[合井]感受韓國風情好地方

網誌

廣告

剪髮後,本黎同我朋友Plan左再去弘大逛逛

但係其實之前有一天已經去短逛左一下

係髮型店走前,為免要走冤枉路,就向Toby稍稍問了一下路

~

Toby告知我們去弘大既方向外,佢更向我們推介一個很多韓國當地人喜歡去玩、買東西、吃等既好地方-就係”合井” (。→‿←。)

據他說弘大會較多外國人去逛,而

合井則多韓國當地人去吃飯或逛街ヽ( ^∀^)ノ

覺得我們應行過後,微感高檔且有格調,而且非常近,他用手指指向弘大既相反方向

由於合井岩我地逛既地方唔係太多,約兩小時可逛完,建議我地行完再去弘大,走回頭,亦只需十五分鐘,很方便

~

Toby咁講 (⺻▽⺻ ) 當然引得我地一定要去朝聖一下啦

只要從店既左手邊行五分鐘見街尾往右轉就到

就係以下街口右轉啦~

行到既街道,可能係星期三平日既日子,大家正上班中,可見街道上比較少人同靜

見到飾品店當然又被吸過去

店裡售賣很多陶瓷手工藝品如耳環、項鏈、介指等,造工上色很仔細,顏色都很柔和,斯文可愛

因為係手作既關係,大多物品只有一件,如果喜歡特別唔想同別人撞,好似我當然唔會錯過,選返幾件鍾愛的帶返屋企 (・ิω・ิ)

我最終決定買了以下兩對,約港幣$80一對

另外,我買了一個好靚用黎放飾物既兜兜 (回到Apartment拍的),約港幣$130

而店既對面有一個奇怪既不停放水既水喉,入飾品店逛前,已經引起我非常大既好奇心,一個出現我腦海既問題就係~~有咩用處?? ʅ(‾◡◝)ʃ

逛完,我亦拉我朋友,過去八卦一下,近看,就跟我朋友說”覺得佢有D古怪…..”

HE HE HE HE~~~唔講你地唔知 其實我係一個好奇寶寶,都幾喜歡問問題

腦中靈光一閃,我就擦覺佢特別既地方了

大家看得出嗎? (我有SEND我妹看,佢亦冇看出有什麼特別……..)

相中牌寫左韓文…..不過我唔識…唔知寫左咩 ^^ 識既話,可以留言告訴我

開估了~~~佢三個水龍頭係完全凌空的,但如泉湧既水不停流出,另一個問題就係水邊度黎呢???

哈哈哈~~~~只要一柝解到呢個如魔術既擺設小巧妙之處,就可知道佢放置係度既原因啦 (=ˇωˇ=)

其實,水係由水柱中間一條細通往上吸的,呢個擺設就係等行過覺得奇怪既人停下注足觀看,多吸人流,待多點人亦八卦什麼樣店放呢個擺設於門口

我就八卦了,係一間西餐廳,定唔知係米風水陣呢,中國人信水為財麻

~

再行,又被一棟大樓外型、名字特別~叫”Gentle Monster”

而且地面一片紫色薰衣草吸左埋去

可見最裡面既兩面牆身有很大片落地既鏡子,令人更覺好像無盡既花海在眼前一樣,因此吸引很多女孩子在拍照 (。▰‿‿▰。) ❤

就連我們亦唔例外,完全忘了看此大樓是什麼

拍照完一輪,終於四看周邊,看到左手邊有一女店員,有幾層架放住太陽眼鏡,亦有一樓梯,原來係商店,很不像呢

沿住樓梯走上去,梯間暗暗的,頭頂有投影,亦有不同顏色光線穿梭,給我很新潮既感覺

到達二樓,亦發現不同於平時一般售賣眼鏡店,全層四面落地鏡環繞,中間一個大大的沙池上,一像正在下潛既潛艇

細看店裡太陽眼鏡款式特別、多變、非常新潮

不禁試帶上後自拍起來了,以下幾款係我幾喜歡的 (⊜‿⊜✴)

一款大約 HKD 2,000,算有點貴,不過,真係好靚

▲未帶眼鏡前

再上多層就係收銀及更多放眼鏡架,總共三層

因為仲未食中午,行完有點餓,四處找吃東西既地方

行左上一間位於三樓既Cafe,一上二樓就有一片花園,後面有一間落地窗好唔似診所既牙科診所

可能當天還未開診,裡面沒人

二樓向街影

cafe店內周圍微暗,有植物,令人心情很放鬆

點了餐後,看了桌邊放置既架,我地個邊可能係店主收藏既相機

而對面桌邊既架,放置一d簽名杯,唔知係米明星既簽名

我地點左三樣 (✪ω✪),分別係

蘑菇雞肉土司沙津,炒熟既椒、蘑菇、雞肉很香,土司軟熟

海鮮飯連凍既Americano

細份既芝士拼盤,左上角係當中芝味最濃、右上角很creamy淡淡芝味

左下角係唯一甜既水果味芝士、右下角硬身少少較咸,中間係甜車厘子

都很好吃,有水準呢 ( ´∀`)σ

可能呢間Cafe同樓下牙科診所有關聯 (⊙0⊙) 除收銀處有賣牙刷等用品,就連托盤既紙好像係脫牙既廣告,好得意呢,叫大家注意牙齒對大家既重要性

눈_눈 廣告令我想起我爸同我妹開既兒時玩笑,用房門一拉先脫牙,再帶佢去箍牙wo……..╮(-_-)╭ 大人為什麼都喜歡騙小朋友……..

食飽飽,行到一間位於地牢既二手店

梯口有一隻用真羊皮造既羊先生,那天天氣都悶熱,羊先生很大陣羊騷味呢

店內還有一隻坐係一二手雪櫃上既悉心打扮過既牛

天花橙掛滿毛公仔

店裡一邊有二手沙發、桌子、書存等

店裡很多手袋、衣服、眼鏡、高跟鞋等

我就看中一件外套背心及一個金色眼鏡框

然後,行到一間花店

門口仲設拍照區,店舖售賣盆栽、花束,還有不同既種植工具等

街尾,見到一間很有歐陸教堂感既建築物

走近看才發現,原黎係一間西餐廳

行畢,我們就行回頭過去弘大逛了會服裝店

吃晚飯後,就完成一天既行程,回Apartment休息了

~

我新買既旅遊書上只有三分一頁篇幅介紹呢個地方

逛完,我對呢個地方有很深刻既印象,所以推介大家下次去韓國旅遊也可以去逛一下~~

希望大家看完呢篇Blog後,對合井有多點了解,多謝收看! ~♪( ´θ`)ノ See You

你可能也喜歡

There are 4 comments

Add yours
  1. Leslie

    好好彩啊你!! 咁都撞到去Gentle Monster既shop, 呢個牌子係韓國好出名架!! (“千頌伊”戴完之後仲hit~) 我上個月去韓國都買左副GM既眼鏡, 不過因為有朋友同我講佢間shop好難專登搵到, 所以我去左普通既眼鏡鋪代理買~~~

  2. helensiu

    多謝你話我知原黎Gentle Monster係韓國好紅,唔怪得知我一入去睇到佢D眼鏡款既特別、時尚又型,好多款都好鐘意。帶上後,每款都很能帶出獨特既風格,我都覺得自己好幸運可以去到呢間太陽眼鏡店同發現合井呢個好地方~~有時自由行唔駛PLAN實曬所有行程,往往就會有意外驚喜(〃´•∪•`) 這已成為我美好回憶既一部份。呢D就係旅遊既快樂係米? (o´艸`o) 今次好開心可以Share 比大家 ^^


Post a new comment