【慘戴綠帽系列】用GPS都偷到食？

這是個關於GPS的故事。

「我要知道你去每日去咗邊，同邊個去，幾時返到屋企。」由拍拖的第一天起，她就表明，是個控制慾強的女生，對於他的行踪，要瞭如指掌，「最好你主動講我聽，我唔想要成日問你先講。」

起初，他很反感，但因為她是他夢寐以求的女生，為了跟她一起，退一步也不要緊，安慰自己：「佢都係緊張我啫，算啦⋯⋯」

「不能跟女生單獨外出」、「不能跟女生Whatsapp」、「即使迫不得已要講公事，也不能加Emoji 」這些要求，他都一一接受，有時會埋怨一句：「兩個人一齊信任好緊要，妳可唔可以信下我？」

或許她曾經受過傷害，極需要安全感，唯有這樣想。

一天，她再提出進一步的要求：「我要你長期開住GPS，我一Check你個Location就知你喺邊。」

這不是一個問題，他沒有「不同意」的空間，接受或分手。

「都唔緊要吖，我又唔會偷食，行得正，企得正。」縱使他身邊的朋友都無名火起：「你係咪男人嚟㗎？咁同坐監有咩分別？分手啦！」

他只是尷尬笑一笑。

不是說愛很偉大，只是他甘願接受一切，外人的批評，不足了解他內心的單純－只要她喜歡就好了。

此後，她還是會問：「你依家喺邊？」而其實她按一按就會知道他安坐家中，一個人食住麵睇戲。

「妳呢？妳做緊咩呀？」他問，這晚她說約了朋友，所以不能見面。

「我行緊街呀，唔講住喇，試件衫先。」

他不相信朋友一句：「我見到妳女朋友同個男人一齊，拖住手。」

「妳噚晚去咗邊？」但他還是忍不住問。

「咪行街囉，問嚟做乜？」

「自己一個？」

「做乜無啦啦咁緊張？」

「係咪同個男仔一齊？」

她緊張的表情，已經把真相告訴了他。

她所需要的安全感，原來是要確保他安在家中，或不會出現在自己跟第三者出現在同一地區。

最後，他當然分手了，後來認識了另一位女生。

只是，世界上，從此多了一位疑心重的情人。

「喂？妳依家喺邊？」

————————————–

【更多文章】
FB: 莎比亞
Follow IG睇拍拖Sweet相：sapeiar