湯底已經好惹味，
最估唔到湯入面已經有三隻肉蟹，
隻隻都好厚身，
惹味之餘仲有濃濃嘅蟹味～
同事們都過足口癮！
份量足夠6個人食，只係唔洗港紙250蚊
呢個拌飯拌醬油蟹真係一流，
個飯有蟹膏，蛋，紫菜等，
拌勻之後又香又滑，
份量就唔算多！
同事們都好回味～
大家唔好以為呢餐一定唔平～
我地食左咁多除返開都只係約350hkd一個人，
份量都偏大～
如果香港食起碼都要700hkd up呀！
呢間餐廳一入北村就會見到，
Janice之前食過記得好唔錯，
而且好靚～
所以就試下啦～
除左韓野我地都有食西餐，
仲包場添
(其實係因為我地好遲先去啲人走哂)
我地選擇呢間餐廳嘅其中一個原因除左靚之外，
係打算俾驚喜我地同行嘅髮型導師～
提早同佢慶祝生日，
格局係樓下蛋糕咖啡店，
樓上西餐廳～
餐廳非常有情調，
好適合情侶用餐呢～
但香港都可以食到，
不過蛋糕真係要介紹下
本身以為係普通黑森林蛋糕，
原來蛋糕入面每層海綿蛋糕都浸左rum酒！
海綿蛋糕底好soft好有質感！
好香又唔會好滯～
最緊要唔會太甜！
我地6個人食哂成個磅半大蛋糕呀～
再次祝老師生日快樂！
呢間雪糕店其實係日本，甚至泰國都有分店，
有睇開我地blog其實上年公司trip都有介紹過～
而加連韓國都愈來愈多。
Janice好鐘意食，
可以話見一間食一間～
同事們都表示老闆好可愛呀:)
今個trip我地食左兩次，
本來諗住臨走再食多次，
可惜無時間啦～
我地仲誇張到叫左一個家庭裝！！！
有好多必食味道都好推介！
好似coffee拖肥，士多啤梨，抹荼，朱古力chips都係Janice必食推介，
味道好足料，食每啖都好似食緊本身果樣野，
一啲都唔人造～
如果鐘意試新野都可以試下圖中好幻彩嘅棉花糖味，
真係好似食緊棉花糖咁～
相機食先呃like必備！
呢個三文治係韓國好出名，
淨係睇相都見到超級大份～
味道分別有辣牛肉，豬扒，雞扒等選擇，
麵包內外分別用一磚牛油烤香，
配上蛋皮，芝士等配料，
夾上已選擇嘅肉類，
加埋特別嘅醬汁，
味道好夾，非常之莣味！
呢個旅行小編足足食左兩次～
如果唔係要排長龍小編應該可以日日做早餐添～
會去韓國嘅朋友都可以bookmark一下我地嘅blog啦～
