上山追星 – 我們的真正偶像周潤發!

網誌

由十幾年前開始,每次外遊,很多人一聽到我話係由香港來的,他們第一個反應都係Jacky Cheung又或者Andy Lau,近幾年都有聽過史提芬周,耐一點就有李小龍chinese kung fu真係好厭悶,巳經唔知再可以畀咩反應。

聽得多後我幾年前開始都忿忿不平咁同他們解釋,其實大部份香港人都唔多like成龍,理由不用再講吧! Andy Lau呢! 唔認自己有老婆,這種男人,相信女士都唔多like。

當兩個月前在蘇梅島出差時,聽到一位酒店員工話好喜歡睇港產片,問他最喜歡什麼電影,答案係鄭依健的古惑仔,不禁感慨,香港的電影由八九十年代後好像空白咗。現在想起才奇怪,印象中沒有人提起周潤發,係咪他沒有英文名,啲人唔記得chow yun fat呢個名呢。

當他好紅時,已聽聞他為人節儉,現在就經常在網絡流出他搭公共交通工具的相片,超型地站在地鐵車廂或坐在巴士上,出眾至極,原來他沒有車沒有司機,更沒有智能手機。在fb上又成日見到我啲熱愛行山的朋友行山時見到發哥跟他合照,還說他沒有架子不會擺款,真係點止友善咁簡單,仲主動跟大家影相,仲要係發~哥~揸~機! 羨慕死我喇真係!

他又會以市民身份接受訪問,講沒有新鮮雞食都無所謂,快餐店的雞都幾好食,這比起一些冷有品味冷係識飲識食而樣樣都彈話唔好食冷有高見的人來得親切得多。

我們香港人,相信沒有人不喜歡他,就如沒有女人不喜歡劉青雲和吳彥祖一樣,因為明明係富翁的他,生活儉樸深居簡出,不過,請唔好話他是香港人代表,叨發哥的光,因為他絶對唔係典型的香港人,不停想住賺多啲錢然後再花好多好多錢在買車買樓買名牌,用物質炫耀自己的身份,又或沒有教養地用呼喝語氣命令家傭命令下屬以展示自己權威。

今日見到有關他儉樸生活的報道,以後外國人一提起香港,我一定會向他們介紹周周潤發,而唔係成龍或劉德華。

發哥,絶對是香港的清泉,真的希望在山中還到你,所以蛇年最後一天四點收工,即刻登上朋友說發哥經常出沒的針山,雖然見不到發哥,卻遇上美麗的黃昏。


你可能也喜歡

Recommended