轉季補濕面霜推介
隨著年齡增長，相信唔少人都開始留意到皮膚變得無以前咁平滑。
特別係最近天氣轉涼咗，皮膚比平時更容易出現缺水問題，
皮膚底層一旦缺水，肌膚表面嘅紋理就會日漸變得嚴重。
所以係冷天嘅時候，我地要好好為肌膚補濕，減少皮膚因缺水而導致嘅乾紋問題。
以下落嚟會為大家介絡幾款面霜，幾款都有改善乾紋問題。
philosophy hope in a jar hope in a jar (HK$350/ 60ml)
呢樽高效保濕乳功效係為肌膚提供長效保濕同抗氧化。
入面嘅去角質乳酸酯類有助溫和咁為肌膚去除舊角質，令肌膚變得光滑。
而且佢嘅主成份酵母葡聚糖更有天然抗敏成份同抗氧化功能，
可以保護肌膚對抗環境嘅侵害，令皮膚更有光澤。
呢樽面霜質地好得意，開始時質地有D似雪芭，
當用手一推開時質地就好似變咗水咁，搽完皮膚完全唔笠，摸落仲好滑!
係呢三款當中最爽身嘅一款，好適合出油比較多嘅朋友。
呢樽高效保濕乳仲有極潤款同零油分款比大家選擇，
Benafion Moisturizing Cream 50ml
佢係彩豐行可以買到，大家都應該知道佢地賣嘅產品價錢都比較實惠喇! 入面有好多種植物精華同強效嘅保濕成分，
例如植物抗敏精華，卡瓦胡椒萃取精華，有機摩洛哥純堅果油，
可可巴油，海甘藍精華，維他命E同堆天竺葵香薰油等等，
呢D成份有舒緩肌膚敏感嘅功效，修護受環境侵害嘅皮膚，
仲有補濕嘅效果，改善皮膚因缺水而出現嘅乾紋同埋暗啞問題。
ettusais Premium amion cream (HK$280/ 90g)
呢一款面霜入面有 ettusais 獨家配方amino premium 7,
amino premium 7 有七種功效，包括軟化角質，提升肌膚光澤，亮肌，
細緻毛孔，緊緻，提升肌膚同埋鎖水。
可以滋潤肌膚紋理之外有緊緻肌膚嘅功效。
另外，入面仲加添咗維他命C配方，有助避免出現暗瘡。
清淡花香味，乳霜質地，入面有一粒粒微囊，
但推開時唔會好似磨砂咁粗粒同硬，
感覺推開時微囊慢慢溶化。
推開時感覺質地好水好易推，
很快就被皮膚吸收，吸收後摸上去皮膚唔笠。
之後為大家介紹兩款面霜，質地相比上面介紹到嘅較為滋潤，
所以比較適合中性至乾性肌膚嘅嘅朋友。
溫泉礦物保濕水份乳霜
成份入面嘅Vichy溫泉水當中有15種稀有礦物質，
比起VICKY上一代礦物保濕水份乳霜用多1倍高濃度透明質酸，
而佢嘅專利醫學保濕成分「絲柔鎖水因子」, 入角叉藻聚糖,
3種因子配合佢地突破性嘅活水循環科技，可以令水份均勻分佈於面部７大區域。
另外，加上入面嘅+40%保濕成分「甘油」，可以令肌膚補濕補得更均勻，
膚質變得水嫩飽滿。
香味方面似海洋香氛嘅香味， 乳霜質地，
推開時質地唔杰好柔滑，用完之後皮膚滋潤嫩滑。
Avene Tolerance Extreme Cream (HK$280/ 50ml)
入面嘅主要成分包括Avene抗敏活泉水，紅花油，
僵化角鯊烯等等。可以修護同滋潤皮膚，舒緩肌膚刺激反應。
令肌膚變得柔軟同堆加強肌膚嘅自我保護功能。
除咗可以做保濕霜，更可以當做妝前粉底霜！適合皮膚乾而且容易敏感嘅朋友!
打開用時包裝設計比較特別，用咗零污染無菌艙技術，
面霜只可以單向式流出，避免面霜回流入樽內影響質素，
縱使面霜無添加任信防腐劑, 酒精等刺激成份都可以保持質素。
1. 乳霜質地，無香味
2. 質地推開時感覺柔滑
3. 推開後
適合肌膚好乾嘅朋友。
上面介紹咗一D補濕為主嘅面霜，
下面將為大家介紹有緊緻功效嘅面霜。佢地嘅質地都比較滋潤，適合中性至乾性肌膚嘅朋友!
Za Perfect Solution Restoring Collagen Cream （HK$175/ 40g）
呢樽面霜入面加咗700萬兆深海膠原蛋白同埋維他命，
當中嘅深海膠原蛋白係提煉自深海鱈魚，
入面有好高濃度嘅高濃度骨膠原蛋白，
有助緊緻肌膚，令肌膚更有彈力同飽滿。
質地好似奶油咁滑，香味係海洋香氛嘅味，
質地柔滑易推，搽完之後效果滋潤。
適合乾性或者成熟型肌膚嘅朋友使用。
LaneigeTime Freeze Intensive Cream (HK$560/ 50ml)
呢樽係針對6大肌膚衰老問題嘅面霜，包括細紋，鬆弛，乾燥，
下垂、粗糙、暗啞六個問題。入面嘅Peptide Water 可以高效
滲入肌膚嘅真皮層，為皮膚底層補充水分。
而且仲用咗佢地嘅專利技術Dynamic Collagen Technology，
可以修復同堆激活老化嘅膠原蛋白，增強肌膚嘅自我修復能力之外，
仲有提升肌膚彈性嘅效果。
StriVectinLABS Extreme Cream (HK$950/ 30ml)
呢樽面霜主要功效係保濕，修護，抗老同埋活化肌膚。
入面嘅NIA﹣114成份係StriVectin 嘅專利抗衰老成分，
因為質地容易被肌膚吸收，可以快速滲透到皮膚底層，
強化同修補肌膚脆弱嘅問題，減慢肌膚衰老。
另外，入面更含極緻保濕分子同氧氣複合分子，
令肌膚持續保濕達24小時同改善暗啞問題。
質地比較杰身，用後感覺滋潤，無香味。
適合肌膚缺乏水份嘅朋友。
另外，因為作嘅成分無加添容易引致粉刺嘅成分，
例如人造防腐劑苯甲酸酯，礦物油，石油，人造色素同堆染料，
Fresh Line NECTAR Royal Nourishment Face & Neck Cream (HK$469/ 50ml)
入面嘅成份有有機蜂蜜、蜂王漿、金盞花同埋有機橄欖油，
佢地仲用咗有機草本花茶嚟取代水。成份主要由草本精萃及珍貴香薰油精製而成！
有滋潤同埋抗氧化嘅功效，仲可以鎖緊肌膚水分及減慢肌膚老化。
增強皮膚對周圍環境嘅適應力，從而改善皮膚質素。
蜜糖加香薰嘅香味，質地滋潤，
皮膚吸收後滋潤效果仍然非常持久。fresh one 嘅產品成分都比較天然，所以大家用時要留意佢地包裝上印嘅使用期限呀!
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
