玫瑰痤瘡

點解塊面成日紅卜卜 可能係 玫瑰痤瘡 作祟

護膚保養

廣告

身邊唔少朋友成日塊面好易紅卜卜,唔一定係易怕醜,可能係 玫瑰痤瘡 問題,由於一般人會將佢同暗瘡等皮膚問題混淆,好易被忽略,或者用錯治療方法。今次就等皮膚科專科醫生同大家講解一下啦!

Text︰YY

(Presented By Galderma)

面紅紅可能係 玫瑰痤瘡 作祟

玫瑰痤瘡係一種皮膚病,因面部血管擴張,引起紅斑及其他症狀。患者多數係 30歲以上嘅女性,但其他年齡及男性亦有機會患上玫瑰痤瘡,發生喺男性身上,情況會較為嚴重,成日講嘅酒渣鼻就係由玫瑰痤瘡所引致。

玫瑰痤瘡徵狀

由於玫瑰痤瘡外表睇好似暗瘡,因此好多人會混淆,所以會被忽略或用錯方法處理。但玫瑰痤瘡一般表徵係面部中部出現泛紅、痕癢、發熱,泛紅位置細睇會睇到微絲血管兼久久不退紅,所以同暗瘡有明顯分別。皮膚科專科醫生陳湧表示,「玫瑰痤瘡原因不明,但如有家族史、白淨皮膚,以及中年女士等,就有較大機會出現呢個問題。尤其飲酒、身處侷促環境及悶熱、曬太陽、做劇烈運動,以及服用某啲血壓藥等情況下,情況會加劇。」

9成玫瑰痤瘡患者自信心低落

陳醫生又表示,由於玫瑰痤瘡引致嘅面紅可以好嚴重,有客人經常被人問及健康情況而感到相當尷尬,造成社交困擾,有美國研究指出9成患者因紅腫不適而影響自信、社交,以及工作表現。所以正視問題,及早就醫!

玫瑰痤瘡治療與護理

陳醫生指出暫時未有根治方法,但可以用藥物控制,例如口服、激光及外塗藥膏。最簡單方便嘅就係外塗,由於玫瑰痤瘡屬炎症一種,如含有外用伊維菌素(Ivermectin)成分嘅藥膏,針對炎症,有效減退紅腫及痤瘡。玫瑰痤瘡患者除咗避免上文提及嘅活動及侷促環境外,平時護理要選用強效保濕得嚟又夠清爽嘅產品。都係嗰句,如有任何皮膚問題,記得唔好亂塗嘢,去睇醫生了解清楚先至好呀!

SOO-PL002-1218

你可能也喜歡