全天侯防曬，向紫外線say no

好多人都問有咩美白去斑產品好?
其實美白既第一步就係防曬呀!
好多人捨得用好多錢買美白產品，
但就唔捨得買防曬產品！
如果唔肯搽防曬，又曬黑又出斑，
做一次激光去斑都唔只呢個價錢啦！

又有好多人以為得夏天先要防曬，
其實紫外線係一年365日都有架！
就算唔驚曬黑出雀斑，
都要小心會曬傷同令肌膚老化呀。
想擁有白滑肌膚既你，
就記得要留意我下面既好介紹啦！

好多人唔搽防曬既原因係因為怕變彊屍，
無錯！舊時既防曬產品確實有呢個缺點，
但隨住科技進步，好多都已經無呢個問題架啦，
以下就係個好例子。

拱辰享　雪白精華防曬霜SPF46 PA++ $500

一支好既防曬就好似把隱型既UV遮咁保護住你，
而家好多防曬仲加入埋護膚成份添。
呢支入面就含有一整支雪白精華既美白成份，
集美白精華同防曬於一身，
可以強效地阻擋紫外線又同時幫你美白，
一支就有兩個功能啦 ！

lotion狀既質地,感覺好薄一d都唔厚，
帶有少少粉色不過推開就變透明，
補水得黎又好爽身，油性皮膚都好岩用架。

EVE LON Daily protection SPF50 PA++++ ＄930

呢支採用左科研防曬因子,有SPF50防曬,
仲有暫時最高既PA++++標準，
真係搽完係室外行幾耐都無問題呀！
可以強效咁防到UVA & UVB，
佢入面仲有好多保養成份，
有金鈕扣萃取物，可以令肌膚緊緻柔滑，
仲有維他命B3, C同E,
做到均勻膚色，抗氧化，抗炎同預防肌膚提早老化添。

佢屬於cream狀質地，比較潤身，
乾性皮膚用就岩曬啦！
好容易推開，而且吸收得好快唔會好笠。
仲feel到好保濕，乾紋都無咁現，
可以當埋日霜用，朝早就唔洗搽咁多野啦！

有朋友又會話，搽完防曬想化妝又要搽makeup base咁煩，
好簡單！ 可以揀支高防曬度既makeup base就攪掂啦!

Ettusais UV block base SPF50 PA++++ ＄160

入面有美肌粉末可以均勻到膚色，提升透明感，
仲有透明質酸同甘油，會有持續補濕，
而防油光粉末可以防汗防油，做到持妝效果，
用完佢就唔洗驚會溶妝啦！
佢亦係防荳荳配方，無香料。

呢支都係cream狀質地，但推開左就會變爽身，
帶有少少淺黃色，仲有微微既光澤感，
望落去皮膚會滑d,
防曬同makeup base 2合1,真係好方便架!
適合油性皮膚使用。

Ettusais UV block spray SPF 50 PA++++ ＄170

又係採用左日本最高防曬PA＋＋＋＋
高效阻隔UVA，UVB，
仲含有玫瑰精華，令皮膚保濕滋潤，
搽防曬就最驚會痴笠笠，佢噴完都好清爽仲唔會留白印，
無色素，經過敏感測試，唔會形成粉刺架。

360度噴嘴設計可以均勻噴係身體唔同部位
唔會噴到一撻撻，
帶有淡淡既玫瑰香味好舒服，
而且仲有防汗效果，唔洗驚一出汗就要補咁麻煩啦
番屋企用一般既潔膚產品就卸到架啦！
用係身體同頭髮上都得。

cyber color whitening uv protect spray SPF50 PA+++ $129

含有玫瑰，薰衣草，蓮花同綠茶4大植物精華結合深海礦物水，
可以即時保濕，收毛孔，鎮靜皮膚同抗氧化，
聽落去成支保濕水咁呀！
都係個句啦，而家科技已經唔同左架啦！

佢特有cooling冰涼效果，夏天用就岩曬，
仲加入左矽膠，可以高度防水，
呢支真係連玩水上活動都無問題呀，
去沙灘帶佢就岩曬啦！
噴霧含有極細粒子，可以噴得均勻，
而且佢亦不含油份，吸收得好快都好清爽，
噴完唔會覺得有層野係面咁。

比多個小tips大家：

如果要用防曬噴霧就要先搖勻，
而且唔好直接噴上面，
驚會噴得太多份量，
最好噴係手心，先搽上面就最好啦。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)