無瑕透肌粉底試用

轉季皮膚開始變乾， 除左skin care要轉之外，
底妝產品都開始要轉架啦！
如果用番夏天支粉底就可能會覺得太乾啦！
要根據自己既膚質去選擇適合自己既產品， 底妝就會又貼又靚啦！
今日同事們就會挑選幾款粉底試用，
一齊聽下佢地既試用報告啦！

Joan: 極乾皮膚
對粉底期望：高瑕遮度，唔會太厚，好保濕
皮膚顏色：中等偏白色
Christy:混合性偏乾
對粉底期望：高遮瑕度，唔太乾得黎控到油
皮膚顏色：中等膚色

IPSA cream foundation SPF15 PA++ $340/6色
究竟搽粉底係咪搽得愈厚愈高遮瑕度就叫愈好呢？
IPSA呢個最新出既「原透光粉底系列」，
打破左粉底一貫遮蓋定律， 帶出番肌膚最真實既底層光澤。
呢個粉底有嶄新突破既原透光科技 及4色透光技術，
令到妝容更加剔透有光澤。
而佢亦加入獨有皇牌海洋活化精華，

可以預防缺水紋及粗糙膚質， 平滑幼紋等等。
cream狀質地，但推開都算薄，
質地唔太厚，搽完上去幾有光澤感。

（試用色號＃101）
雖然佢係cream狀，但上面竟然唔覺厚，
瑕疵大約遮到 7,8 成，
但都透到皮膚質感出黎，
唔會似戴左個面具。
保濕度都唔錯，上面唔覺得乾。

IPSA control powder $260/1色 ； case＄100
呢個control powder上面有混合左藍、黃、粉紅既大理石紋理，
入面既光學技術即刻可以提升肌膚透明感，
全新升級版既control powder提升左藍色光線折射比例，
改善暗啞及缺水問題， 配合全新Tight Oil Coating技術，
可以即時趕走肌膚缺水粗糙。
呢個密粉餅望落去好似好多色，
其實佢係屬於透明色，
不過上面又唔會完全透明， 都會淺色左少少，
我建議唔好上太多份量，
可以加強係highlight 位，特別係蘋果肌位，

望上去會更加飽滿，令輪廓更加突出，
其他位置薄薄上一層定妝便可。
粉質都算幼細， 不過佢質地偏乾，
較適合偏油肌膚使用。

Covermark moisture veil creamy liquid SPF38 PA+++ $300/8色
獨有柔光亮澤分子含有高純度雲母粒子，
令皮膚望落有珍珠般既光澤。
入面仲有全效鎖水複合物，
幫助鎖住肌膚水份， 而超細絲質圓形粉末，
可以遮蓋毛孔及撫平細紋。
偏杰身Cream狀質地～

推開見到遮瑕度都幾高，質地好creamy～
（試用色號＃MN20）
好少份量已經推得好開，
遮瑕度好高，大約8﹣9成瑕疵都遮曬，
連我超乾既皮膚都唔會有乾到裂既感覺～
上左面亦覺得好滑，
呢支真係超推薦！
好適合想要超高遮瑕度同乾性皮膚使用。

Sofina primavista powder foundation UV SPF 25 PA++
採用左最新既全天候貼服粉體EX，
入面仲有亮顏粉體配方， 控制進入肌膚內部光線，
令膚色望落更加均勻。 高度防水，10小時持久不脫色。

（試用色號＃03）
呢個粉餅質地好滑，
遮瑕度好高，雀斑位置都遮到一大半，
如果好似我呢啲乾肌全面上會覺得有啲乾，
如果拎出街補妝，輕輕補係甩左妝既位置就好ok。
適合瑕疵多／偏油既肌膚使用。

Estee Lauder double wear makeup to go liquid compact $380/12ml
Estee Lauder 既Double wear 粉底都非常出名啦，
可以話係品牌既皇牌粉底， 係好多朋友夏天時既恩物，
不過黎到冬天有啲朋友仍然會keep住好油，
咁就可以繼續考慮下佢啦！

而家佢出左呢個新包裝真係好方便，
禁個制啲粉底液就會出黎， 帶出街或者帶去旅行都非常方便！～
不過呢個包裝既份量得 12ml,
比起之前支裝既粉底份量少左啦！

（試用色號＃IVORY BEIGE）
屬於液狀質地，效果比較透薄，
遮瑕度中等，想遮得比較好可以輕輕ontop上多層，
雖然佢係主打控油粉底，不過驚喜地我唔覺得太乾，
反而覺得好水潤，
我覺得冬天用都好ok~

MAC Studio water weight SPF 30
呢類滴管型既粉底之前都有好幾個品牌出過，
今次就到MAC啦！
屬於偏稀身質地既水液狀~

（試用色號＃N12溝NC40）
因為今次我地收到既色號偏差較大，
所以今次我就溝左色用，
建議大家試色去專櫃試會較準確。
遮瑕度屬偏低，效果較自然透薄，
遮斑同黑眼圈需要另加遮瑕膏，
不過就唔覺得太乾，感覺都好水潤，
我咁乾皮膚都唔覺得乾呀！
好岩唔需要太高遮瑕度同乾肌使用。