威靈頓月餅 威靈頓月餅

00後女生創威靈頓月餅月賣9,000個 為創業休學一年、賺6位數學費法國學廚!

智慧女生

智慧女生.獨家專訪 ︳中秋將至,月餅也隨著時代轉變,早些年的冰皮月餅,近年流行的日系、台式月餅,花樣推陳出新,一位00後女生,在2021年小試牛刀,把自創的「威靈頓月餅」膽粗粗推出市場,獲得一眾食饕紛至沓來,4,000多個月餅被一掃而空。月餅背後的主理人Phoebe,一位22歲的小女生,當大家將生活日常放上社交平台與眾同樂之時,她就透過 Instagram 將作品與大家分享,成立個人月餅品牌 Phoebe’s Kitchen,開拓夢想中的「大廚」事業。

威靈頓月餅主理人:00後的陽光少女Phoebe

眼前這個陽光少女擁有一身蜜糖肌色,富感染力的燦爛笑容,說話溫婉但語調爽朗,親民得連攝影師也大讚「好warm」,「我係 Phoebe,啱啱喺香港中文大學讀完酒店旅遊及房地產,而家全力整月餅。」連聲音都充滿正感量,好感油然而生。讀酒店旅遊及房地產學系,不是應該從事酒店業?「我本身鍾意運動,想讀體育系,但因為都鍾意煮嘢,又聽講讀酒店可以試酒飲酒,都幾啱我,就揀咗呢科。」

威靈頓月餅 想不到擁有一手巧手的Phoebe,鍾情Rugby。
想不到擁有一手巧手的Phoebe,鍾情Rugby。(圖片來源:受訪者提供)

00後女生不是都愛玩,為何會有這股勁去創業整餅?「因為我屋企好多人,一家六口,爸爸媽媽又要返工,小學時我同兄弟姊妹已經要分工幫手煮飯,唔煮就無得食呀,咪迫住去煮囉!」小小年紀要照顧家人好像是苦差,但聽著Phoebe發自內心的笑聲,就知家人是她的最強後盾,說不定烹飪天分也由此時啟發。

威靈頓月餅 創作威靈頓月餅就是一身蜜糖肌色的Phoebe,很難想像她是個大廚吧!
創作威靈頓月餅的就是一身蜜糖肌色的Phoebe,很難想像她是個大廚吧!(圖片來源:More編輯部)

英國小休被當地食材吸引.啟發威靈頓月餅

疫情影響全球人,正在讀大學的Phoebe也不例外,「本身我住開宿舍,我自己又鍾意煮嘢食,朋友都知我煮得OK,就會煮埋畀佢哋食,收番食材費$30餐。」筆者也曾捱過幾年大學宿舍飯堂的「美食」,相信要我付上$100膳食費,我也會乖乖奉上給大廚Phoebe。「之後因為疫情只可以網上上堂,我就趁空檔去咗英國搵哥哥、堂大佬同堂家姐。嗰段時間好開心,因為英國嗰邊食材好平好抵,仲要樣樣都好新鮮,所以就日日買、日日煮。就係個時開個IG放啲『作品』上網。」Phoebe堂哥也是個烹飪愛好者,偏好煮甜品,甚有口福的Phoebe哥哥,據說那段時間被「儲肥」不少。威靈頓月餅就是在那時得到靈感嗎?「嗰邊啲牛柳、牛油呢種西餐食材真係好多好平,亦都好靚,我就左試右試,諗諗吓不如試下月餅crossover威靈頓牛柳,估唔到,post上網之後引嚟好多迴響。」

威靈頓月餅 或者是緣份,也是啟示,Phoebe開設IG Page放的第一個美食,就是威靈頓牛柳。
或者是緣份,也是啟示,Phoebe開設IG Page放的第一個美食,就是英國廚神Gordon Ramsay的招牌菜式威靈頓牛柳(Beef Wellington)。(圖片來源:IG@xphoebeskitchenx)
威靈頓月餅 2年前一個小嘗試,便成就了今日「Phoebe
2年前一個小嘗試,獲得數千個like,也成就了今日「Phoebe’s Kitchen威靈頓月餅」。(圖片來源:圖片來源:IG@xphoebeskitchenx)

初創威靈頓月餅.為創業無悔休學一年

Phoebe會將美食創作放在Instagram與大家分享,想不到中西合壁的威靈頓月餅會得到極大迴響,「我都無諗過威靈頓月餅會有咁多人讚好同欣賞,有啲唔識嘅人留言問有無得賣,嗰時都係試吓賣畀朋友,無諗過會做到生意。」需求甚殷,令Phoebe萌生創業念頭,「讀我個系要喺酒店做intern,嗰時去咗凱悅酒店 Hugo’s Brunch 實習,由入廚房到serve客,學到嘅嘢對於我開拓自己品牌創業整月餅,好有幫助。」憑著在酒店學到的烹飪技巧,還有資深酒店業廚師教路,Phoebe 就由小朋友「煮飯仔」自製十個、八個威靈頓月餅,到決定找生產商合作,大規模生產推出市場。

