《Doctors》朴信惠的減齡 瀏海

Text ｜Candy Choy

朴信惠、金來沅、李聖經等主演嘅SBS新劇《Doctors》成為冠軍打低所有同檔劇！唔只收視高，兩位靚靚女角朴信惠同李聖經仲以新形象示人，今次仲不約而同剪咗空氣 瀏海 ，雖然兩位本身都仲好青春，但無可否認，剪完呢個空氣 瀏海 之後，兩個喺劇入面扮中學生，真係一啲違和感都冇！睇住兩位靚女嘅新形象咁fresh，真係想追劇之餘，跟埋佢地剪空氣 瀏海 ！

朴信惠　減10歲

喺新劇《Doctors》中扮演醫生，同時亦要回到過去做校園叛逆少女，配合少女角色剪咗個前所未見、充滿空氣感嘅 瀏海 ，真係令人眼前一亮！唔只襯返個中學生角色，仲比以往女人味嘅髮型有新鮮感得多，一時梳直瀏海 ，一時捲鬈，望落真係成個十六歲妹妹咁，加埋佢標記大眼，真係好cute！

本身現年26歲嘅朴信惠，剪咗空氣 瀏海 ，真係young咗10年有多。

劇裡面嘅朴信惠都有用髮卷整空氣 瀏海 ！

睇返呢個側 瀏海 鬈長髮，係靚嘅，但真係太成熟。

做醫生嘅時候都係繼續梳空氣 瀏海 ，翹耳嘅髮型都好討好。

金來沅、朴信惠由師生關係變醫生前後輩。

變八字 瀏海 一樣靚。

《Doctors》發布會上，朴信惠梳起低馬尾襯Chanel復古喱士小黑裙，女性化得來仍然好青春！

萬人迷 李聖經

同朴信惠同年嘅李聖經，喺《奶酪陷阱》中扮演性格瘋狂又係購物狂嘅白仁娜，今次《Doctors》性格就正經得多，係有個醫生爸爸，樣靚又多人錫嘅女醫生，同時係朴信惠嘅同學，呢個亞麻啡髮色同空氣 瀏海 ，感覺清爽又後生咗。

對比佢之前嘅成熟造型，空氣 瀏海 真係發揮減齡作用！

《奶酪陷阱》嘅白仁娜係時尚物質女，highlight 長髮霸氣啲，不過呢種髮型普遍男人唔多buy。

《Doctors》入面做學生妹時嘅李聖經，反而唔係梳空氣 瀏海 ，不過長直髮加短側 瀏海 一樣咁純情。

一染亞麻啡髮色搭空氣 瀏海，就算係要做31歲嘅女醫生，感覺都仲係好似廿歲咁。

影貼紙相、齊齊食雪糕嘅場面，相信係好多告別校園好耐嘅女性集體回憶，睇佢哋真係唔覺係26歲！

紥起辮仔嘅佢哋，真係好鬼少女。

睇咗咁耐，你都想整空氣 瀏海 ？即刻睇片，有呢個秘密武器好快搞掂！