「粉」飾春夏，輕妝上陣

艷麗濃妝已經Out喇！今年春夏彩妝繼續玩小清新，仲加入粉色元素，提升甜美感，例如SHISEIDO MAQuillAGE嘅春夏眼影及雙色唇膏，就主打備受熱捧嘅Pantone色調！Mark實以下三個化妝重點，變身唯美女神話咁易！

MAQuillAGE Dramatic Mood Eyes（$240，限定5色），一盒三用有齊打底、眼影、眼線，眼影質感細緻貼服，而加入唇彩配方嘅眼線膏顯色又易推；
MAQuillAGE Dual Color Rouge（$210，限定5色），以珊瑚色為主調嘅雙色唇膏，由內而外營造柔和漸變唇色，甜美自然。

重點1：粉嫩眼妝

Pantone公佈了寧靜藍和玫瑰石英為今年嘅年度色後，各個品牌嘅春夏彩妝都無粉不歡。但大範圍塗藍眼影未免太「行」，可在眼尾局部點綴，畫上一截藍色眼線，自然低調又不失玩味感。

若想打造陽光氣息，其實可以大膽試試粉橙色眼影！好多人覺得搽橙色眼影會令眼皮浮腫，其實只要揀較柔和嘅粉橙色，再用米色、金色同啡色做配搭，出嚟效果感覺好Fresh㗎！

重點2：透亮漸變唇
今年流行光澤感唇妝，著重水潤亮澤嘅漸變染唇正好食住個勢。選色方面，大熱珊瑚色系好適合清新妝容，而且帶粉偏橙嘅色調尤其啱亞洲人膚色，有顯白效果。

MAQuillAGE Dual Color Rouge五款新雙色唇膏以珊瑚色為主調，滿足晒兩個要求。推薦上圖水原希子使用嘅#22色，活潑又時尚，返工出街都用得，而#25色就好襯粉橙色眼影！

重點3：偽素顏底妝

似是而非嘅「偽素顏」係唯美妝容嘅基本，要成功打造無妝感，保濕度高嘅妝前底霜同透薄粉底係必備！夏天皮膚好易出油，尤其長坐冷氣房嘅女士們，用有控油效果嘅底妝都好重要，否則溶到一撻撻，失禮人就唔好啦！

只要掌握呢3個重點，最Hit妝容輕易上手！順帶一提，MAQuillAGE呢支Dual Color Rouge喺1月首推時極速賣清光，今次再出大熱新色，肯定仲搶手，想買就快喇！如果唔識同眼妝襯色，可以試下Dramatic Mood Eyes同色號眼影，一Set過襯好唔洗煩！