一個令女友嬲到分手嘅原因

但10對有9對，其實都係因為一啲小事。

一啲我哋一直忽略咗，而估唔到殺傷力會咁大嘅小事。

為咗令大家防患於未然，我收集咗一啲估都估唔到嘅原因，等大家參考一下⋯⋯

【第一個原因】

Facebook，係情侶放閃嘅勝地。

呢位女朋友都自不然想將自己拍拖嘅甜蜜同朋友分享，但佢嘅男朋友正正相反：「拍拖係我哋兩個嘅事，我唔想將自己嘅生活講晒畀人聽。」

不過，喺佢女朋友眼中，呢件只係一件可以令佢開心嘅小事，點解佢咁都唔肯做？

呢個矛盾一直都解唔開，男嘅Facebook從來都冇出現過佢哋嘅合照，女嘅覺得呢件小事反映出男嘅唔肯為佢付出，一次都好吖，

氹下佢開心都唔得⋯⋯

最後，男嘅終於更新了，而佢唯一為段感情所寫過嘅就係：「對不起。」

【第二個原因】

呢個原因，有啲尷尬。

某日，另一位女朋友上到男朋友屋企，睇一睇佢嘅上網紀錄，發現啱啱佢睇完THIS__。

佢自不然問：「你有冇一路睇一路⋯⋯」

男朋友毫無顧忌咁話：「有呀！」

女朋友跟住就好嬲，點解佢要睇呢啲，係咪自己唔夠靚？

點解佢要自己⋯⋯係咪我滿足唔到佢？

男朋友解釋：「打丁係男人嘅浪漫，係一個廿幾年嘅習慣，就算有女朋友都唔代表唔打㗎⋯⋯」

結果，呢位男朋友，最後只係得番左右手嘅陪伴。

【第三個原因】

呢個原因，可以有啲難明，因為男女雙方自己都唔明。

佢哋拍拖多年，婚都就結，但突然傳來分手消息。

冇第三者，冇鬧大交，冇任何事發生。

只係雙方一瞓醒，都覺得想過一啲新生活。

大家連分手都冇講出口，第二日，就形同陌路。

多年嘅感覺，原來可以係無原因咁樣消失。

後來我問番女方有冇唔開心或者唔捨得，佢話咩感覺都冇，反而一身鬆晒。

呢三個分手嘅原因，唔信嘅當故仔聽下，信嘅相信一定明白，世界上仲有千千萬萬個分手嘅原因，同時都有千千萬萬個白頭到老嘅故事。

希望你係後者嘅主角。