無眼紋的小秘密

咁，其實，點解會有眼紋呢？眼紋是皺紋的一種，當你肌膚底的膠原蛋白流失，皮膚缺乏了飽滿細胞的支撐，加上乾燥等問題，眼紋就會出現，當然，眼紋也有可能受到眼形、遺傳等影響，亦有可能因為身體突然出現暴瘦，令到表皮突然沒有了脂肪撐住，也會令皺紋更為明顯。

咁等我回想一下，究竟自己做了些甚麼，令到眼紋「還未」出現。我左想右想，發現雖然自己作為美容編輯，經常收到不少眼霜，但曾「用到空瓶」或「用完再用」的，只有3瓶眼霜：Valmont、Estee Lauder、Erno Laszlo，全部出現過「空瓶」情況，而佢地嘅共通點就是「滋潤，抗皺」。

我的肌膚屬偏乾性，雙頰、眼周、額邊都很乾，但鼻翼下巴有點油，而眼周位置更是乾燥重災區，故此我必須選擇質感較滋潤的cream，但由於我眼周肌膚天生有油脂粒（應該是遺傳吧），於選eye cream時，既要潤但不要油，很矛盾很麻煩。

其實我試用過不少標明「滋潤」的眼霜，但滋潤的效果真的「因人而異」，Estee Lauder Re-Nutriv Ultimate Lift Age-Correcting Eye Cream極緻提升活膚眼霜，我推介了給不少朋友。早在步入輕熟肌的階段，我已愛用Estee Lauder的Re-Nutriv系列，也許因為我肌膚偏乾的關係，此系列的輕而潤的觸感，真的與我的肌膚好鬼夾，呢個加入頂級黑碧璽、南洋珍珠、活性黃金的系列，我曾上至潔面，下至Body都用它的，雖未至於驚為天人，但乾燥問題得到大大的改善，是最令人驚喜的。

咁呢瓶眼霜有乜好？潤、輕、深層，滋潤得來你不會覺得立黐黐，保濕的效果亦非常持久深層，我經常只塗薄薄一層，但經過一整晚的冷氣洗禮，也不覺肌膚有半點乾燥，最重要是你會覺得雙眼有光澤感，上粉不會卡粉，已知她是個上佳眼霜。

而另一個用到空瓶的，就是Erno Laszlo Phormula 3-9 eye repair DNA修護眼霜，點解佢係「3-9」？原因是Erno Laszlo對上為了8位名人研製轉屬修護配方，幸運兒有邊個？匈牙利公主、溫莎公爵夫人、柯德莉夏萍等等，而瑪麗蓮夢露就係Phormula 3-8的主人，連公主性感尤物都用，口碑真的多到你唔信！

好，講番3-9點好用。這瓶眼霜除了夠晒保濕之外，仲有6大功效：修護、保護、緊緻提升、抗皺、提升光澤、滋養，塗抹時記住要照顧埋上眼蓋，不用怕會過油，這瓶眼霜絕對不會有此問題，我試過肌膚太乾，塗時加厚一點，它滲透力超強，很快便滲入肌膚內，絕不會出現黏黏立立的感覺。我特別鍾意係夏天用佢，因為佢「水」得來較為清爽，但如果冬天濕度低時用，可於晚上多塗一層cream作雙重滋養保護。

Erno Laszlo Phormula 3-9 eye repair DNA修護眼霜

至於最後要推介的眼霜，就是我最愛的品牌Valmont（記住記住記住試用Renewing Pack），你可能會認為是我偏心（其實只要你試用過，就知我真的公平公正架，絕無偏心，要知道一眾名媛都用，就知是好野呀），但l’ELIXIR DES GLACIERS VOS YEUX冰凝金裝眼霜真的很適合輕熟至熟齡肌，又或是你的眼周如我般乾燥，它也可以「救你一命」！

Valmont l’ELIXIR DES GLACIERS出名「貴」，精裝版聖誕限量套裝，都要過萬元一套！點解咁貴？因為成分尊貴所致。它用了瑞士冰川礦泉水、高濃度三離子DNA、RNA、黃雛菊、薔薇果等萃取精華，令到它的抗皺、緊致效果更強更出色，由於它的尊貴，我會「就」住用，只有在肌膚最「需要」滋養時用上它，就如濕度under30%，當我上唔到粉，就知它要出場了。當然，我不會只用一天、兩天，如出現「有需要」情況，我要連續一星期改用它，滋潤感真的滿分，眼角明顯好像「笑笑嘴」般有提升的效果。這個神奇救星，可能是我零眼紋的原因之一。

其實塗抹眼紋也要注意，眼紋多出現於眼角位置，故此塗抹時記緊要照顧在眼角，並非只貼近眼角，而是要塗多點，至眼角與太陽穴的中間位置，咁先至夠滋潤。

另外，我仲有個小習慣，不知道與「無紋」有沒有關係，就是我一得閒，就好鍾意用中指按下眼角位，可能這個不自覺的小習慣，令血液循環加強了。

另一推介：

如果你與我一樣有個嚴重黑眼圈，可以試試用萬全堂的麥飯石板早晚按摩。麥飯石是數千萬年前火山爆發時產生的溶岩而形成的石化礦物，能釋放遠紅外線及負離子，有助促進血液循環，幫助身體排走廢物。

美容板用法非常簡單，只要先將美容板浸入熱水5分鐘（唔用都ok呀），將之暖化，再用u-side那邊，於已塗抹按摩油或eye cream的眼底，由眼頭開始向外按，按後可於眉頭向外再按，可以疏通經絡，令血液循環更佳，眼仔就更精靈，現在我早晚按，眼圈及浮腫真的改善左，隻眼無咁腫，看起來就更精神，真的要試一試呀！

Estee Lauder 旺角亞皆老街8號朗豪坊L1 3514 9363

Erno Laszlo 銅鑼灣軒尼詩道500號希慎廣場320號鋪 2565 0388

Valmont 尖沙咀連卡佛 3102 3108

萬全堂 中環皇后大道中88號勵精中心15樓 2525 9288