人情債の珍珠贈母親
今年我終於夢想成真，嫁左個日本人，變姓做「田中」。
有時諗起喺香港擺酒嗰晚都一額汗⋯⋯
皆因外子田中YoYo唔爭氣，畀日本同事灌醉斷片，
搞到我家母親大人唔多高興；
加上辛苦通左兩晚頂整嘅回禮珍寶珠，竟被遺留喺酒店 !!
多得各位兄弟姊妹醒目執生至有驚無險，
所以話結婚真係會欠落好多「人情債」！
皆因外子田中YoYo唔爭氣，畀日本同事灌醉斷片，
搞到我家母親大人唔多高興；
加上辛苦通左兩晚頂整嘅回禮珍寶珠，竟被遺留喺酒店 !!
多得各位兄弟姊妹醒目執生至有驚無險，
所以話結婚真係會欠落好多「人情債」！
其中一個債主叫Winci，佢係個專業手作人，
佢喺10個準新娘9個會去嘅尖沙咀「百利」2樓有間首飾店「Blest」，
專賣自家設計珍珠、閃石頸鏈及耳環等飾物。
我 Pre Wedding帶嘅珍珠鏈就係喺度訂造。
我一直都想要條3行珍珠頸鏈，
但喺一般珠寶店買一條簡單珍珠鏈無5位數字都唔使旨意有交易，
三行珍珠頸鏈設計極少，就算有對我來講都肯定係天價，
所以我遇見Winci 時實在非常興奮！
呢間小店最大賣點係「抵」同「用心」。
我身上「度頸訂造」嘅3行嘅珍珠鏈只需$1,800 !!
（價錢會因珍珠數量及質素有差異）
用嘅當然唔係咩南洋珠，而係一般養殖場嘅珍珠，
但色澤同形狀都夠照，影Pre Wedding同Big Day上場都絕對唔失禮！
神經質嘅我對珍珠排列及長度要求極度嚴謹，
好在Winci有求必應，我諗前前後後改左起碼5次！
提早祝全世界媽媽母親節快樂 !!
P.S. 回禮珍寶珠嘅下場：過年時阿媽帶左返大陸派街坊，總算無浪費⋯⋯
