水嫩透亮肌關鍵在於肌膚代謝！公開5大必備高機能護膚清單 + 限定CP值至抵套裝

Jul 10 2020

光老化，口罩肌，加上高溫煎熬，唔少姊妹都逐漸有出粒粒、暗啞、油脂過剩，甚至出現初期老化等幼紋煩惱！原來要擁有健康透亮肌，必須要維持肌膚細胞嘅代謝節奏，先可以令肌膚狀態保持穩定，等美編同大家推薦分享一定要follow嘅護膚程序，只要擁有呢幾件高機能護膚神器，就可以回復返完美肌膚狀態，讓你以充滿自信嘅水感白滑肌見好姊妹！仲有必入手CP值最強套裝懶人包，全面照顧Sis嘅各種肌膚需要添～

健康細緻終極護膚CP：「ME乳液」+「流金水」

肌膚開始唔穩定同出現過敏缺水等情況下，姊妹們就要立即搵出問題根源同改善方案喇！美編超推薦Sis喺每日護膚程序內至少要加入IPSA 2大皇牌ME乳液同TTR AQUA流金水！原因係，ME乳液可以重整亂咗嘅肌膚細胞代謝系統，強化肌膚機能，唔單止改善暗啞膚色，仲可以加強後續護膚品嘅吸收能力，係預防肌膚初老嘅重要步驟！

喺又熱又焗嘅日子，就梗係必定要用埋有「流金水」之稱嘅皇牌TTR Aqua生肌水源素，為肌底直滲1000兆超微細保濕分子，仲有牡丹等不同草本萃取幫皮膚補水、鎖水，仲可以激活自我造水機能，有效抗氧、平衡水油、柔滑膚質，一次過解決多種肌膚問題，保濕抗痘，為修復口罩肌做足準備！除咗平時用化妝棉輕拍上面，呢排天氣悶熱加上口罩肌笠黐黐，美編鍾意用佢嚟濕敷當保濕面膜用，多效之餘，仲一物多用添～

紅遍中港日台嘅「流金水」，被不少網紅達人推介為日本保濕神水！可以一次過高效保濕、亮膚、去暗粒、抗氧、控油、細緻，解決多種肌膚問題，更可加強後續護膚品嘅吸收力，佢仲被小紅書美喻為「去閉口神水」，即係保濕又可以去暗粒！

以「個人化專屬配方」出名嘅ME乳液，針對不同肌膚問題而研發出不同配方，每款均蘊含有效抑制抗代謝酶嘅最新海洋活化精華EX，使肌膚回復自我更生能力，促進健康細胞代謝令皮膚重拾與生俱來嘅細緻透亮。

IPSA The Time Reset Aqua 生肌水源素（流金水）$320/ 200ml

IPSA Metabolizer Extra W 更生活化美白乳液 $590/ 175ml

IPSA Metabolizer Superior W 更生活化緊緻乳液 $680/ 175ml

推介針對3大問題肌嘅護膚方案！

除咗以上2支神器係入門嘅必備之選，為進一步加強抗初老效果，仲有3大針對性肌膚問題，美編揀出以下3支IPSA皇牌高機能好物，幫唔同姊妹嘅唔同煩惱提出解決方案：

1｜美白淨斑精華K.O. 暗沉肌

肌膚出現暗沉可能係肌底積聚色素嘅預兆，唔好好護理，再下一步就會出現色斑！呢支IPSA嘅皇牌美白好物—White Process Essence OP W美白淨斑精華，水感質地唔黏笠，好啱夏天用，保持肌膚清爽之餘，美白效果又顯著。佢內含超強美白成分，包括以薑黃素及蜂王漿萃取有效去黃褪黑、提升紅潤度；專利4MSK及透明質酸能抑制黑色素形成，截擊膠原黃化，提升透明感，回復肌膚水潤淨白透亮。

想加強美白效果，美編俾個貼士姊妹們，就係配合2大美白法寶「美白淨斑精華」（$820/ 50ml）+「ME Extra美白乳液」一齊配合使用，雙重力量改善肌膚黃化、追擊黑色素，令肌膚重拾白裡透紅、澄澈透明感。

2｜Serum 0 為都市肌排毒去水腫

長時間戴口罩，嚴重影響肌膚代謝力，加上肌膚缺乏妥善護理，好容易令肌底積聚毒素，降低淋巴及肌膚排毒功能，讓暗粒、痘痘等煩惱浮現外，仲令肌膚暗沉！呢個時候要用IPSA排毒皇牌好物—Serum 0 緊緻淨肌排毒精華，佢蘊合嶄新配方０Complex排毒複合物有楊桃、魚腥草及綠茶萃取，有效舒緩淋巴系統，幫助排走肌膚多餘水分，改善肌膚水腫，洗完面即時用呢支精華，質地好快吸收，有助排走肌底毒素、提升肌膚代謝，緊緻去水腫，咁就同好姊妹selfie時唔使P圖都可以打造水潤Ｖ面小顏啦～

夏天肌膚受紫外線侵害，加上年齡及壓力等都市問題令肌膚積存毒素，一定要用Serum 0排走老廢物質及多餘水分，改善肌膚浮腫及緊緻返線條輪廓。$700/ 50ml

3｜光老化、壓力紋不再！要用重點緊緻抗皺精華G

電腦、手機嘅藍光容易令肌膚受光害入侵，出現光老化跡象！加上戴口罩令肌膚受壓，法令紋日漸加深… 呢個時候要出動IPSA皇牌抗衰老好物#抗皺銀精華—Targeted Effects Advanced G重點緊緻抗皺精華G佢採用日本厚生勞動省認證嘅科研級精純維他命A同Deep G成分，裡面嘅矢車菊花萃取成分，有助修復膠原蛋白，高效擊退皺紋、眼紋、法令紋、額紋等，keep住肌膚年輕飽滿透彈。