$88兩個人分 ! 去山林道隱秘靚景歎下午茶

Q: 有什麼餐廳適合慶祝生日或週年紀念？

香港其實有很多特色餐廳，即睇： 打卡餐廳Cafe推介 ／ 海景餐廳推介 ／ 香港酒吧高質推介 ，適合打卡，又是情侶拍拖、慶祝生日、紀念日，甚至閨蜜聚會的好去處！

Q: 有什麼拍拖好去處推介？

情侶約會可以去這 拍拖好去處 ，既玩味又能滿足女生愛打卡的要求。在特別日子到 影相好去處 拍照留念都是很好的選擇！另外也可到 Art Jamming 、 Tufting ，最後可以去 按摩店 放鬆身心。

生活品味

Jun 8 2016

Text & Photo| Joan

Edit| Mabel

Source: weekendhk.com

下午茶拼盤通常都二百幾蚊起跳，食完都有啲肉赤。不過最近於尖沙咀發現了一個$88的二人下午茶拼盤，以鹹點為主，望落都幾抵食！餐廳還有落地大玻璃窗，可望著樹景邊食邊Hea，喺邊?即睇試食報告！

鹹點為主下午茶拼盤望樹景relax歎

餐廳在尖沙咀山林道附近，門口放了一個大牌子都是sell這個下午茶拼盤。拼盤於2:30pm供應，當日入座客人不多，只有三四枱，但每枱都有叫這個拼盤，餐廳平時點一份漢堡都要$120起跳，今次$88有這麼多選擇，連另一枱的男生都說非常抵食！

餐廳門口的宣傳牌都是力sell這個下午茶拼盤。

餐廳位於2樓，可以望到街外清幽樹景，可以涼冷氣和坐梳化位，望住綠油油的街景放空，超relax。

望著出面人車流動，自己就涼著冷氣食tea，諗起都特別開心！

近落地玻璃窗的一邊有梳化位，Hea一個下午絕對無問題。

$88的下午茶拼盤，食物方面有固定款式，但可以任擇兩杯飲品。

等了大槪10分鐘，拼盤便上枱，賣相非常精緻，有4個迷你漢堡、一盤薯條、一盒芝士通粉、巴馬火腿露荀卷及兩件朱古力牛角包。不過上枱後發現份量偏少，漢堡都是一口size，估計大胃女士們可能不夠share，男士們應該要KO整份才夠飽，不過都是$88啫。隨餐更附有兩杯飲品，可選檸檬茶、生果特飲、花茶和汽水等。

下午茶精選拼盤(二人份) $88

所有食物放在長木板上，賣相精緻，五款鹹食及一款甜點，更附有兩杯飲品，這個價錢，無得彈！

香草肉丸芝士小漢堡其實這款都不當是肉丸，是漢堡扒才對，面頭有塊半融芝士，好吸引！

漢堡包兩邊都有加牛油烘香，不過一食就發現漢堡扒煎過頭，扒的兩邊完全過燶，味道有點澀！而且裡面沒有香草味，反而有些辣椒，所以味道帶少辣，整體來說有點失望。

賣相同樣呃到人，漢堡夾著雞肉和生菜，面頭更有一塊熟蛋。

兩個漢堡的雞肉份量參差，而且只有少少調味，味道較單調。

焗芝士通粉熱辣辣，錫紙盒超辣手，通心粉夠軟身，但芝士味不太濃郁，如果你是芝士控恐怕不太夠喉！

巴馬火腿露筍卷賣相不太吸引，露筍放到好似巫婆手指。火腿片夠鹹香無筋，味道正常。

燒烤味薯條上枱時都是熱辣辣，而且每條薯條都均勻地撲上燒烤粉，好惹味，配上茄汁及酸忌廉醬汁。薯條就算放涼了都仍然脆身，不錯！

下午茶當然要以甜品作結，一人一件朱古力牛角包～

裡面有多層酥皮，一咬下去非常鬆化，而且酥皮面頭被朱古力完全覆蓋，一人一個唔夠喉！

菠蘿檸檬特飲，酸酸地幾開胃，而且凍飲都不用額外加$3，抵讚啊。