置裝換季兼搵食！ 葵涌廣場 7大抵食推介

激厚芝士奶蓋X特濃宇治抹茶

有別於最近的新店，這間飲品店茶芝味位於一樓，主打茶飲品，有烏龍茶、宇治抹茶和金鳳茶等等，最特別是於茶上加一層超厚的芝士奶蓋！以後想喝奶蓋飲品不一定到光顧某間台式飲品連鎖店了。

凡有奶蓋的飲品，店員更會教大家將杯傾斜45度飲用，才可一次過喝到茶和奶蓋。

Oreo芝士宇治抹茶 $30

芝士奶蓋比坊間的奶蓋飲品厚一倍，非常有誠意！奶蓋的芝士味非常重，帶少少鹹味，而抹茶味夠濃郁，兩者味道十分夾！若想口感豐富一點，可以加Oreo。不過記者認為「原汁原味」最好飲！

芝士奶蓋非常厚，好有誠意！

芝士玫瑰烏龍茶 $27

烏龍茶帶有玫瑰花香，不過味道略嫌蓋過奶蓋的芝士味。

凡有奶蓋的飲品，店員建議大家將杯傾斜45度飲用，才可一次過喝到茶和奶蓋。

大大招牌水果茶 $35

用時令水果和綠茶製作，今次有青檸、西瓜、檸檬、百香果等新鮮生果，青檸味較重，帶少許茶澀味，非常清新！

茶芝味
地址：葵芳葵富路7號葵涌廣場1樓B07號舖（顯示地圖）
營業時間：星期一至日12pm-10pm

甜到漏！三重紫薯窩夫

愛紫薯的人有福了！廣場內新出了一間專賣窩夫和泡芙的甜品店Waffle Corner，店內推出了紫薯窩夫，窩夫更可選擇紫薯餡，足以令紫薯控抓狂！

紫薯窩夫（加紫薯餡） $32

窩夫上有香滑的紫薯忌廉和紫薯粉，內裡更有紫薯餡，簡直是紫薯的三重享受！不過，若加紫薯餡的話，味道會偏甜。窩夫會配一球雪糕，有雲尼拿、朱古力、士多啤梨、綠茶、曲奇和芒果，6種口味選擇。

窩夫內的紫薯餡很足料。
Mega棉花糖窩夫 $29

超大棉花糖蓋過一半窩夫，再加一球自選口味的雪糕，單看賣相已經覺得非常吸引！棉花糖雖然焗到金黃色，但內裡未能焗至流心效果。

Waffle Corner
地址：葵芳葵富路7號葵涌廣場2樓潮流廊2020號舖（顯示地圖）
營業時間：星期一至日12pm-10pm
電話：9022 7704

打直豎起鐵塔窩夫

紫薯奶黃鐵塔窩夫 $22

Haru & P lolly waffles 不斷推出新口味，最新時令之選當然係奶黃系列喇！睇咗十分鐘，最多人買係紫薯奶黃鐵塔窩夫($22)，八吋長的鐵塔窩夫，唧滿咗紫薯後已冇法打直豎起，紫薯夠熱香噴噴，紫薯味重令奶黃味唔突出，不過已經好好食！

其貌不揚 明太子牛角包 $28

從店員手上拎到時已是紙袋包裝，打開已經係變晒形，賣相絕不討好，不過咬咗一啖睇法完全唔同晒，明太子味道好突出但唔會多到有腥味，醬汁多而唔覺膩，牛角包凍咗都唔會出晒油，下午茶食最開心。

Haru & P
葵涌廣場2樓C07店

台灣人主理　台味台式甜品

葵涌廣場甚麼類型的小食都有，當然少不了台灣代表，手抓餅、台式麵、珍珠奶茶， 連台中夜市鹽水雞都有，似乎獨欠台式糖水－－豆花、芋圓、地瓜圓這一類。新店豆花先生正正補足這一角，老闆是台灣人，本身在台經營豆花店，對須花費工夫製 作的芋圓、地瓜圓等素有經驗。他和老闆娘每日新鮮製作豆花、芋圓、地瓜圓等食材，更堅持採用加拿大一級非基因改造的黃豆，無添加食得更安心，而且價錢夠便 宜，日日都賣清。

芋圓紅豆豆花 $23

芋圓煙韌夠Q彈，吃下有芋頭清香。紅豆用台式製法，即使煮好也吃得出粒粒的紅豆。客人可選凍或熱吃。

地瓜圓粉圓豆花 $23

地瓜圓同Q彈，味道較甜，粉圓則是台灣貨，非常有嚼口。老闆娘是香港人，知道如把台式配方照搬來港，香港人或許會加速糖尿發作，所以店中出品，甜度都會輕一點。

論價錢，貫徹葵廣平絕港九的方向，以約$20吃到台式豆花一類甜品，抵！

豆花先生
地址：葵涌廣場2樓潮流廊2012號
電話：6707 6169
營業時間：12:00nn – 10:00pm

下午茶心水選

東門町的酸辣粉相信是不少葵涌OL同中學生的午餐和下午茶的心水選，不過一成不變怎留嘴刁客人，近期他們熱賣的小食是紫薯手抓餅。紫薯是近期人氣食材，加入手抓餅令餅身更香糯，可以加入不同的Toppings，更惹味，當然都是吃得一手油淋淋，但如果手抓變得乾身如薄餅皮，相信請你也不吃。

東門町新推紫薯手抓餅($15+$7肉鬆)

一口蘿蔔糕($13)

見到不少學生來都買「一口蘿蔔糕」，原來只是$13姑且一試，細細顆半煎半炸好香口，原來秘密來自他們的辣醬，辣味好夠乾身惹味不油膩。有人留住隻杯的辣醬再去別舖買魚蛋來點。

東門町
地址：葵涌廣場3樓87號B店

超人氣軟雪糕

松露軟雪糕 $25

千祈咪諗多！呢杯雪糕所講的松露(Truffle)應該不是價錢媲美黃金的黑松露，食晒成杯都唔覺有黑松露味，佢應該係指Truffle Chocolate(朱古力的一種)。因為主打係朱古力雪糕，好多人就拎佢同Godiva比，雖則朱古力冇咁濃，不過幼滑感覺卻更勝一籌，綑咗果仁邊的威化筒好香脆，$25杯性價比計係超值。

紅果雪糕 $25

將士多啤梨以真空脫水技術變成乾果再打成細粒，灑在雪糕上做toppings，味道酸甜，中和咗雪糕甜味，不過略嫌份量不夠多。

Kiss Ice-cream
地址：葵涌廣場3樓85A店

屹立多年班戟店

能夠屹立多年(現場街坊說保守估計都有十年，店員答唔知 )絕對唔簡單，又一班戟舖面已經殘殘舊舊，但人龍亦依舊，相信抵食夾大件係最大原因！

抵！木糠焦糖班戟 $25

新推出嘅木糠焦糖班戟 ($25) ，兩個自選雪糕球，加埋大量忌廉，仲有木糠同焦糖淋面，咬開時焦糖有拉絲，加埋鬆軟木糠，唔稱得上係絕頂好味，但份量絕對係填補甜品心靈的滿足。

鴨胸蜜桃班戟 $25

班戟烘得香脆，煙鴨胸、蜜桃同生菜一鹹一甜味道好夾，份量大到可以當一餐lunch！

又一戟
葵涌廣場3樓( Kiss Ice-cream 隔離)

https://www.youtube.com/watch?v=sn0yn5qW8h4