威靈頓月餅 在酒店做intern令Phoebe獲益良好,打好創業的基礎。
在酒店做intern令Phoebe獲益良好,打好創業的基礎。(圖片來源:受訪者提供)

萌生創業念頭,時間、心力有限,就要作出取捨,「我覺得呢個都係一個好機遇,唔想錯過,但要全情投入,就要休學。」誰家父母不想子女讀書有成,辛苦考入大學卻花時間「整餅」,「嗰時媽咪都有話我,細細個佢已經想我好好讀書,我自己都知要盡力完成學業,媽咪就覺得辛辛苦苦考入大學點解要嘥時間整月餅,仲要唔知成唔成功。」網上流言蜚語,鍵盤戰士處處皆是,也人不少人留言說威靈頓月餅「亂咁嚟」、「個味應該好怪」,「起初也會唔開心,但諗諗吓人人有唔同諗法,有人食過覺得好味已足夠,就決心繼續做。」自古成功在於嘗試,「唔試一定唔得」,肯試才有機會成功,Phoebe無懼負評決心休業一年全情投入。

休學係好重要決定,但係我唔後悔,因為呢啲機會唔係時時有。

威靈頓月餅
(圖片來源:受訪者提供)

為試最佳配方造100個月餅.「谷辰GUU SAN」邀合作推廣

要大規模生產就找生產商,同時要穩定成品質素,「嗰時不停做月餅,希望可以試到個最好formula,都有試過100個以上不同方法,希望可以個酥皮做到最好最鬆,個口感要急凍完再焗都要最好。」做個小小intern的日子沒有白費,敢問敢試的Phoebe,拿著成品向當日的「師傅」請教,「大規模生產同自製整幾個畀朋友真係好唔同,我都有問番嗰時嘅『師傳』,睇吓點先可以做到最好。」找來最強後盾:家人、好友來試食超過100個成品,終於試到最佳配方。

威靈頓月餅 成功背後都有強大後盾,Phoebe能全程投入創業,全靠一班家人支持。
成功背後都有強大後盾,Phoebe能全程投入創業,全靠一班家人、朋友、同事支持。(圖片來源:受訪者提供)

「做到理想嘅成本,但大規模生產都要控制材料、成本,我一個人真係處理唔到,所以要搵人幫手。」一個20歲女生,就這樣帶著幾十個自製威靈頓月餅四出找生產商,「一個唔肯再搵另一個,終於搵到十幾個之後,有一個生產品喺生產、成品上都合乎到我嘅要求。」一拍即合,就在2021年創立「Phoebe’s Kitchen」並開始大規模生產,網上受歡迎未必得到大機構青睞,Phoebe多番嘗試也未能打入大超市,上年終於找到日式超市「谷辰GUU SAN」合作做推廣,更因此而打響知名度,人氣急升大賣4,000個!

威靈頓月餅 除了網上售賣,也有去不同的場地做推廣。
除了網上售賣,也有去不同的場地做推廣。(圖片來源:受訪者提供)

月賣9,000個月餅.賺取6位數學費法國學廚

熱愛運動的Phoebe,愛打籃球,更愛Rugby,這都是一些力量型的運動,但衝鋒陷陣的背後,也要細心分析形勢才作出進攻,性格樂觀的Phoebe,判斷力強,是個有計劃的女生,當大家仍享用月餅之時,她已為自己的未來事業計劃妥當,「下年2月我就會去法國FERRANDI 嘅Campus of Dijon進修廚藝,會讀一年學煮法國菜,希望到時可以邊讀書邊做part time,去唔到餐廳到學多啲唔同崗位嘅嘢。」這兩年除了將當初投資的6位數回了本,也賺取多6位數用作學費到法國留學。

出發前不忘找靈感創作2023年新口味月餅,而夢想開一所私房菜的Phoebe,希望可以邊煮邊邊跟客人交流,談談人生,也探討人生,「可以喺客人面前一路煮,一路睇住佢哋食時好滿足嘅樣,呢個係最開心。」有幸在小妮子面前即場品嚐威靈頓月餅的筆者與攝影師,外酥內軟,牛柳肉汁豐富,香而不膩,我倆口腹滿足的樣子,應該也令Phoebe樂一陣子吧!

威靈頓月餅
(圖片來源:More編輯部)
威靈頓月餅 威靈餅月餅除了有牛柳內餡,Phoebe更加入新配方:三文魚。
威靈餅月餅除了有牛柳內餡,Phoebe更加入新配方:三文魚。(圖片來源:受訪者提供)
威靈頓月餅 每個月餅都花了Phoebe不少心機。
每個月餅都花了Phoebe不少心機。(圖片來源:More編輯部)

Phoebe’s Kitchen

IG:xphoebeskitchenx

圖片來源:More編輯部、受訪者提供、IG@xphoebeskitchenx

你可能也喜歡

Recommended