fresh紅茶緊緻眼部精華 Joyce

【iTRIAL美評】fresh紅茶緊緻眼部精華幫我對眼抗衰老咁勁?

護膚保養

廣告

fresh 最新出呢支紅茶緊緻亮采眼部精華(Black Tea Firming Eye Serum) 由紅茶酵素、紅茶萃取、黑莓葉萃取及荔枝籽精華,加上眼周塑形胜肽研製而成。天然嘅成分加上創新嘅科研,據稱有鎮靜作用、可以撫平及縮細眼袋,同時帶來緊致提升的效果。我收到呢個產品之後,連續三個星期日夜都有用,睇下幫唔幫到我呢雙疲倦浮腫兼且多細紋嘅眼先!

Text and Photo: Jacob媽媽 (IG: cjoycec)

 

fresh 紅茶緊緻亮采眼部精華

價錢:$660 / 15ml
產品類型:眼部精華
賣點:蘊含紅茶酵素、紅茶萃取、荔枝籽精華及黑莓葉萃取,具備強效抗氧化功能,有助保護、軟化及平滑肌膚,防止糖化老化,令肌膚細嫩飽滿,同時紓緩肌膚。雙效眼周塑形胜肽有助撫平及縮細眼袋,令輪廓更細緻。杞子果實萃取及宇治茶萃取能提升肌膚緊致度,保持膚質年輕富彈性,並能鎮靜紓緩肌膚。

fresh紅茶緊緻眼部精華實測

質地:

因為眼部嘅產品份量一般特別少而貴,所以我用eye serum/cream 最驚一唧就唧出爆多份量,嗰下真係好心痛。超開心呢款唧頭設計一按就差不多等於一雙眼嘅份量,如果想再多D 用嚟按摩眼周就唧多下,份量剛剛好。

其次,佢個味超舒服呀! 佢係茶香加少少荔枝味,清香入鼻,淨係聞個味都feel 到嗰種天然程度,唔似某D 產品一大陣香料或者直頭臭臭地化學味。

易推度:

5分
最重要及最適合我嘅,就係佢啫喱嘅質地好輕薄、好易推。佢可以幫眼周肌膚補水之餘,唔使擔心引起油脂粒。我有試過其他質地比較豐潤嘅cream 狀,好lup 同會出粒粒。而且因為佢係啫喱狀易吸收,我朝早化妝,D 粉都唔會卡住喺眼周。

 

保濕度 :

5分

睇嚟我皮膚真係沙漠,上次個測試一開始係25%,今次測試又係25%。用完水份爆升咗一倍!保濕度好夠。眼周如果乾,細紋就會更加明顯 (所以我上妝前用佢就可以減淡D 紋,望落對眼有神D)。

 

 

去紋度:

5分

好後侮後生時我無乜用過眼部精華,導致30歲未到眼底已經有5-6 條明顯嘅紋。上半圖可見我只要微微笑,眼底紋就出晒嚟,下半圖為我持續用咗三星期後嘅效果。我盡量用同樣燈光及表情希望做到比較,可以見到三星期後仍然有2-3 條細紋,但係有幾條明顯嘅紋已經唔太覺眼,而且緊致咗。眼部細紋要預防相對容易,要改善係非常困難,基本上用一支Eye Serum 可以力保不失已經好勁,今次可以做到呢個效果好驚喜同振奮。

總評:

4.5分

由產品設計到質地我都好滿意,最後效果更加出人意表。但因為我略嫌佢唔太幫到我一起身對浮屍眼,所以扣咗半粒星。最後想分享下搽上眼嘅手法,因為手法錯咗搽幾多嘢都無用!正確手法應該係用無名指點塗式咁搽喺眼周皮膚,需要順住同一個方向輕輕點拍 / 按至吸收,去到眼尾可以稍稍往上做提拉。因為眼部肌膚非常薄嫩,千萬唔好做拉扯或大力推嘅動作,咁樣反而容易形成紋路。

你可能也喜歡