秋季滋潤護膚品(上)

網誌


眨下眼又到左9月中旬啦,
咁就代表住秋天又快將來臨啦,
好多人都會以為一set護膚品就四季都岩用,
其實一轉季皮膚性質都會跟住變架,
而家就要開始轉定適合秋天用既護膚品架啦,
慢慢可以開始用番啲比較潤既產品,
唔係既話太乾都會容易引起敏感啦。

想護膚品更加吸收就可以先用磨砂產品去死皮,
如果塊面積得太多角質真係搽咩都好難吸收,
除左面部要去死皮,
其實身體其他部位都會有死皮,
好多朋友都鍾意搽body lotion,
不過就忽略做身體磨砂,
搽咩貴lotion都會浪費曬,
剩係塊面靚唔夠架!
要靚就要由頭靚到落尾啦,
秋天就黎到,
今次就會介紹兩款滋潤啲既面部同身體磨砂比大家。


la prairie活細胞礦物面部磨砂霜 $1150/100ML

la prairie既產品入面都有活細胞複合物獨有專利成份,
可以話係品牌既抗衰老秒密武器,
呢款面部磨砂霜入面就有石英、赤鐵礦、電氣石既細緻微粒,

而呢啲微粒就有效幫助清除雜質同老化角質,
可以改善乾燥肌膚,亦令膚色更加均勻。
仲加入左法國玫瑰同甘油,
做到柔嫩肌膚同高效保濕效果。

顏色帶有粉紫幻彩色,
入面嘅磨砂粒子比較粗粒少少,
不過磨既時候都覺得好舒服唔會吉面,
連乾性皮膚都用得,唔驚愈磨愈乾,
有少少花香味,
磨完之後沖水就覺得好滑,
仲會有種潤澤感覺架。

la prairie活細胞身體磨砂霜$1150/200ML

含有純淨鑽石、紫水晶加上稠密去角質微粒,
可以幫助肌膚去走老化角質,
配方亦含有玫瑰果油同山茶花油,
令到皮膚更加柔軟濕潤,好似有一層防護鎖水薄膜咁添。
而入面既橄欖可精華仲具有強效減壓既作用。

呢支顏色就帶有粉紅幻彩色,
同樣有陣好香既花香味,
聞落去覺得好舒服,
佢既磨砂粒子比之前個支幼細,
磨上去亦唔會覺得好吉面唔舒服。

好多人成日都話搽好多護膚品都覺得唔吸收,
要記住護膚品唔好搽得太厚呀 !
磨完砂之後可以用toner抹下面,
之後再搽其他護膚品就會更容易吸收啦。

Covermark科研再生美肌明亮補濕露 $1000/150ML

含有靈芝、人參、桑堪根、當歸、薏苡仁、
日本椎茸菇、蘆薈等7種珍貴漢方精華。
配方亦加入核桃種子精華,熊果素精華
可以抑制肌膚黑色素,改善暗黃問題。
至於納米化透明質酸可以深層鎖緊水份流失,
而Moist-fit oil可以潤澤肌膚,提升滋潤度、彈力同透明感。

質地呈水狀,有少少淺黃色,無咩味道,
會比較滋潤不過唔會有太笠身既感覺。
可以倒少少落化妝棉,然後再敷係偏乾位置,
會有即時補水效果架。

搽完toner就可以記得要搽番精華素啦 !
秋天開始變得好乾,
要搽番啲野補下先得。

SHISEIDO ULTIMUNE Power Infusing Concentrate$860/50ml

呢支就係全球首支激活肌膚免疫力既精華,
肌膚會因為受到乾燥、空氣污染、紫外線等既傷害,
而令皮膚免疫力逐步減弱,仲會令肌膚衰老架!
而佢就有幫我地提升免疫力既超卓功能啦,
當中蘊含銀杏業精華,可以抗氧化,
紫蘇同野生百里香就會有消炎抗菌作用。
當中含有保加利亞玫瑰水可以促進膠原增生。

Liquid狀質地,有種好香既草本花香味,
搽完上去好快吸收,
仲即時覺得好補水,乾紋都無咁現架。

Covermark 科研再生美肌明亮乳霜 $1500/30G

呢個cream同之前支lotion一樣含有人參、桑堪根、
當歸、薏苡仁、等等7種珍貴漢方精華。
另外,亦蘊含GluCare S葡聚醣可以提升肌膚自我免疫力,修復受損肌膚,
而高濃度迷迭香可以防止皮膚免受外來刺激,亦能調節膚色。
仲含有靈芝精華,激活細胞,加速新陳代謝。

呢個cream質地比較rich但又唔會太過厚,
滋潤得黎又唔會太過笠身,
搽完上去好快就吸收。
好岩皮膚好乾但又好怕笠既人用啦。

秋天都要記住搽番抗衰老既產品呀 !
個個都會想自己皮膚望落去飽滿啲,
個人都睇起黎都會比較精神,
而有人就會選擇去注射效果較持久既透明質酸,
不過價錢唔平而且唔係個個都接受到打針架。
如果你都有呢個煩惱,我就推介以下既精華比你啦。

HR 速效抗皺眼唇精華 $1380

針對減退眼唇部位既歲月烙印,輕盈柔焦成份利用光線平滑肌膚,
可以令皺紋即時減退架,
為左加強視覺效果上既修飾,仲特別加入左好纖薄既貝母亮片,
揉合透明油份,就好似臉上有塊反光鏡咁,
令到面部好有光澤感,望上去就更加飽滿啦。

而佢入面仲有三重透明質酸成份,可以滲透肌膚每一層,
高分子量透明質酸可以停留係肌膚表面,
有效做到即時補充水份作用。
第二重量透明質酸份子可以滲入肌膚表皮層,
鎖緊及保持水份,可以即時點復飽滿效果。
而第三重最輕既透明質酸分子就可以滲至表皮深層,
有助增加細胞間聯繫,令肌膚更加緊緻,

仲有抗皺功效添。
呢支屬於matte質地,無特別氣味,
可以搽係眼部多紋位置,
即時會無咁顯眼。

HR Re- Plasty速效活齡處方療程 $3800/30 ml

呢set精華比較特別,
入面會有支基礎精華,
而另一支精華係特製處方,
Total有6種唔同既特製處方,
會根據唔同肌膚需要去調製岩自己既專屬精華。
用既時候要將右面個支特製精華混合左面支基礎精華度,
再搖勻一分鐘,再擠出黎用就得啦。

入面含有偏木聚糖同透明質酸,
可以減少細紋同時為表皮層補充水份,
而維他命C可以減少色斑,
至於蛋白酶激活因子就做到促進表皮更生,
改善肌膚表面瑕疵。

如欲取得更多第一手美容及扮靚資訊
可瀏覽Girls Talk Main Blog:

www.girlstalk.hk/blogs
或 Like我們的Facebook專頁:
www.facebook.com/janicelammakeup

(版權所有,未經同意不得轉載。)

你可能也喜歡

Recommended